玩轉腦朋友2 | 闊別9年《玩轉腦朋友2》終於回歸啦，除咗繼續有阿樂、阿愁、阿驚、阿燥以及阿憎呢5位腦朋友之外，續集亦都會加入更多情緒角色。趁電影未上映之前，大家都可以去到銅鑼灣率先感受大腦總部嘅全新情緒！即刻睇睇有咩打卡位～
圖片來源：SAUCE編輯部 | 撰文：Hedy
隨著韋莉經歷成長階段，情緒變得更複雜，除咗有舊有嘅5位腦朋友阿樂、阿愁、阿驚、阿燥和阿憎之外，今次亦有4位新情緒專員加入，包括阿焦、阿羨、阿厭同阿尷。銅鑼灣時代廣場亦都為《玩轉腦朋友2》建造出Emotion Playpark，等大家可以漫遊喺9大情緒為主題嘅遊樂設施入面打卡！
體驗情緒專員工作
除咗9位腦朋友齊集之外，時代廣場2樓中庭亦都係大腦總部控制室以及腦朋友睡房重地，等大家都可以一齊行入全新出現嘅「自我意識」區域，一齊感受大腦所擁有嘅情緒。大家仲可以去到控制台前面體驗情緒專員日常工作視覺，相信絕對會令你感到新奇有趣！控制台後方嘅神秘房間喺《玩轉腦朋友2》中全新出現嘅「自我意識」區域，漆黑房間滿佈閃閃發光嘅弦線同埋存放著韋莉嘅核心記憶球。抬頭亦都可以睇到唔同樓層和扶手電梯變身記憶球輸送管記載著大家嘅美好回憶！
期間限定店
地庫1樓就設置首個《玩轉腦朋友2》期間限定店，售賣多款全新限定週邊產品，店入面有超過500款精美商品，當中包括菲林相機、T-Shirt、公仔、2合1坐墊抱墊以及盲盒錶等，每樣產品都好得意！限定店將會擺放到7月31日，大家記得要嚟睇睇啦～
【INFO】
《玩轉腦朋友2》期間限定店
日期：2024年6月27日至2024年7月31日
時間：上午11:00至晚上21:00
地點：銅鑼灣時代廣場地庫1樓
【INFO】
《玩轉腦朋友2》Emotion Playpark
日期：2024年6月27日至2024年9月1日
時間：上午10:00至晚上22:00
地點：銅鑼灣時代廣場露天廣場及2樓中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
