社企市集嘉年華 | 今個聖誕想搵一個有意義又有節日氣氛嘅好去處，就可以去全港最大型戶外聖誕社企市集嘉年華 「Christmas Sharelebration! 2025」！市集雲集多個本地社企品牌，更結合藝術與共融，以色彩及故事點亮中環鬧市！
圖片來源：官方圖片 | 撰文：Hedy
冠君產業信託旗下嘅花園道三號，將再度呈獻全港最大型戶外聖誕社企市集嘉年華 「Christmas Sharelebration! 2025」，並於 11月27至29日 隆重登場！花園道三號再度夥拍非牟利機構豐盛社企學會，今年特別加入新主題，結合藝術與共融，以色彩及故事點亮中環鬧市。而今年嘅市集雲集多個本地社企品牌，包括全新社企Coffee BOATS、Codekey Cookies 點字曲奇、Sabubu藝術襪專門店以及not only powder等等！市集有全新品牌首次登場，亦有市集首發產品，大家都可以喺度挑選合適嘅聖誕禮物。
社企市集嘉年華 | 共融藝術
而去到週末，更有「共融藝術體驗工作坊」進駐市集，參加者將戴上耳塞、眼罩，在限制下完成指定畫作。大眾可透過身體感官的轉換，理解不同群體的生活處境，從而推動社會共融與理解，為參加者帶來嶄新視角，透過藝術創作，親身感受弱勢社群如聽障及視障人士等的日常挑戰，歡迎市民免費參加。今年更首度舉辦「Art for Inclusion 社區共融藝術展」，展出有特殊學習需要（如聽障、自閉症等）嘅青少年同少數族裔學生所創作嘅畫作，並獲得近380位租戶支持參與 Art Jamming 為作品上色，為聖誕注入藝術溫度與人文關懷！深受家長同小朋友鍾意嘅滾動的書今年將再度登場，為大家帶來充滿想像力嘅劇場體驗。是次演出靈感源自《看不見的禮物》——香港首本融合專業口述影像、點字及觸感元素嘅兒童繪本。表演教育者將以生動演技配合舞台效果，把書中故事栩栩如生地呈現眼前，等小朋友感受文字與感官交織嘅魅力。
社企市集嘉年華 | 10米高聖誕樹
聖誕又點少得同聖誕樹打卡？今年聖誕，花園道三號 10 米高嘅聖誕樹，呼應藝術共融主題首次添上繽紛色彩，象徵所有色彩、聲音與想像都可共冶一爐，展現跨文化、跨界別、跨世代嘅共融理念。聖誕樹連同周邊璀璨燈海將於 11月27日舉行亮燈儀式，亦有手語報佳音。
【INFO】 《2025 Christmas Sharelebration!聖誕社企市集嘉年華》 日期：2025年11月27日（星期四） 時間：中午12時至晚上7時30分（聖誕燈飾亮燈儀式於下午6:30開始） 日期：2025年11月28日及29日（星期五、六） 時間：中午12時至下午6時 地點：中環花園道三號 免費入場 《Art for Inclusion社區共融藝術展》 日期：2025年11月27日至2026年1月2日 時間：上午8時至晚上10時 地點：中環花園道三號 《10米高聖誕樹及聖誕燈海展覽》 日期：2025年11月27日至2026年1月2日 時間：上午8時至晚上10時 地點：中環花園道三號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
