【 租船出海推介 】天氣又熱又曬，唔想淨係行商場涼冷氣？不如約埋一班朋友去去玩水啦，除咗去海灘游水、玩獨木舟等水上活動，當然唔少得船P啦！但船P選擇咁多，要點揀先至係最好？小編為大家搜羅5大遊艇推薦，唔單止價格便宜，仲有多項設施如麻雀、唱K可以玩，大家都快啲同朋友一齊玩啦！
圖片來源：Holimood、klook、IG@kikoleungyan｜撰文：Sharon
推薦1：市區日間豪華遊艇
如果人多可以選擇「市區日間豪華遊艇」，呢架遊艇足足可以容納57人！船上提供卡啦OK、音響、啤牌、麻雀同電視等設備，當然唔少得水上玩具，包括快艇滑水、香蕉船、獨木舟、直立板、充氣滑梯同充氣彈床，不過水上活動另需額外收費！船上裝潢亦十分豪華，雲石設計嘅浴室睇落好高貴，有床以及室外沙發床提供。食物方面，有多款精選套餐可以選擇，每份最平$128！大家可以9點上船玩到6點，人均只需$644起！
【INFO】 《市區日間豪華遊艇》 預訂網址：https://bit.ly/3PbB2Ow 售價：人均$644起 容納人數：57人
推薦2：西式遊艇
各位主人放假都一定會想帶埋寵物一齊玩，但市面上好多遊艇都唔容許狗隻上船，不過依家狗狗都有機會上船玩，呢艘遊艇只需要支付$250就可以帶寵物上船，同主人一齊享受出海嘅滋味！船上容納20人，設有洗手間、小廚房、雪櫃、啤牌、麻雀、骰盅、音響系統、卡拉OK等，免費提供多項水上設施，包括充氣橡皮艇、浮條、水泡同浮毯，人均約$800起！
【INFO】 《西式遊艇》 預訂網址：https://bit.ly/3p3uQNL 售價：人均$800起 容納人數：20人
推薦3：西貢日間經典遊艇
如果追求至抵價錢嘅你，呢艘遊艇就非常適合你哋！可以容納40人，人均只需$445，免費提供水上玩具，包括充氣滑梯、浮墊、彈床、快艇滑水、香蕉船等，仲包即煮海鮮午餐，當中有蟹粥、白灼蝦、炒蜆、鹵水雞翼、炸墨魚條、生菜包、涼拌冷烏冬同炒時菜，非常抵玩又抵食，性價比極高啊！
【INFO】 《西貢日間經典遊艇》 預訂網址：https://bit.ly/3JfapnT 售價：人均$445起 容納人數：40人
推薦4：西式船屋特式船屋
如果想搞搞新意思就一定要入住呢個西式船屋，具歐陸風情，環境十分舒適，提供2間浴室同4間睡房，包括1張特大雙人床、1張普通雙人床同2張單人床，設有麻將、啤牌同桌上游戲等～行程都非常豐富包括乘搭舢舨遊覽香港仔避風塘，認識香港獨有嘅歷史文化，適合一家大細一齊嚟玩！
【INFO】 《西式船屋特式船屋》 預訂網址：https://bit.ly/3NcNjzs 售價：$4,181起
推薦5：市區日間經典遊艇
人均$500起嘅「市區日間經典遊艇」可容納最多50人，船上提供卡拉OK、音響、麻雀、啤牌等設備，亦可以加錢體驗水上活動，包括快艇、充氣滑梯及充氣彈床等。航行路線方面，推介大家選擇熱門路線由維港出發前往大清水灣，清水灣水質清澈，仲可以睇到東龍島景色添！
【INFO】 《市區日間經典遊艇》 預訂網址：https://bit.ly/3NuRqIB 售價：人均$500起 容納人數：50人
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
