燦子 | 鍾意燦子嘅粉絲新年一定要嚟打卡啦～日本人氣表情包貼圖角色「SHO-CHAN」（燦子）將會聯同屋企人同小伙伴登陸香港！3.5米高巨型招「燦」貓等緊大家，仲有過百款新年限定精品等你嚟shopping！
圖片來源：官方圖片 | 撰文：Hedy
適逢新春，燦子將登陸The ONE，帶住滿滿嘅新春喜氣同大家拜年！當中更有5大金光閃耀角落 ──「3.5米高巨型招『燦』貓」、「燦子必然幸運機」、「燦子幸福發射站」、「『燦』比花嬌浪漫花海」及「閃亮大吉燦子Happy Corner」。燦子亦同步開設了「吉星齊『燦』選物店」推出各種獨家限定周邊及主題產品，同大家一齊迎接充滿活力嘅2025年！
燦子 | 5大新春打卡位
鬼馬嘅燦子搖身一變成為「3.5米高巨型招『燦』貓」，凝聚了超萌達摩妹妹和好友──小琪、小淑、小鐵及KUMA同大家招手拜年！仲有由KUMA坐鎮嘅「燦子必然幸運機」，將老虎機同新年必玩「魚蝦蟹」元素一齊結合～燦子同小琪攜手打造出超過2米高嘅「燦子幸福發射站」，以巨型噴射槍不停發放祝福！另外活潑好動嘅燦子將鑽入由鄰居姐弟小淑及首次於商場登場嘅「『燦』比花嬌浪漫花海」。新年點少得同化身成為可愛大桔嘅燦子影相，記得要去打卡啦～
燦子 | 新年必買燦子造型魚蝦蟹骰寶
「吉星齊『燦』選物店」由燦子妹妹小琪同KUMA擔當店長，有齊過百款新年限定精品，當中逾10款全新會場獨家蛇年限定SHO-CHAN襟章，絕對係粉絲們必買～新年最啱就係同朋友一齊玩魚蝦蟹，屋企必備燦子造型魚蝦蟹骰寶及啤牌，印有SHO-CHAN總動員圖案，超得意～
【INFO】 《The ONE x SHO-CHAN 幸運新年「燦」住你》 日期：即日起至2025年2月16日 時間：10:00至22:00 地點：尖沙咀The ONE UG2中庭 《「吉星齊『燦』選物店」》 日期：即日起至2025年2月16日 時間：11:00至21:00 地點：尖沙咀The ONE UG2中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
