聖誕好去處2025｜就算未到聖誕各大商場都已經有聖誕裝置等緊大家影相啦，想率先體驗濃厚嘅聖誕氣氛就一定要嚟打卡影相！小編已經幫大家精選咗逾50大香港聖誕好去處，即刻入內文睇詳情喇！
圖片來源：官方圖片 | 撰文：Hedy
聖誕好去處｜1. mofusand夢幻聖誕村 —— MOSTown新港城中心
深受大家鍾意嘅mofusand將會喺今個聖誕登陸馬鞍山MOSTown新港城中心，誠邀一眾貓迷與mofusand同遊夢幻聖誕村。「MOST-Exploring喵喵聖誕探險記」設有4大主題打卡位同2大主題體驗區，仲有成30款聖誕萌LOOK嘅mofusand同大家見面！當中包括3米高巨型毛茸Snowman mofusand、mofusand 站前冰雪廣場、MOST-Glittery 聖誕閃爍花園以及「MOST-Exploring 冰雪樂園」體驗區，仲有得換領mofusand未來聖誕卡～
【INFO】
《MOSTown 新港城中心 x mofusand MOST-Exploring喵喵聖誕探險記》
日期：即日起至2026年1月1日
時間：主題打卡區（10:00至22:00）；主題體驗區（星期一至五13:00至17:00、星期六、日及公眾假期12:00至20:00）
地點：MOSTown新港城中心L2天幕廣場（港鐵馬鞍山站B出口）
聖誕好去處｜2. Dumbo 主題聖誕嘉年華 —— 新都城中心2期
由小飛象與好友提摩太（Timothy）領航，帶大家一齊參與3,000呎Dumbo 主題聖誕嘉年華！MCP CENTRAL （新都城中心2期）將大家譜出「Dumbo聖誕飛翔狂想曲」，小飛象將化身成6米高巨型「星空小飛象」充氣裝置，帶大家展開聖誕旅程！當中6米高充氣「星空小飛象」裝置，喺6米高嘅空中伸展著招牌大耳朵，率先迎接大家探索聖誕嘉年華。同場亦有星願馬戲門廊、9米高巨型「閃爍星光聖誕樹」、「小飛象號」聖誕列車以及小飛象旋轉派對。鍾意玩遊戲嘅朋友就一定要玩埋4大小飛象主題攤位遊戲，考驗大家眼界。
【INFO】
《聖誕嘉年華攤位遊戲》
日期：即日起至2026年1月1日
時間：12:00至20:00
地點：MCP CENTRAL（新都城中心 2 期）L1天幕廣場
聖誕好去處｜3. 為食Fatty聖誕甜蜜樂園 —— 置富malls
-
馬鞍山廣場 – 為食Fatty聖誕甜蜜樂園
位於馬鞍山廣場嘅為食Fatty聖誕甜蜜樂園。頭戴聖誕帽嘅巨型為食妹，將喺高達6米嘅聖誕派對蛋糕上手拿刀叉，準備同大家一齊品嘗甜蜜滋味。以車厘子與士多啤梨作點綴嘅海綿忌廉蛋糕變身特別版旋轉木馬。另外仲可以同為食妹坐跳樓機及過山車美食之旅。
【INFO】
《馬鞍山廣場 – 為食Fatty聖誕甜蜜樂園》
日期：2025年11月1日至2026年1月4日
地點：馬鞍山廣場L2天幕廣場（港鐵馬鞍山站A出口）
-
+WOO嘉湖 – 聖誕爆「脆」曲奇Party屋
+WOO嘉湖嘅聖誕爆「脆」曲奇Party屋布陣於充滿童趣嘅棋盤上，為食妹正置身於高達3米嘅巨型「曲奇夾夾機」中。為食妹同時展開曲奇威化餅層層堆疊遊戲。而屋頂上就有全新造型嘅光頭仔以聖誕薑餅人裝扮熱情迎接賓客。喺「曲奇扭蛋機」前，為食妹自豪地展示著佢親手製作嘅創意曲奇～
【INFO】
《+WOO嘉湖 – 聖誕爆「脆」曲奇Party屋》
日期：即日起至2026年1月4日
地點：+WOO嘉湖1期地下大堂（輕鐵銀座站，港鐵天水圍站轉車）
-
置富都會 – Fatty夢幻聖誕烘焙屋
為食妹喺置富都會Fatty夢幻聖誕烘焙屋為大家製作各式烘焙美食！高達4米嘅巨型焗爐中，正在烤焗為食妹及Puffy造型麵包。啱啱出爐嘅雪人造型Puffy麵包，係為食妹送予大家嘅聖誕禮物。焗爐旁更有兩條長法包外型嘅拍拍燈互動小遊戲，為食妹主廚嘅廚師帽被吹走，需要大家幫手攞返～
【INFO】
《置富都會 – Fatty夢幻聖誕烘焙屋》
日期：即日起至2026年1月4日
地點：紅磡置富都會L7大堂（港鐵紅磡站C2出口）
-
置富第一城 – Fatty暖心聖誕甜品屋
Plastic Thing一眾角色已經喺置富第一城Fatty暖心聖誕甜品屋，幫大家準備咗芭菲布甸杯、班㦸鬆餅、朱古力！誠邀你加入為食妹及Puffy嘅幸福甜品時光。除咗同為食妹一齊分享芭菲杯之外，記得坐喺布甸造型嘅可愛椅子上與女神浪漫合照 。
【INFO】
《置富第一城 - Fatty暖心聖誕甜品屋》
日期：即日起至2026年1月4日
地點：置富第一城地下A1及A3區 及 置富第一城 · 樂薈中庭（港鐵第一城站C 出口）
聖誕好去處｜4. Sweetmas糖果兵團甜蜜體驗 —— 太古城中心
聖誕想過返個Sweetmas就一定要嚟太古城中心！踏入太古城中心二樓中庭，就已經見到Sweetmas巨型軟糖及3隻可愛的熊仔笑笑糖邀請大家行入總部！就連隔離8米高嘅紅白花紋士的糖，都已經迫不及待從巨型糖盒中躍出！
-
四大互動打卡位
大家可以喺二樓中橋四大互動打卡區等待Sweetmas甜蜜專員加入！先探訪「聖誕布甸禮盒屋」，遠道而來嘅聖誕布甸喺佢嘅專屬禮盒屋入面瞓覺，快啲叫佢一齊去參加喇～而隔離嘅「粟米糖迷宮」塞滿30個頑皮粟米糖夥伴。大家仲可以喺度玩考驗眼明手快嘅「曲奇快趣挑戰」，喺30秒入面越快擊中最多數量嘅亮燈朱古力豆！鍾意食甜品嘅各位，就一定要到訪「快閃甜甜店」，店入面有多達成400款特色糖果！
【INFO】
《「Sweetmas」活動及「甜心四圍尋^*」換領詳情》
日期：即日起至2026年1月4日
時間：星期一至五 12:00至21:00；星期六、日及公眾假期 11:00至21:00
地址：太古城中心2/F 中庭及中橋
聖誕好去處｜5. SPARK★TACULAR CHRISTMAS —— 東薈城名店倉
東薈城名店倉首度聯乘美國知名潮流藝術家Christopher David Ryan (CDR)，攜手呈獻全球首個BIG HUGS抱抱人聖誕主題活動「SPARK★TACULAR CHRISTMAS」，推出七大星光主題打卡互動裝置及數碼體驗！一踏入東薈城名店倉地下門口，就見到2.5米高BIG HUGS聖誕老人張開雙臂迎接大家到來！而喺隔離嘅抱抱星人亦全力應援，舉著「HUG HERE HUG NOW」標語牌宣傳。去到二樓中庭廣場就會見到SPARK★TACULAR抱抱星球，五大吸睛抱抱打卡位等你去發掘！另外，二樓天橋仲有首次亮相嘅彎月抱抱人喺半空緊緊擁抱閃亮星星，加上抱抱星人及近80顆閃閃發亮嘅星星全員出動，打造出如童話般嘅星空場景！
【INFO】
《SPARK★TACULAR CHRISTMAS》
日期：即日起至2026年1月4日
時間：每日早上11:00至22:0
地點：東薈城名店倉地面鄰近MLB (G01B號舖)、二樓中庭廣場及二樓天橋
聖誕好去處｜6. AIA嘉年華 —— 中環海濱
香港備受喜愛嘅冬日傳統節目返嚟喇！友邦嘉年華將於今年12月22日重返中環海濱，準備體驗驚險刺激嘅遊樂設施、經典嘉年華攤位遊戲和美食，將會有成超過50個機動遊戲及攤位遊戲等等。活動將會由12月22至2026年3月1日舉行。
【INFO】
《AIA嘉年華》
日期：2025年12月22至2026年3月1日
地址：中環龍和道9號中環海濱活動空間
登記網站：https://bit.ly/4qp154Z
聖誕好去處｜7. 車尾箱聖誕市集 —— 中港城
中港城 「車尾箱聖誕市集」將會喺2025年12月12至14日 、20至21日、25至28日及31日（共10天）舉行，橫跨聖誕與除夕假期（共10日）熱鬧開鑼。今次市集破格聯乘本地街頭藝術木藝品牌 Start from Zero，並採用原木搭建，散發濃濃藝術氛圍！市集將匯聚超過 100個手工藝、型格潮牌、節日飾品、海外品牌攤檔，以及本地人氣特色餐飲品牌。包括潮流教父葛民輝自創品牌Like Black、DJ少爺占創立嘅精品咖啡品牌Treble Coffee、時尚服飾品牌 CAAT3及 FLAKEY、本地潮流品牌Growthring & Supply、彭峻峰創辦嘅型格潮牌432hz、關智斌特設限定經典車攤檔、藝人譚杏藍創立嘅 Byebuy Market等等。結合中港城獨有嘅維港海景，再加埋6米高聖誕樹超有聖誕氣氛～喺指定日子仲有本地人氣樂隊及歌手輪番演出，包括本地樂隊Locksmiths開鎖佬、50年代鄉村搖滾樂團The Boogie Playboys、Hedgehog及DJ Delta T將市集氣氛推向高峰。
【INFO】
《中港城車尾箱聖誕市集》
日期：2025年12月12-14、20-21、25-28及31日
時間：下午2時至晚上8時 （12月12日 下午4時至晚上8時；12月31日 下午5時半至晚上12時半）
地點：中港城海豚池平台花園
聖誕好去處｜8. KYUBI X MOBILE SUIT GUNDAM Christmas 2025 —— 荃新天地
本地原創潮流品牌 KYUBI 今個聖誕聯乘日本經典《機動戰士高達》，並將於12月5日至2026年1月4日期間喺荃新天地舉辦矚目聖誕盛事《KYUBI X MOBILE SUIT GUNDAM Christmas 2025》，打造出多款原創限量產品！荃新天地一期中庭將化身未來感滿載嘅高達展示場，當中將會分別各有 1.8 米高嘅高達 RX-78-2、Wing Gundam Zero (EW) 及 Gundam Deathscythe Hell (EW )合照打卡，還原度十足！大家仲可以喺4 米高嘅Wing Gundam Zero (EW) 打卡牆影相留念，感受吓節日嘅浪漫氣氛～現場仲有多款香港限定商品，包括聯乘Tee、手提袋、飾物配件及極具收藏價值嘅14 款《新機動戰記高達W》系列 30 周年金屬收藏掛飾，不僅希羅‧尤、狄奧‧麥韋、多諾華‧巴頓、卡多魯‧魯賓‧溫拿及張五飛等全員主角登場，更以精緻工藝還原經典戰事名場面，全系列數量有限，僅於香港地區發售，絕對要買呀！！
【INFO】 《KYUBI X MOBILE SUIT GUNDAM Christmas 2025》 日期：2025年12月5日至2026年1月4日 時間：10:30至22:00 地點：荃灣荃新天地一期中庭
聖誕好去處｜9. Pucky聖誕奇幻森林 —— 德福廣場
今年聖誕，德福廣場聯乘香港藝術家Pucky（畢奇）創作嘅小精靈，由即日起至2026年1月4日，呈獻全港首個「Pucky聖誕奇幻森林」！場內設有6大互動打卡位，當中包括全球首度亮相嘅3米高巨型豆子裝置及4米高森林樹屋打卡位，仲有特色展覽以及期間限定店等等。大家快啲嚟踏入PUCKY聖誕奇幻森林，展開精靈與豆子生物嘅夢幻旅程喇，當中有6大打卡位！喺踏入奇幻森林之前，即刻同等咗好耐嘅POKO探險家見面先。一入去奇幻森林就見到獨角獸豆子以及馴鹿豆子！當抵達奇幻森林嘅時候，就記得要同3米高巨型大耳怪獸豆子打卡，仲有4米高嘅樹屋坐落於森林深處，放出閃爍燈光，抬頭即見懸掛半空嘅星形燈飾，讓大家彷彿置身童話故事之中。離開奇幻森林前，唔好唔記得要同悄悄藏身樹上嘅豆子發光龍拍照留念啊～現場仲有限定周邊商品，由擺設、小飾物、文具到生活用品，應有盡有，當中更有德福廣場限定嘅獨家商品！而中意PUCKY嘅朋友，德福廣場將於12月6日舉辦「PUCKY藝術家簽名會」，誠邀大小朋友一同參與。
【INFO】 《德福廣場「Pucky聖誕奇幻森林」》 日期：即日起至2026年1月4日 時間：11:00至21:00 地點：德福廣場一期地下中庭
聖誕好去處｜10. 優獸大都會2打卡位 —— 時代廣場
銅鑼灣時代廣場將會由即日起至2026年1月4日期間，以迪士尼超人氣動畫《優獸大都會2》為主題，為大家打造出《Zootopia 2: Zoo-tastic Celebration》，成個商場由上至下都被動物角色佔據。入口巨型「Welcome to Zootopia 2」標誌燈光閃爍，邀請大家一齊行入「優獸市」！而喺掛滿燈飾嘅「中央車站」，帶大家探索優獸列車，除咗有標準車門之外，仲有特設嘅「小動物專用小門」，超可愛！行入車廂就見到全新角色大蛇基仔Gary及短尾矮袋鼠治療師毛臣臣醫生Dr.Fuzzby，還有牛仔裝束蜥蜴蘇哥Jesús，陪你近距離打卡互動！一離開車站之後對面就會係《優獸大都會2》入面全新登場嘅「沼澤市場Marsh Market」！海象水管工人海哥Russ同哨牙海狸麥狸寶Nibbles已經喺度迎接你！沼澤市場招牌旁嘅復古小屋化身紋身店，大家可於指定日子（2025年11月22日、29日及12月6日、13日、20日、25日、26日、27日、31日）參與「優獸市」最新彩繪活動。仲有4.8米高嘅聖誕樹超啱打卡！
【INFO】 《Disney’s “Zootopia 2: Zoo-tastic Celebration》 日期：即日起至2026年1月4日 時間：10:00至22:00 地點：銅鑼灣時代廣場露天廣場及2樓中庭
聖誕好去處｜11. HAPPY GO ROUND冬日樂園 —— 西沙GO PARK
西沙GO PARK同12月試業嘅GO PARK 2將化身夢幻《HAPPY GO ROUND冬日樂園》，打造充滿歐陸風情嘅浪漫打卡玩樂冬日狂歡慶典！大家可以坐上歐洲同款戶外機動真．「炫夢旋轉木馬」，迴旋360度睇迷人美景。而12月中旬開始於指定日子，The Point會員憑積分或指定消費即可換領入場門票一張。而喺地面中央廣場，大型充氣搖搖馬閃亮登場！配有多個巨型充氣聖誕裝飾球散落四周。聖誕又點少得聖誕樹呢？西沙GO PARK 2樓晴空花園將矗立一座5米高的閃亮聖誕樹，背靠馬鞍山山峰美景襯托超靚～入夜加埋燈飾就超有feel！除咗有得打卡之外，小朋友仲可以行入「星光童畫馬」同巨型充氣搖搖馬及聖誕裝飾球打卡。場內更有專為毛孩打造、區內首個「冬日萌寵滑冰派對」，讓毛孩坐上雪橇，享受冬季滑冰嘅樂趣～於12月一連三個週末及公眾假期，西沙GO PARK將舉辦「GO聖誕市集」，匯聚超過20個精選攤位，包括多種特色手作精品、服飾配件、家居用品及美味節日美食等！
【INFO】 《西沙GO PARK《HAPPY GO ROUND冬日樂園》聖誕冬日主題活動》 日期：2025年11月28日至2026年1月4日 時間：10:00至22:00 地點：地面中央廣場 「炫夢旋轉木馬」 日期：2025年12月20 – 31日；2026年1月1、3 – 4、10 – 11、17 – 18、24 – 25、31日 時間：13:00至20:00 地點：地面中央廣場 「冬日萌寵滑冰派對」 日期：2025年11月29 – 30日；12月6 – 7、13 – 14、20 – 21、25 – 28、31日；2026年1月1、3 – 4日 時間：13:00至17:00 地點：二樓晴空花園 「GO聖誕市集」 日期：2025年12月13 – 14、20 – 21、24 – 28日 時間：12:00至20:00 地點：地面中央廣場
聖誕好去處｜12. Noëlia at LANDMARK: Joy Begins with Giving —— 置地廣塲
今個冬日置地廣塲將隆重呈獻歷年來最盛大、最夢幻嘅聖誕裝置：「Noëlia at LANDMARK: Joy Begins with Giving」，置地廣塲中庭將化身成一個夢幻國度，啱晒大家打卡！「Noëlia at LANDMARK」融合咗前所未有的規模、細膩嘅藝術巧思同沉浸式互動體驗，大家可以行入去傳奇小鎮Noëlia，呢座小鎮被紛飛白雪同璀璨星光環抱。呢度仲有全港最大嘅互動祈願湖「光之湖」Lake Lumière，將魔法錢幣投入閃爍湖面，湖畔嘅守護者將被喚醒。每個摯誠願望都將化為祝福，喺長闊達12 米、光影交織嘅壯麗湖面中綻放璀璨光芒～除咗「Noëlia at LANDMARK」體驗之外，置地公司更同香港旅遊發展局更攜手合作，呈獻出「冬日小鎮·中環」。皇后像廣場將化身為「聖誕天地」，喺全港最高嘅戶外聖誕樹矗立之下，仲可以探索埋期間限定嘅聖誕市集，並沉浸於多項精彩活動之中。活動另一矚目焦點，係遮打道將披上璀璨新衣，幻化成浪漫嘅「星光長廊」，為市民與旅客締造難忘嘅冬日回憶。
【INFO】 《Noëlia at LANDMARK: Joy Begins with Giving》 日期：2025年11月21日至2026年1月1日 開放時間：10:30至20:00 地點：置地廣塲中庭 入場：互動體驗須憑票參與。票價詳情將於稍後公佈。
聖誕好去處｜13. 星願聖誕Christmas Wish Upon a Star —— YOHO系商場
星願聖誕Christmas Wish Upon a Star喺YOHO MALL II 中庭打開序幕，「星願奇幻小徑」入面有多棵璀璨聖誕樹交織成星光森林營造出無限延伸嘅空間感！而係12月1日起於YOHO MALL I中庭緊接登場嘅「『森』願星光庭園」，數十棵璀璨聖誕樹延續II期嘅夢幻小徑外，更有閃耀水晶樹與特效造型鏡等裝置。而庭院中間更有矗立7米高嘅華麗鏤空「星語願之塔」！商場更特製聖誕限定「星願之窗」濾鏡，等大家都可以以另一個視覺一探星光與璀璨聖誕樹交織奇幻景象。
【INFO】
【YOHO 系商場【星願聖誕Christmas Wish Upon a Star】
日期：
YOHO MALL II：即日起至2026年1月1日
YOHO MALL I： 2025年12月1日至2026年1月1日
時間：12:00至21:00
地點：YOHO MALL I （享樂烘焙對出）
聖誕好去處｜14. POP MART星星人 —— MOKO
POP MART星星人「美味時刻」系列推出後引起熱烈討論！今個聖誕，更破天荒以巨大化造型現身旺角，場內設巨型甜蜜打卡場景及3大互動遊樂體驗！包括全港首個「餅乾屋星星人」、「馬卡龍時刻星星人」、「咖啡牛奶浴星星人」、「強壯麵包星星人」置身於巨型「千影夢幻焗爐」、「抹茶奶油雪星星人」等多個可愛場景畀大家打卡！另外，場內設3大遊戲攤位，包括「星際彈珠台」、「星星人牛角包夾夾樂」及「星光果醬大作戰」，挑戰大家身手及眼界，完成挑戰更可得到由星星人特別準備嘅聖誕禮物！fans一定唔可以錯過～
【INFO】 《星星人美味時刻主題展》 日期：即日起至2026年1月1日 時間：10:00 - 22:00 地點：MOKO 新世紀廣場 MTR 樓層中庭 《3大互動遊戲》 日期：2025年12月24日至2026年1月1日 時間：15:00 - 22:00 地點：MOKO 新世紀廣場 MTR 樓層中庭
聖誕好去處｜15. 冬日好萌友音樂會life —— life@KCC及joy@KCC
今個冬日，life@KCC及joy@KCC誠意呈獻「冬日好萌友音樂會」，打造出7大萌爆小鎮動物打卡位，包括奇妙音樂旅程、聖誕音樂盛宴、小熊暖暖報佳音、音樂小鎮大門、萌友鋼琴協奏曲、小鎮的聖誕派對以及動物萌友禮物大使！而喺11月同12月指定週末將會舉行6大「聖誕樂藝工作坊」，顧客推廣期內於 life@KCC 及 joy@KCC 以電子貨幣消費滿 HK$300，即可換領指定「聖誕樂藝工作坊」活動入場券乙張，憑券可參加指定工作坊一次。(每場名額10名)。同時life@KCC及joy@KCC將為大家5大「繽紛冬日慶典」，包括「冬日青春樂章」、「童心舞動音樂會」、「聖誕快閃Pop & Crunch!」、「Hohoho! 聖誕老人出沒」以及「Merry CHILLmas市集」，為大家營造帶來暖笠笠嘅聖誕氣氛！
【INFO】 《life@KCC 及 joy@KCC 冬日呈獻「冬日好萌友音樂會」》 日期：即日起至2026年1月4日 時間：10:00至23:00 地點：life@KCC - 葵涌葵昌路72至76號；joy@KCC - 葵涌葵昌路51號
聖誕好去處｜16. 飛天小女警Sweet X’mas —— LCX
飛天小女警以超萌姿態光速襲港，飛到LCX同大家一起慶祝聖誕！除咗3大打卡位同聖誕工作坊之外，仲有期間限定店等緊大家嚟Shopping～「Sweet X’mas糖果實驗室」有多個甜蜜任務等你去挑戰！首先可以去「Smell Up！糖果香味體驗區」聞吓究竟加咗啲咩香氣入糖果配方之中。之後就到「Press Up！『鈕』糖機互動，睇吓會創造出咩形狀嘅糖～大家記得仲要阻止馬騮阿祖嘅破壞，拍下阿祖的蹤影！成功完成所有指定任務，即可免費換領香薰掛飾一件！仲有超吸睛嘅Y2K電視自拍打卡位。LCX與SNAPIO聯手帶來自拍亭，特設兩款獨家主題相框，記得要嚟飛天小女警自拍亭影相喇！喺指定週末期間，於LCX即日消費滿HK$500 (不多於2張收據)，即可在指定星期六參與聖誕串珠工作坊或扭扭聖誕花圈工作坊，製作出手鏈、電話繩又或者係聖誕花環。另外飛天小女警期間限定店登陸LCX，店內出售多款飛天小女警精品。同場更有冬日造型嘅飛天小女警同聖誕樹，粉絲必買！另外，索取印章收集卡並集齊3個印章，讚好指定社交平台，即可以免費換領聖誕貼紙一張！ 款式隨機，每日限量，換完即止。
【INFO】 《LCX【飛天小女警Sweet X’mas】》 日期：2025年11月20日至2026年1月11日 時間：10:00至22:00 地點：尖沙咀海港城海運大廈三階 LCX
聖誕好去處｜17. SANRIO CHARACTERS MEET BABY MIRROR —— 又一城
又一城將於2025年11月25日至2026年1月1日，隆重呈獻首個由本地人氣男團MIRROR的可愛卡通角色 – BABY MIRROR 與SANRIO CHARACTERS首次聯乘的SANRIO CHARACTERS MEET BABY MIRROR – 「BABY MIRROR GO ROUND」，打造繽紛及夢幻嘅聖誕嘉年華！場內設有 9 米高旋轉木馬、2.6米高聖誕水晶球及綿花糖車和8米長嘅互動體驗隧道等多個亮點打卡裝置，非常夢幻！另外，場內更設期間限定店，獨家發售全新SANRIO CHARACTERS MEET BABY MIRROR聯乘商品及Sanrio聖誕精品，包括毛公仔套裝、毛毛卡套、棒球褸、收藏卡包，以及演唱會限定產品等。
【INFO】
《SANRIO CHARACTERS MEET BABY MIRROR - BABY MIRROR GO ROUND》
日期：即日起至2026年1月1日
時間：11:00 - 21:00
地址：又一城LG2
聖誕好去處｜18. 聖誕奇幻嘉年華 —— 沙田新城市廣場
新城市廣場全面優化7樓戶外空中花園並重新命名為【NTP Sky Garden】，為慶祝開幕，新城市廣場更聯乘日本知名光雕藝術團隊NAKED Inc.，喺全港最大嘅戶外水幕打造期間限定光影匯演，頭炮巨獻「星夜願語．光影匯演」，首次將聖誕傳統元素同日本知名景點節日景象融合於戶外水幕匯演！為大家呈獻出一系列融合水幕、光影、藝術同音樂嘅聖誕夢幻感官饗宴！去到新城市廣場一期3樓中庭更有「聖誕奇幻嘉年華 Christmas Circus TOWNival」，場內設有四大夢幻打卡點！當中大人小朋友一定要玩，全港首個6米高嘅「聖誕樹旋轉滑梯」，等大家都可以滑入節日歡樂世界！同場亦有巨大版嘅水晶球入去打卡～而週末仲有飄雪體驗，齊齊感受白色聖誕～
【INFO】
《沙田新城市廣場聖誕奇幻嘉年華》
地址：新城市廣場1期3樓拱型玻璃天幕廣場、1期7樓NTP Sky Garden
聖誕好去處｜19. 夢幻冰雪樂園 —— 荃灣廣場
荃灣廣場L5 PLAY GARDEN空中樂園場化身「夢幻冰雪樂園」，為大家帶嚟3大冰上嬉戲新體驗同3大冬日打卡盛會！大家都可以喺「1,500呎戶外飄雪溜冰場」玩全港首個商場「兒童雪地碰碰車」，配合埋特定時段嘅沉浸式光影飄雪效果，營造如北歐雪過般夢幻氛圍～無論你想玩碰碰車定溜冰都冇問題，場地採用環保仿冰技術，更配合升級音響燈光系統。玩完仲可以喺度打卡！5米高「白雪唯美聖誕樹」綴滿閃爍同精緻嘅裝飾。而「聖誕小小精靈兵團」更萌爆登場，括甜心薑餅人、聖誕雪球寶寶、夢幻派對仙子、聖誕幸運圈、開心麋鹿仔和聖誕小樹寶等。仲有20米嘅聖誕魔鏡牆，設有哈哈鏡、魚眼鏡及巨型心形鏡，配搭心意字句，影出滿滿節日祝福。荃灣廣場由12月16日至2026年1月1日於L1長廊舉行「聖誕暖心美食烘焙市集」，雲集超過30間本地人氣甜品烘焙品牌，當中包括均香餅家嘅手工糯米糍、MadnessFamily嘅抹茶麻糬Gelato以及newcookking嘅開心果可麗露等等。由12月1日至2026年1月1日於地下中庭舉行LOG-ON「JOY & GIFTING」限定店隆重登場，匯聚多款人氣聖誕禮物，包括超人氣角色Fuggler、罐頭豬LuLu等。
【INFO】 《荃灣廣場「夢幻冰雪樂園」》 日期：2025年11月18日至2026年1月1日 地點：荃灣大壩街4-30號 L5 PLAY GARDEN空中樂園
聖誕好去處｜20. Care Bears™聖誕彩虹甜蜜樂園 —— 青衣城
一眾人見人愛嘅Care Bears™降臨青衣城，特別打造全新甜點主題裝置，成個場景都充滿多巴胺色系設計，見到都超開心，帶大家即刻進入4大甜蜜打卡位～喜愛與好友分享美好時刻嘅小熊Friend Bear率先帶你嚟到5米高嘅「彩虹馬卡龍聖誕樹」，甜蜜之旅隨即展開！仲可以喺度見到戴上聖誕帽嘅Friend Bear，聖誕樹上堆滿七色繽紛的馬卡龍，打卡超靚～充滿著愛與熱情嘅快樂小熊Love-a-Lot Bear，同聖誕薑餅人一拍即合，共同打造「冬日暖心咖啡杯」打卡位，營造如夢似幻嘅糖果樂園氛圍。換上聖誕造型嘅Cheer Bear坐喺超巨型聖誕蛋糕上，更帶自住心愛嘅棒棒糖，為聖誕佳節注入神奇嘅魔法！Wish Bear變身成一隻為食嘅快樂小熊，喺3米高嘅「甜蜜蜜冬甩」前，悠閒地品嘗著星級甜點！喺活動期間，更有Care Bears™青衣城期間限定店，售賣接近100款Care Bears™周邊精品，另外亦有迷你相機、彩色菲林相機、智能手錶、手機配件以及生活用品等獨家限定版產品，fans們必買！
【INFO】 《Care Bears™聖誕彩虹甜蜜樂園 &青衣城 期間限定店》 日期：即日起至2026年1月4日（星期日） 時間：上午11時至下午9時 地點：青衣城一期一樓中庭
聖誕好去處｜21. Luminous Carnival —— 利東街
利東街隆重呈獻「Luminous Carnival」，以歐洲嘉年華嘅繽紛奇幻為靈感，運用超過兩萬顆智能LED燈珠，華麗打造中庭8米高嘅幻彩聖誕樹、直徑達7.5米嘅空中摩天輪，以及絢麗多彩嘅飛天熱氣球與優雅靈動的旋轉木馬，將由即日起至2026年1月1日，每晚5時30分起，每20分鐘為大家上演聖誕燈光音樂匯演「Luminous Symphony」。200米長嘅林蔭步道上空，滿佈巨型聖誕鈴及聖誕球燈飾，超靚！而備受全城歡迎的「Let It Snow!」飄雪匯演亦將於12月每逢星期五、六，以及平安夜、聖誕節與除夕夜浪漫登場，為大家締造難忘嘅白色聖誕時刻。
【INFO】 《「Luminous Carnival」》 日期：即日起至2026年1月1日 時間：上午10時至晚上11時* （每日下午5時亮燈） 位置：利東街林蔭步行街及中庭 《Luminous Symphony燈光音樂匯演》 日期：即日起至2026年1月1日 時間：下午5時30分至晚上10時50分* （每隔20分上演一節，每節3分鐘） 位置：利東街中庭 《Let It Snow!飄雪匯演》 日期：2025年12月5至6日、12至13日、19至20日、24至26日及31日*（星期五至六、平安夜、聖誕節及除夕夜） 時間：晚上7時半、8時半及9時半*（每節15分鐘） 位置：利東街中庭
聖誕好去處｜22. Chubbi Sweetie Xmas —— 圍方
由即日起至2026年1月4日，圍方首度聯乘本地玩具設計師及多媒體藝術家 Jim Chan，以其筆下圓潤可愛的Chubbi Chunk為主題，打造滿載甜蜜歡樂嘅「Chubbi Sweetie Xmas」「Chubbi Sweetie Xmas」特設6大主題打卡區。中庭矚目焦點—9米高嘅「夢幻糖霜聖誕樹」，掛滿近20款精緻可愛嘅甜品裝飾，更有Chubbi Chunk過往嘅經典角色展品，絕對是打卡首選！商場L2園藝花園則設有3米高嘅「星光甜點摩天輪」，傍晚時分更會亮起柔和燈光，於指定日子更有浪漫飄雪表演，營造濃厚歐陸佳節氛圍。另外，圍方更準備咗一連串 Chubbi Chunk 主題活動，包括「Chubbi Santa x Mr. CupCake 見面會」，兩位人見人愛嘅角色將驚喜現身，與大家互動合照，分享歡樂與甜蜜！商場更於指定日子邀請不同表演團體獻上精彩演出，將節日氣氛推至頂點。
【INFO】 《圍方「Chubbi Sweetie Xmas」》 日期：即日起至2026年1月4日 地點：圍方 L2 中庭及L2 戶外園藝花園
聖誕好去處｜23. 全新AI光影匯演「Windows of Wonder」—— 尖沙咀中心及帝國中心
尖沙咀中心及帝國中心嘅「信和光影藝術幕牆」帶來全新沉浸式光影匯演——「Windows of Wonder」，並將於今年11月27日起點亮維港夜空。今次全新AI動畫將分為三大篇章：「Love, Peace & Laughter」、「Merry Everything & Happy Always」及「Happy Holidays!」。活動誠邀市民及遊客上載與家人或摯愛嘅溫馨照片，並分享背後真摯故事。獲選的照片透過AI動畫技術，逐步將真實照片化身為動畫形象，精彩呈現於信和光影藝術幕牆上，仲要係費用全免！而尖沙咀麼地里燈海，今年將以煥然一新的面貌璀璨登場。全新燈光裝置以而許願星光長廊為設計概念，精心打造逾二十萬顆垂珠交織閃耀八角星嘅星海，啱晒大家打卡～
【INFO】
《尖沙咀中心及帝國中心「Windows of Wonder」》
日期：即日起起至2026年1月4日
亮燈時間：下午6時至11時
地點：信和光影藝術幕牆 - 尖沙咀中心及帝國中心外牆
聖誕好去處｜24. 萌犬Muck暖暖聖誕物語 —— iSQUARE國際廣場
iSQUARE國際廣場聯乘日本插畫師 Tombonia，溫暖呈獻：萌犬Muck暖暖聖誕物語 。Tombonia以輕快嘅黑色綫條勾勒出濃密捲毛嘅貴婦Muck，超可愛！而萌爆Muck將會首次走入香港商場，到iSQUARE國際廣場同大家渡過聖誕新年，3大打卡區域分別展示活潑 Muck嘅不同魅力！行入iSQUARE國際廣場地下正門iPIAZZA，就會見到行冬日戶外風嘅萌汪Muck即將探索聖誕野營歷險！Muck化身成為5 米高聖誕老人 Look向你介紹佢最鍾意嘅冬日活動：露營、滑雪及垂釣等等！鬼馬Muck將會喺三樓iFUNCTION嘅汪星歐陸聖誕浪漫之城入面，化身為咖啡師及速遞員等不同角色造型。大堂樓層iEXHIBITION嘅萌Muck聖誕販機站，襲來日系嘅都會聖誕氣氛，Muck仿佛係日本街頭遇上嘅老朋友，帶我哋到售賣機前選購飲品零食！iSQUARE國際廣場喺大堂樓層萌Muck聖誕販機站打卡位中，放置期間限定全港首部聖誕Muck手機保護殼自動販賣機。大家可以喺6款Muck手機保護殼入面揀選自己最鍾意嘅設計，即時幫你製作至Cute聖誕 Muck手機保護殼！
【INFO】
《萌犬 Muck 暖暖聖誕物語》
日期：即日起至2026年1月4日
時間：10:30至22:30
地點：地下 iPIAZZA、3 樓 iFUNCTION、大堂樓層 iEXHIBITION
聖誕好去處｜25. Sumikkogurashi™角落小夥伴™「白色奇幻聖誕」—— 鑽石山荷里活廣場
今個聖誕，鑽石山荷里活廣場將聯乘日本超人氣卡通Sumikkogurashi角落小夥伴，攜手打造「荷里活廣場 x Sumikkogurashi角落小夥伴白色奇幻聖誕」 ，一眾角落小夥伴將以全新冬日造型可愛登場，超可愛～活動精心打造6大主題打卡同2大玩樂專區，陪伴大家度過一個溫暖又奇幻嘅冬日。蜥蜴與山化身成精緻可愛嘅甜品造型，悄悄藏身於灑滿糖霜嘅雪景之中，誠邀您加入這場甜蜜派對！企鵝?、貓與蜥蜴正悄悄聚集喺皚皚白雪嘅小屋旁，伴隨著粉紅閃爍聖誕樹，展開溫馨驚喜嘅冰川垂釣！企鵝?以超萌聖誕造型亮相，喺皚皚白雪嘅浪漫場景中，以最溫暖嘅笑容迎接每位訪客！貓已經準備好喺冬日雪橇上靜候，正等待同你共赴這場冰雪奇緣！首次亮相5米高嘅白熊「Shirokuma」巨型毛絨充氣裝置，大家一定要嚟打卡～另外亦有5米長嘅「冰極冒險滑梯」正等緊大家嚟征服，從雪國之巔俯衝而下，衝入角落小夥伴嘅奇幻冰雪世界，快啲嚟親身體驗高速滑行嘅刺激與歡樂！小朋友可以化身成小小探險家，喺7米長嘅「冰雪極地飛索」中展開刺激旅程，同角落小夥伴一同穿越冰川雪境！除咗畀大家打卡同玩之外，場內設有角落小夥伴聖誕期間限定店，售賣近百款精品，包括日本版角落小夥伴產品，以及全港首賣冰川雪國主題的精品及是次會場限定的商品，極具收藏價值，粉絲們萬勿錯過！
【INFO】 《荷里活廣場 x Sumikkogurashi™角落小夥伴™「白色奇幻聖誕」》 日期：2025年11月15日至2026年1月4日 時間：11:00至20:00 地點：鑽石山荷里活廣場1樓明星廣場 《角落小夥伴聖誕期間限定店》 日期：2025年11月15日至2026年1月4日 時間：12:00至20:00 地點：鑽石山荷里活廣場1樓明星廣場
聖誕好去處｜26.「聖誕夢幻啟程」—— 太古
由即日起至2026年1月2日，太古廣場同星街小區將打造聖誕中央車站！嚟到呢度可以體驗沉浸式聖誕列車之旅，登上聖誕老人嘅專屬奇幻旅行列車，同摯愛親朋共享與聖誕老人見面嘅難忘時刻，仲可以同聖誕老人合照，機會難得！場內亦舉行聖誕禮物工作坊，可以親手製作聖誕蛋糕蠟燭、彩繪琉璃時鐘及聖誕旅人花環。另外，更設「奇妙禮盒」車站禮品店，可以入手聖誕禮品送畀親友，當中包括可愛嘅「聖誕毛絨盲盒」及「聖誕旅人禮品卡套裝」。有興趣嘅朋友記得Bookmark定，聖誕約埋朋友或另一半一齊去打卡啦～
【INFO】 《太古廣場「聖誕夢幻啟程」》 日期：即日起至2026年1月2日 地點：太古廣場
聖誕好去處｜27. Merry Balloon Park —— 西九藝術公園大草坪
由2025年12月6日起至2026年1月4日，「Merry Balloon Park」將登陸西九藝術公園大草坪！場內設有兩大主題區域，「巨型跳彈區」主打大型充氣裝置，設「反轉波波池」、7米高充氣滑梯、40米長巨型波波競技賽道。另外，「互動打卡區」則以7米高巨型充氣聖誕許願樹為亮點，除咗有色彩繽紛嘅迷宮，仲有多個人氣IP角色大型打卡裝置。活動設有「日夜雙場」時段：日間場次適合小朋友和家人在陽光下享受跳躍樂趣；晚間場次則配合燈光效果與音樂節奏，適合「大細路」與好友大開派對。無論大人還是小朋友，由早到晚都能體驗跳躍打卡的樂趣，創造美好回憶。此外，「Merry Balloon Park」更特設「幼童專場」，專為高度 120cm或以下小朋友及其家長而設，讓大家安心享受快樂的親子躍動時光。
門票簡介：
1. 90分鐘通行證 (可無限次進出「互動打卡區」及於指定40分鐘時段進入「巨型跳彈區」)
- 一般日子HK$168/90分鐘
適用日期： 2025年12月8 至11、15至18 日
- 特別日子HK$198/90分鐘
適用日期： 2025年12月6、12、14、19至20日、22至31 日、2026年1月 1至4日
所有入場人士均需購票入場，成人與兒童同價
「晚間場次」只限16歲或以上人士
2. 「幼童專場」套票優惠 (只限120厘米或以下幼童及其照顧者入場) ：
設於每日上午9時30分至11時及上午11時10分 至下午12時40分之場次，套票包括一張成人門票（18歲或以上）及一張幼童門票 （120厘米或以下幼童）
一般日子HK$299/90分鐘
特別日子HK$355/90分鐘
*每張門票限時90 分鐘，包括一個指定40分鐘「巨型跳彈區」時段（時段A或時段B），參加者只能於門票上的指定時段進入「巨型跳彈區」。「互動打卡區」則沒有時段限制。
*購票時需選定入場日期、場次及進入「 巨型跳彈區」的指定40分鐘時段
*附件為詳情條款及細則
【INFO】 「Merry Balloon Park」巨型夢幻充氣樂園 日期：即日起至2026年1月4日 時間：09:30至22:40 地點：西九文化區藝術公園大草坪
聖誕好去處｜28. Noodoll: Merry PotatoMAS —— 旺角朗豪坊
英國倫敦Noodoll公仔品牌，憑其標誌性的Ricespud薯仔公仔風靡全球！呢班薯仔各有唔同個性，包括慵懶隨性、開朗快樂、調皮搗蛋，仲有圓潤嘅身型、呆萌嘅表情，非常可愛！今個聖誕，Noodoll將首度登陸香港朗豪坊！商場4樓通天廣場將化身奢華百貨，穿過標誌性嘅玻璃旋轉門，12隻可愛嘅Noodoll薯仔家族置身於百貨公司場景中，陪大家過一個溫暖嘅聖誕節！另外，朗豪坊與Noodoll合作推出限量版禮品，Noodoll 家族化身一罐罐薯寶湯，於薯誕百貨禮品部獨家登場！大家都記得要嚟搵Noodoll薯仔家族打卡啊！
【INFO】 《Noodoll: Merry PotatoMAS》 日期：即日起至2026年1月1日 時間：10:30 - 22:30 地點：朗豪坊4樓通天廣場
聖誕好去處｜29. zeroni FLUFFY Wonderland —— The ONE
今個冬日，超人氣男子組合ZEROBASEONE官方角色「zeroni」的《zeroni FLUFFY Wonderland @ The ONE》已於即日起至12月31日登陸尖沙咀The ONE！「zeroni」是由國際創意先驅IPX（原稱：LINE FRIENDS）與人氣男子組合 ZEROBASEONE 共同創作嘅角色。今次《zeroni FLUFFY Wonderland @ The ONE》以可愛嘅zeroni喺溫暖色調嘅小木屋享受音樂嘅冬日場景為設計主軸。九位「zeroni」成員將驚喜現身於三大打卡區，包括「zeroni冬日舞台」、「zeroni 冬日溫馨小角落」以及「定格回憶畫廊」。現場亦同步發售過百款嘅「zeroni」官方商品，商品陣容包括 zeroni 迷你毛公仔、zeroni 迷你毛公仔鎖匙扣、zeroni 毛公仔斜孭袋等可愛單品。
【INFO】 《zeroni FLUFFY Wonderland @ The ONE》 日期：即日起至12月31日 時間：上午11時至晚上9時 *每日上午10時30分開始派籌 (名額有限，派完為止) *每節時段為30分鐘，憑籌方可入場購物 地點：尖沙咀The ONE UG2中庭
聖誕好去處｜30. Chill織熊聖誕派對—— 如心廣場/好運中心/翩滙坊
華懋集團3大人氣地標如心廣場、好運中心、翩滙坊聯同5大商場—希爾頓中心、順福糧倉、粉嶺名都商場、上水名都商場及巴黎・倫敦・紐約戲院購物中心攜手呈獻首個「Chill織熊聖誕派對」，由即日起至1月4日期間，多隻集暖笠笠與軟綿綿於一身的Chill織北極熊公仔，包括8米高Chill巨型Chill織熊將登陸如心廣場一期露天廣場！而更多搗蛋嘅Chill織熊朋友仔同時喺如心廣場一期及二期出沒。如心廣場及好運中心更帶來全港首個「Chill AI人生四格拍攝體驗」，運用AI科技把大家的個人照片轉換成融入鉤織元素的可愛肖像，讓大家加入Chill織家族，與Chill織熊及好友麋鹿歡度佳節，
【INFO】 《Chill織熊聖誕派對》 日期：即日起至2026年1月4日 時間：12:00至21:00 地點：如心廣場一期及二期
聖誕好去處｜31. UNDERBOBO Magical Gift Wonderland —— 將軍澳中心
今個聖誕，源自英國嘅治癒系人氣角色「UNDERBOBO」由即日起至2026年1月4日首次登陸香港，於將軍澳中心化身為聖誕老人，打造一個充滿夢幻與節慶氛圍嘅聖誕奇幻樂園《UNDERBOBO Magical Gift Wonderland》。星級推介打卡位包括：2.5米高巨型UNDERBOBO及可愛貓咪BOZO。至於鬼馬嘅小朋友則萬勿錯過「UNDERBOBO鬼馬哈哈鏡」嘅趣味扭曲效果，笑鬧中捕捉搞怪瞬間，締造節日開心時刻；行入「聖誕老人辦公室」，一齊為聖誕老人分擔忙碌工作，迅速將禮物發送到不同地區的小朋友；「藍色貓貓BOZO衣帽間」 則令你試穿可愛配件，打造派對最佳TOTAL LOOK！1.3米高全新英倫紳士造型現身嘅UNDERBOBO正趕緊於佳節前派送禮物，推著聖誕禮物車穿梭場景。場內更有高達2.8米的炫亮聖誕樹，超啱打卡～將軍澳中心準備了UNDERBOBO 5大親子遊戲區，邀請大人小朋友化身為「禮物小精靈」，跟住到訪「環保禮物包裝站」、「禮物磅重區」、「禮物送貨單製作區」、「禮物推送站」、「禮物分類區」！商場更特設全港首個「UNDERBOBO期間限定店」，出售過50款精品。
【INFO】 《將軍澳中心x UNDERBOBO Magical Gift Wonderland裝置》 日期：2025年11月8日至2026年1月4日 時間：13:00至18:00（平日）；13:00至20:00（假日及節日前夕） 地點：將軍澳中心G/F中庭
聖誕好去處｜32.「Magical Christmas」—— 海港城
海港城與香港迪士尼樂園度假區（香港迪士尼）合作，帶來樂園外在香港最大規模嘅聖誕活動 — 「Magical Christmas @海港城」！由多棵聖誕樹組成嘅9米高「奇妙聖誕樹」，喺海運大廈露天廣場閃亮登場，成為最有聖誕氣氛嘅打卡位。而海運大廈正門大樓梯嘅「魔雪奇緣世界」主題裝置係以全球首個及最大型《魔雪奇緣》主題園區為設計靈感；整個裝置呈現安娜與愛莎正忙於準備一個節日慶典，小白也在精心佈置小禮物，為大家帶來璀璨奪目且充滿阿德爾特色嘅節日氛圍。另外海運大廈地下中庭嘅「Duffy與好友聖誕小屋」活動區滿佈Duffy與好友冬日造型毛公仔及溫馨暖意嘅聖誕佈置。活動期間亦會在小屋發售多款限定紀念品，所得收益將撥捐予「願望成真基金」。想入手超過200款迪士尼主題商品嘅朋友，就記得唔好錯過喺海運大廈展覽大堂嘅「Magical Christmas快閃店」。
【INFO】 《「Magical Christmas @ 海港城」》 日期：即日起至2026 年1月4日 地點：海運大廈露天廣場、海運大廈展覽大堂、海運大廈地下中庭
聖誕好去處｜33. Festilumi沉浸式光影樂園 —— 灣仔海濱
Festilumi 沉浸式光影樂園呢個享譽全球嘅光影藝術體驗將會喺灣仔海濱活動空間首度登場。大家可以踏上一趟穿越九個璀璨主題世界嘅光影旅程，每個主題世界均佈滿充滿想像力嘅光影雕塑、互動裝置及奇幻生物。當中重點推介包括由絢麗紅金色光影組成嘅「魔幻楓林」、色彩變幻萬千嘅「七彩光影隧道」以及呈現史前景觀嘅「侏羅紀王國」。
【INFO】
日期：即日起至2026年4月底
時間：每晚日落時分至晚上11時
地址：香港灣仔海濱
價錢： 成人（12歲或以上）： 星期一至四 港幣$168 | 星期五至日 港幣$198 | 公眾假期 港幣$228 | 任何日子及時段適用門票 港幣$278
小童（4–11歲）： 星期一至四 港幣$128 | 星期五至日 港幣$168 | 公眾假期
港幣$188 長者（60歲或以上）： 星期一至四 港幣$128 | 星期五至日 港幣$168 | 公眾假期 港幣$188
幼童（3歲或以下）： 免費入場 立即購票：https://bit.ly/48UGf5k
聖誕好去處｜34. 薑餅人奇幻聖誕村 —— YM² 裕民坊
觀塘YM²裕民坊喺今個聖誕為大家帶嚟極具人氣嘅新加坡親子遊樂品牌Kiztopia，以薑餅人為主題，打造超過2000呎YM²裕民坊《薑餅人奇幻聖誕村》聖誕充氣樂園！位於YM²裕民坊L1中庭6米高嘅《薑餅人奇幻聖誕村》齊集多位人氣Kiztopia Friends及薑餅人坐鎮各個必玩關卡，等待小朋友嚟挑戰！小象Eli喺聖誕村入口熱情迎接一眾大人小朋友，率先穿越「小象Eli波波池探險屋」展開奇妙冒險，同時挑戰「糖果山攀爬牆」，勇氣滿分的探險等你完成！跟住衝上薑餅屋近4米高的位置，從「恐龍Drago薑餅夢幻滑梯」頂端一瀡而下，體驗極速滑下的快感，再挑戰「河馬Happy薑餅村搖擺橋」激發腎上腺素玩轉聖誕！入面仲設有小朋友最愛嘅繽紛夢幻波波池同攀爬牆，由即日起至2026年1月4日期間，於YM²裕民坊商戶即日電子消費滿HK$200即可換領《薑餅人奇幻聖誕村》即日入場證1張。大家亦可選擇喺平日以HK$52或周末及公眾假期以HK$60直接購買入同時特設Klook購票「早鳥優惠」率先獨享限時禮遇預購心水時段。想打卡嘅朋友仲可以去UG大堂同L3花園平台同換上聖誕造型嘅小熊Bell同恐龍Drago打卡～
【INFO】 《YM² 裕民坊薑餅人奇幻聖誕村》 日期：即日起至2026年1月4日 時間： 星期一至五（公眾假期除外）：中午12時正至晚上8時正（每日16節; 每節約25分鐘） 星期六、日及公眾假期：上午11時正至晚上9時正（每日20節; 每節約25分鐘） *場次會因實際情況作出相應調整。 參加方法： 1. 於YM²裕民坊以電子貨幣即日消費滿 HK$200即可換領即日入場門票1張 2. 於YM²裕民坊L1中庭 或 Klook網站*，購買入場門票。 星期一至五（公眾假期除外）：每張HK$52 星期六、日及公眾假期：每張HK$60
聖誕好去處｜35. miffy星河祈願之旅 —— 東港城
miffy將化身「星願守護使者」空降東港城，由11月10日至2026年1月1日期間，為大家重磅呈獻miffy70周年「東港城．miffy星河祈願之旅」！活動以既神秘又浪漫嘅星河之旅為主題，打造別樹一格嘅沉浸式miffy祈願村莊互動體驗。「東港城．miffy星河祈願之旅」場內設有８大星河祈願主題夢幻打卡場景，當中包括星河祈願村莊拱門前提著小油燈嘅「親善大使」miffy；超巨型「星願守護使者」miffy同金色miffy造型嘅星河祈願池；喺夢幻島上手持釣竿嘅「魔法精靈」miffy；展示多幅珍貴miffy繪畫嘅「miffy 70週年珍藏展覽廊」；祈願小屋中手執一顆星嘅「星星大使」miffy；仲有miffy星河小鎮大街中嘅巨型miffy壁畫和miffy夢想電話亭等。走之前記得去「東港城．miffy ． YATA期間限定店」，入手逾百款精緻miffy周邊商品，包括鎖匙扣、杯、杯墊、毛毛吊飾盲盒、毛絨袋、斜揹袋、保溫瓶、咕𠱸、T-Shirt、帽、旅行袋、毛巾、水樽、餐具同文具套裝等等。
【INFO】 《miffy星河祈願之旅》 日期：即日起至2026年1月1日 時間：12:00至20:00 地點：東港城一樓中庭
聖誕好去處｜36. Merry Choo Choo Mas奇幻玩具國度 —— D2 Place
D2 Place 一期天台花園將呈現巨型「 Choo Choo」 火車頭裝置，配以3.5米高玩具聖誕樹、玩具聖誕小鹿、發光拱門車卡等打卡熱點，結合漫天飄泡體驗。當中超巨型 「Choo Choo」 火車頭登陸天台，巨型無比嘅 Choo Choo 火車頭裝置將會「駛」進一期天台花園，成為年度最強打卡點。市民可以行入車長室按下鳴笛聲，還原駕駛火車嘅獨特體驗！搭配另一衝擊眼球嘅3.5米高玩具聖誕樹，告別傳統聖誕樹造型，樹身以無數繽紛嘅玩具禮盒堆砌而成，白天歡樂滿載，晚上熠熠生輝！發光拱門車卡與多個巨型玩具打卡位散布佈天台花園，日與夜各有特色。另外天台花園將於特定日期舉行「Merry Choo Choo Mas 泡泡體驗」漫天泡泡，浪漫感滿分！喺 「Choo Choo」 火車頭旁，特設嘅泡泡體驗讓你彷彿置身於冬日雪景中，感受最奇妙嘅節日氣氛！今年嘅泡泡體驗日程經過精心安排，包括12月13至14日、20至21日、24至28日，以及明年1月1日、3至4日，共17天特別安排。每日下午3時至7時準時上演（12月24至28日更貼心延長至晚上10時），每小時一節嘅泡泡體驗，等遊客喺漫天飛舞嘅泡泡中感受最浪漫嘅聖誕氣氛～
【INFO】 《Merry Choo Choo Mas聖誕火車打卡裝置》 日期：即日起至2026年1月4日 時間：10:00至22:00 地點：D2 Place 一期天台花園
聖誕好去處｜37. 『扭』轉聖誕樂園 —— D2 Place
荃灣D‧PARK首度聯乘日本知名玩具品牌Bandai “Gashapon”，由即日起至2026年1月4日，於商場1樓中庭盛大舉辦「『扭』轉聖誕樂園」。作為Bandai “Gashapon”喺大中華區首個大型扭蛋主題展覽嘅首站，現場雲集多達1,000部扭蛋機，精選超過900多款人氣動漫及卡通品牌扭蛋，當中包括《Chiikawa》、《Pokemon寶可夢》、《膽大黨》、《海賊王》以及《Sanrio Characters》等等。現場特設Bandai聖誕期間限定店，發售超過400款主題精品！同場設有「Ho-Ho-Ho！Adventure」互動遊樂區，包括5米高聖誕滑梯波波池及5米高巨型打卡夾公仔機，週末更安排聖誕主題音樂及才藝表演。D‧PARK亦聯乘Gaau1 Up Design Studio舉辦升級再造工作坊，將回收扭蛋殼轉化為獨一無二嘅藝術品。
【INFO】
《D‧PARK x GASHPON「『扭』轉聖誕樂園」》
日期：即日起至2026年1月4日
時間：12:00至20:00
地點：D·PARK L1中庭
聖誕好去處｜38.「CANDYLAND」空中聖誕糖果嘉年華 —— 屯門愛定商場
民坊旗下屯門愛定商場H.A.N.D.S將化身成新界西最甜空中戶外聖誕盛典！商場將會舉辦「CANDYLAND」空中聖誕糖果嘉年華，於D區空中滑輪運動場打造逾15,000呎嘅糖果主題樂園。現場亮點包括6米高粉紅糖果城堡CANDY BOUNCE，配備刺激滑梯、夢幻波波池同趣味障礙挑戰區；同場更設有1枚遊戲代幣暢玩1個Game嘅8大糖果主題嘉年華遊戲同匯聚本地手作嘅20檔聖誕市集，融合遊樂體驗與文創探索於一身，打造一場全方位的冬日節慶盛典！而商場各處亦都充滿唔同打卡驚喜，A區中庭嘅Y2K復古風電視聖誕樹以經典電視機堆疊而成，玩味十足；H區則設有「CANDYLAND」聖誕派送驛，粉紅Barbie風巨型H.A.N.D.S專屬郵箱為你免費寄送節日祝福。平安夜及聖誕節期間，更邀請到人氣好聲音藝人周志康、童星舞團及Gen Z Busker帶來精彩演出，聖誕老人亦會驚喜現身派糖！
聖誕好去處｜39. TOMICA 55周年聖誕慶典 —— 屯門市廣場
適逢經典玩具車品牌TOMICA今年迎來55周年里程碑，信和集團旗下屯門市廣場與TOMICA於佳節隆重呈獻「TOMICA 55周年聖誕慶典」！由即日起至2026年1月4日，屯門市廣場中央廣場化身大型TOMICA玩具車世界，設有五大打卡專區及兩大遊樂專區，全港首棵6米高紅白車盒聖誕樹登場，並展出TOMICA X SUZUKI JIMNY 55周年特別版真車及1:1經典車盒打卡牆。逾200平方呎情景模型以200架玩具車、數百件Playset及最新MTR x PLARAIL系列呈現香港特色迷你城市；場內亦展出超過400架TOMICA精選車款。 而小朋友喺遊樂專區可駕駛模型車挑戰泊車、TOMICA Playset試玩及極速賽道等免費遊戲。現場亦有限定店，包括新款會場限定車、聯乘新品及聖誕限定產品強勢推出。
【INFO】 《屯門市廣場x TOMICA「55周年聖誕慶典」》 日期：即日起至2026年1月4日 時間：10:00至22:00 地點：屯門市廣場1期1樓中央廣場
聖誕好去處｜40. 冬日飄雪嘉年華 —— 合和商場
由合和商場與歡樂天地攜手呈獻的「冬日飄雪嘉年華」，將由歡樂天地三位吉祥物歡樂貓「拖肥」、「小咪」、「機靈」邀請大家蒞臨商場3樓中庭嘅森林山谷 。當中有6米高聖誕樹、淋淋滑梯與攀登架嘅吹氣森林彈床以及攤位遊戲，等你嚟贏取精品禮物。
【INFO】 《冬日飄雪嘉年華 》 日期：即日起至2026年1月5日 時間：13:00至20:00 地點：灣仔皇后大道東183號合和商場3樓中庭及G樓入口
聖誕好去處｜41. FutureScope —— 啟德
香港首個大型半球體藝術空間「FutureScope」將會喺今年十二月隆重登場，為大家帶嚟一系列沉浸式多感官藝術體驗。繼全球多個媒體藝術穹頂場地廣獲迴響後，「FutureScope」為香港帶來首個大型半球體藝術空間。呢個直徑12米嘅獨特結構空間坐落於維港海濱，畀觀眾置身於360度投影聲效技術造就的沉浸式空間中，探索媒體藝術嘅無限可能。由2025年12月19日至2026年4月期間，大家都可以喺啟德體育園海濱場地「緣緣堂」（啟德主場館B閘對開）體驗結合東方哲學與媒體藝術嘅沉浸式展演。「FutureScope」匯聚香港媒體藝術家張瀚謙 (h0nh1m) 及其藝術團隊 XCEPT 與 XCEED，攜手多位世界知名藝術家進行跨媒介合作，將展出三大沉浸式藝術體驗包括《恆定錄》 (Perpetual Records)、《共振之靈》 (Resonance Aura) 與《浪書》 (Waving Script)。展期內展覽每日開放*，除咗免費展覽外，仲設有售票演出，打造多元體驗！
【INFO】 常設展覽 日期：即日起至2026年1月4日（2025年12月31日及2026年1月1日休展） 時間：14:00–20:00（一至四）/ 14:00–22:00（五）/ 11:00–22:00（六、日及公眾假期） 地點：啟德體育園「緣緣堂」（啟德主場館 B 閘對開） 費用：免費登記入場 售票演出 日期：2026 年 1 月 2 日至 4 日（每日四節，每節約 30 分鐘） 時間：16:00–16:30；17:00–17:30；20:00–20:30；21:00–21:30 地點：啟德體育園「緣緣堂」（啟德主場館 B 閘對開） 門票資訊：HK$90（標準門票） | HK$60（優惠門票）** 購票：請按此 **特惠門票適用於六歲或以下兒童、全日制學生及 65 歲或以上長者
聖誕好去處｜42. 《LINE FRIENDS x Panda Friends Winter Funland冬日樂園》—— 奧海城
奧海城攜手IPX同香港海洋公園，打造以兩大人氣 IP — LINE FRIENDS與香港海洋公園Panda Friends為主角嘅期間限定冬日樂園。人氣 LINE FRIENDS 朋友仔與6位萌爆 Panda Friends 好友，已經換上閃亮冬日限定新裝，為大家帶嚟2大打卡位同3大攤位遊戲。場內更有「LINE FRIENDS x Panda Friends 冬日樂園期間限定店」，售賣超過200款主題精品，包括LINE FRIENDS x Panda Friends聯乘商品，亦有多款場內期間限定及特別版新品。
【INFO】 《LINE FRIENDS x Panda Friends冬日樂園》 日期：即日起至2026年1月4日 時間：12:00至20:00 地點：奧海城2期地下主題中庭
聖誕好去處｜43. 星耀綻紅聖誕 —— 新都會廣場
新都會廣場由即日起至2026年1月4日化身成最溫暖迷人嘅夢幻花園逾10,000朵聖誕花綻放成連綿紅海，踏進這片花海身仿彿走進超現實童話世界，現場500顆星星燈與螢火蟲燈在夜空中交織出閃爍光影，打造夢幻嘅聖誕花園。露天廣場更設有4大主題應節打卡位和期間限定飄雪匯演。
【INFO】 《星耀綻紅聖誕 》 日期：即日起至2026年1月4日 時間：10:00至22:00 地點：新都會廣場L4露天廣場 【聖誕飄雪匯演】 日期：即日起至2026年1月4日（每逢星期五、六、日、公眾假期及平安夜） 時間：中午12時至晚上10時（每小時4次） 地點：新都會廣場L4露天廣場
聖誕好去處｜44. Winter Coffee Market 冬日咖啡市集 —— Citywalk荃新天地
荃新天地將會喺12月24日至28日舉辦 「 Winter Coffee Market 冬日咖啡市集」，匯聚14 個人氣咖啡品牌同2間知名本地烘焙店，各位咖啡愛好者絕對要去！市集集匯聚多個本地人氣品牌，為咖啡迷帶來多元選擇與驚喜。當中包括一門町市場 — 咖啡沖沖子、Restation Place Coffee Workshop、賞念咖啡等，為大家帶嚟手沖咖啡、掛耳包、咖啡膠囊及主題聖誕禮盒，並推出限定優惠及折扣。大家仲可以喺特別打造嘅「黑膠唱片咖啡廳」入面，喺懷舊氛圍入面細味精品咖啡。
【INFO】 《 荃新天地「 Winter Coffee Market 冬日咖啡市集」》 日期：2025年12月24題至28日 時間：荃新天地1期地下花園廣場 地點：12:00至21:00
聖誕好去處｜45. JOYPOLIS SPORTS HONG KONG —— 啟德體育園
適逢JOYPOLIS SPORTS HONG KONG (JPSHK) 登錄啟德體育園一週年，樂園即日起至12月19日將特設「一週年限時優惠」活動，只要身份證或護照號碼包含1、2或0任何一個數字的證件持有人，即可以8折購買門票。亦於 12月20日推出一日限定嘅 「JP 超動感日票」，10 小時無限暢玩 JPSHK 各樓層嘅所有遊樂設施！當日仲有幸福大抽獎玩，獎品包括包括智能手機、遊戲機、運動相機、智能平板、智能電視及其他精選禮品 。
【INFO】 《JOYPOLIS SPORTS HONG KONG一週年盛典日「JP 超動感日票」門票》 早鳥優惠：即日起至2025年12月19日，可以HK$698早鳥優惠價購買JOYPOLIS SPORTS HONG KONG日票與餓虎藏龍餐廳抽獎日派對入場券。 購票連結：https://bit.ly/daypass1220
聖誕好去處｜46. 「Disney Chip ‘n’ Dale甜蜜烘焙派對」—— 新地上水廣場&PopWalk天晉滙
新地旗下上水廣場及將軍澳 PopWalk 天晉滙聯手打造【Chip ‘n’ Dale甜蜜烘焙派對】主題活動，以兩大主題場景貫穿互動裝置、主題周邊產品及互動體驗。上水廣場為大家準備咗Chip ‘n’ Dale「甜蜜烘焙雪屋」，粉絲可以行入「香噴噴搗蛋烘焙坊」、「Sweet Dream Dessert Bar」及聖誕樹雪地區域，同角色一齊探索烘焙派對小驚喜。而PopWalk 天晉滙則設有「聖誕の森烘焙屋」 ，有5大主題打卡點驚喜登場。2大商場亦特設「鋼牙與大鼻主題期間限定店」獨家推出逾50款烘焙主題精品以及200款限定產品。
【INFO】 《上水廣場「甜蜜烘焙雪屋」主題裝置》 日期：即日起至2026年1月4日 時間：10:00至22:00 地點：上水廣場L2中庭 《PopWalk天晉滙「聖誕の森烘焙屋」主題裝置》 日期：即日起至2026年1月4日 時間：10:00至22:00 地點：PopWalk天晉滙1期及2期中庭、3期戶外及Ocean PopWalk地下中庭及戶外彩虹長廊
聖誕好去處｜47. 聖誕喵樂園 —— AIRSIDE
今個聖誕，AIRSIDE攜手泰國人氣IP萌喵BADMEAW，隆重呈獻「聖誕喵樂園」，以一系列聖誕裝置及互動體驗打造溫馨聖誕！由即日起至2026年1月1日，呢隻淘氣貓咪將期間現身AIRSIDE不同角落，仲有4大打卡位等緊你嚟打卡！而位於AIRSIDE三樓嘅「BADMEAW貓咪森林派對」設有期間限定店，多款BADMEAW產品超萌登場，其中包括限量發售嘅聖誕限定禮盒、別注版公仔，以及AIRSIDE x BADMEAW聯乘毛公仔鎖匙扣等。
【INFO】 《AIRSIDE x BADMEAW「聖誕喵樂園」聖誕裝置及互動體驗》 日期：即日起至2026年1月1日 時間：10:00至22:00 地點：AIRSIDE（九龍啟德協調道2號）
聖誕好去處｜48.「螢幻智激聖誕之旅」—— 挪亞方舟
今個冬日嚟香港馬灣公園挪亞方舟玩「螢幻智激聖誕之旅」，有得大玩鐳射槍、無人機足球以及發揮藝術天份整手作，即睇5大必玩活動，包括智螢迷宮神射手、無人機足球智激鬥、螢光旋轉畫藝工房、Bling Bling聖誕棒棒糖D.I.Y 以及光之物語萌具製作室。
【INFO】 《香港馬灣公園挪亞方舟「螢幻智激聖誕之旅」》 日期：2025年12月20日至2026年1月1日期間（逢星期六、日及公眾假期） 時間：10:00至18:00 地點：香港新界馬灣珀欣路33號 詳情：https://www.noahsark.com.hk/tra/2025christmasevent.jsp
聖誕好去處｜49. LINE FRIENDS minini：Candy Wonderland —— Mikiki x 卓爾廣場
超人氣角色「LINE FRIENDS minini」將化身糖果精靈，萌爆登陸新蒲崗Mikiki及屯門卓爾廣場，帶來全新《LINE FRIENDS minini：Candy Wonderland》主題活動！由即日起至2026年1月18日期間，兩大商場將換上LINE FRIENDS minini 夢幻糖果裝置，攜手 LINE FRIENDS minini 星人打造沉浸式冬日甜蜜打卡場景。Mikiki更特設「LINE FRIENDS POP-UP STORE @ Mikiki」期間限定店，發售超過100款LINE FRIENDS minini商品，包括2025年首發系列限定精品。
【INFO】 《LINE FRIENDS minini：Candy Wonderland》 日期：即日起至2026年1月18日 地點：Mikiki地下中庭A區/卓爾廣場地下中庭
聖誕好去處｜50. THE WISHPHERE@THE WHAMPOA —— 黃埔天地
黃埔天地將華麗化身為聖誕夢幻舞台，逾18萬顆璀璨燈飾就如同星光舞台的序曲，揉合閃閃鏡面聖誕球、絢麗光影投影、以及巨型雪花光雕等互動元素作為舞台特效，為「黃埔號」注入節日魔法，打造充滿音樂、電影與舞台魅力嘅【THE WISHPHERE@THE WHAMPOA】！ 最矚目的亮點，定必是由三層聖誕拱門前後視覺交錯組成、高達4.5米嘅「鏡映星語聖誕樹」，大小不一鏡面聖誕球與燈飾交織出層次豐富嘅光影場景，超啱大家打卡！
【INFO】
《THE WISHPHERE@THE WHAMPOA》
日期：即日起至2026年1月4日
亮燈時間：17:00至23:00
地點：黃埔天地黃埔號及德安街
聖誕好去處｜51. 馬會 x 大館 — 小心意 • 大眾樂2025 —— 大館
香港賽馬會「馬會 x 大館 ── 小心意 • 大眾樂2025」場搖身一變，成為閃爍嘅冬日景致。當中十二米高嘅聖誕樹矗立其中，超啱聖誕打卡！另外作為大館節慶中嘅焦點節目之一，「玩轉大館馬戲季」載譽歸來，繼續以世界級藝術水準及破格演出，續匯聚多個國際及本地頂尖馬戲團隊，其中數個項目更為亞洲首演，等大家近距離觀賞！
【INFO】 《馬會 x 大館 ── 小心意 • 大眾樂2025》 日期：即日至2026年1月4日 時間：每日早上8時至晚上11時 地點：中環荷李活道10號大館 收費 ：免費入場（指定節目需購票入場）
聖誕好去處｜52. Sweet Monster「型」玩聖誕遊樂園 —— 上水中心&將軍澳新都城中心
由即日起至2026年1月4日，上水中心購物商場以及新都城中心一期，聯乘韓國人氣IP Sweet Monster呈獻「型」玩Sweet Monster聖誕遊樂園！將軍澳新都城中心以標誌性遊樂場設施「跳樓機」為主題打卡位，毛茸茸嘅質感超可愛～而上水中心購物商場以Sweet Monster雲霄飛車迎接大家，場內設有「3米高巨型爆谷DJ Station」 以及多個打卡位。
【INFO】 《型」玩Sweet Monster聖誕遊樂園》 日期：即日起至2026年1月4日 地點：上水中心購物商場、將軍澳新都城中心一期
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
