聖誕好去處 | 一年一度最有氣氛嘅節日又就到～大家又諗好去邊度玩未呢？日本人氣高企角色Kanahei’s Small animals將會打造出玩轉粉紅遊樂園～即刻睇吓有咩打卡位啦！

圖片來源：官方圖片 | 撰文：Hedy

今個聖誕節，荷里活廣場聯乘日本人氣角色Kanahei’s Small animals，打造冬日限定「荷里活廣場x Piske and Usagi『玩轉粉紅遊樂園』！除咗有4大打卡位之外，亦有2大玩樂區等緊大家過嚟玩～

Piske and Usagi 玩轉粉紅遊樂園！（圖片來源：官方圖片）

2大玩樂區

小朋友隨時都可以喺玩轉粉紅遊樂園入面放電～只要由2024年11月22日起至2025年1月5日，憑即日電子貨幣單一消費滿HK$200並捐款予「香港公益金」，或荷里活廣場VIC會員憑5 VIC積分，即可換領「夢幻雪人糖果池」或「粉紅歷奇繩網陣」入場券一張，每日每節入場人數有限，想玩都要記得早啲去～

  • 粉紅歷奇繩網陣

全港首個4.5米高，07米長嘅「粉紅歷奇繩網陣」，等大家都可以上下攀爬，穿越所有嘅障礙物～爬到最高點更可以獲得粉紅兔兔嘅聖誕禮物！

4.5米高粉紅歷奇繩網陣（圖片來源：官方圖片）
  • 夢幻雪人糖果池

而6米高嘅P助亦首次以雪人造型打造出「夢幻雪人糖果池」，一齊玩轉粉紅遊樂園，充滿粉紅色嘅世界最啱大家打卡！

6米高嘅P助（圖片來源：官方圖片）

4大打卡位

  • 粉炫夢幻門廊

一入到去大家就已經見到親切嘅兔兔，已經換上聖誕裝扮，喺粉炫夢幻門廊等緊大家一齊入去玩～

粉炫夢幻門廊（圖片來源：官方圖片）

  • 粉紅星光禮物村

聖誕最有氣氛嘅當然一定要行吓P助與粉紅兔兔嘅冬日聖誕村莊，置身喺呢片浪漫嘅粉色海，相當禮物～而且P助與粉紅兔兔將會化身成為聖誕樹上嘅可愛小精靈，掛喺樹上面超可愛～

好得意嘅聖誕樹～（圖片來源：官方圖片）

  • 聖誕雪橇禮物車

聖誕又點少得禮物呢！P助同粉紅兔兔率先坐上聖誕雪橇車，雪橇車上面更裝滿禮物～大家都可以同佢哋一齊出發派禮物，化身為聖誕老人。

聖誕雪橇禮物車！（圖片來源：官方圖片）

  • 神秘魔法禮物盒

場入面竟然有一個神秘魔法禮物盒等緊大家打開？入面仲有著上冬日裝束嘅P助為大家送上聖誕驚喜～

聖誕禮物盒！（圖片來源：官方圖片）
【INFO】
荷里活廣場 x Piske and Usagi「玩轉粉紅遊樂園」
日期：2024年11月22日至2025年1月5日
時間：10:00至22:00
地點：鑽石山荷里活廣場一樓明星廣場

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk