放假個陣唔知做咩好？就梗係去海洋公園，懷念昔日嘅玩樂～海洋公園喺1977年開幕，係唔少香港人嘅童年美好回憶！公園分為「高峰樂園」同「海濱樂園」兩大主要景區，小編係一個極愛挑戰極限嘅人，嚟得海洋公園，就梗係去高峰樂園啦！想知嗰度有咩咁刺激？呢篇 海洋公園遊玩攻略 一定啱晒你，有齊最刺激好玩嘅機動遊戲！
圖片來源：官方圖片、香港旅遊發展局｜撰文：Casey
海洋公園分别有兩個主題區：海濱樂園（山下）同高峰樂園（山上），以登山纜車同海洋列車連接兩個主題區。小編建議第一步先搭海洋列車前往山上先，列車以仿潛艇設計，淨係需要大概4分鐘就快捷到達山頂嘅另一邊，真係又快又方便！
小編建議最佳順序：
「海洋列車」>「高峰樂園」>「登山纜車」>「香港大街」
3大必玩最刺激機動遊戲
1. 翻天覆地
由海洋列車落車後，就一定聽到尖叫聲，啲叫聲係嚟自大家第一眼看到嘅機動遊戲「翻天覆地」！佢喺全園最刺激嘅機動遊戲No.1，佢有強勁嘅臂彎以每小時60公里嘅驚人速度係半空搖擺。速度會由慢到快，以360度凌空大迴轉兩至三次，最後一次懸空停下嘅時間最長，徹底反轉地心吸力。小編玩完有種天旋地轉嘅快感，建議最後先挑戰依個終極遊戲～大膽嘅你哋，不坊係懸空反轉嘅時候打開你嘅雙眼，欣賞整個動感天地嘅環境，真係好靚！
【INFO】
翻天覆地
位置 : 動感天地I高峰樂園️
刺激度：⭐️⭐️⭐️⭐️⭐
2. 動感快車
動感快車喺全園最刺激嘅過山車，佢採用雙腳懸空設計，坐上去檢查好安全設備後，腳下嘅鐵板就會打開退下，雙腳懸空，增強離心體驗。而速度方面名副其實，動感「快」車，以驚人高速狂野俯衝及穿越一個接一個嘅轉圈同急彎！動感快車富有極強嘅地心吸力，包括衝上斜然後突然下墜，就好似會被拋出去去大海，刺激感超強！
【INFO】
動感快車
位置 : 動感天地I高峰樂園
刺激度：⭐️⭐️⭐️
3. 狂野龍捲風
鄰近嘅「海洋天地」就有「狂野龍捲風」，小編認為係海洋公園排第二刺激嘅機動遊戲！呢個機動遊戲以水龍捲為主題，以風車式巨型旋轉鋼臂配合自轉式座椅，最高速度每分鐘7轉，係玩個陣會感受到三個唔同角度嘅4G重力旋轉，令玩家好似被捲入龍捲風當中。
【INFO】
狂野龍捲風
位置 : 海洋天地I高峰樂園
刺激度：⭐️⭐️⭐️⭐️
實用小秘訣
記得提前下載海洋公園手機app，透過app可以導航路線、即時查看各項活動時間表、當日暫停開放景點，令你計劃旅程更省時方便～
疫情期間園區營業時間
營業時間：海洋公園每週開放6天（星期二除外），大家可瀏覽公園官方網站留意最新公佈嘅開放日子同時間
*園區特別安排
進入園區前均須於網上預約到訪日期，預約系統會於每天下午5:00起開放未來14天嘅名額供訪客預約。所有訪客須於系統内預約入園日期及作健康申報，每日名額有限，額滿即止。
【INFO】
香港海洋公園
地址：香港仔黃竹坑道一百八十號
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
