海洋公園優惠 | 想近距離接觸小動物，就絕對要嚟海洋公園參加「親親動物月」，除咗有6大智趣動物任務之外，只要成為全年會員就可以免費同大熊貓、小狐獴同海豚等超萌好友見面。海洋公園更推出限時優惠，最平$686就可以成為全年會員，即刻睇睇優惠詳情！
圖片來源：海洋公園 | 撰文：Hedy
想成為海洋公園全年會員，就要趁今次優惠入手啦！為慶祝海洋公園「親親動物月」活動，特意推出限時優惠，依家只需要低至$686就可以成為全年會員，咁就可以無限次入園。無論係體驗驚險刺激嘅過山車、近距離觀賞動物定係同愛犬一齊入園，都相當推薦！
全年會籍低至港幣$686
由即日起至2024年5月19日，只要購買4個或以上海洋公園全年會籍，即可享7折優惠，無論係小童、學生定係成人會籍，全部都適用，折後更低至港幣$686，全年無限次入園*！成為會員之後可獲高達$720迎新禮遇，除咗享有園內餐飲以及購物折扣外，仲可以免費參加「親親動物月」期間限定嘅「動物好友見面會」同大熊貓、小狐獴同海豚等可愛動物近距離會面。當大家喺生日月份嚟臨海洋公園，更會有限定驚喜，仲有生日禮物送，超貼心～
帶毛孩免費入園
有養狗狗嘅大家，更可以喺逢星期一同星期四*，帶埋家中毛孩免費入園，喺海濱樂園以及香港老大街漫遊，仲可以乘搭海洋列車到高峰樂園，走訪北極之旅拜訪長約3.6米、重逾1噸嘅太平洋海象及到訪太平洋海岸同海獅見面！各位貼心嘅主人記得要帶齊狗狗嘅疫苗注射卡副本或相片，同時狗隻亦要配有植入式晶片，喺成個活動期間都需要繫上狗帶，咁就可以玩得安全之餘又開心！
親親動物月活動
喺親親動物月期間，大家可以暢玩6大智趣動物任務，包括動物蛋中尋、動物趣聞小學堂、威威村莊海洋守護者、動物萌友手作坊以及快閃WE WA舞！只要成為全年會員，就可以免費近距離咁同可愛動物互動，更可以打卡影相，留低一個美好嘅回憶！相信透過愉快嘅遊戲學習，絕對可以令大家認識唔同動物嘅小知識，留低深刻嘅印象，即刻趁今次嘅限時優惠成為全年會員啦～
【INFO】 「動物親親月優惠」詳情： 優惠期：即日起至2024年5月19日 1. 學生（12歲或以上全日制學生）及小童（3歲至11歲小童）會籍： 原價：港幣$980 動物親親月優惠價（購買4個即享7折）：港幣$686 2. 成人（12歲或以上） 原價：港幣$1380 動物親親月優惠價（購買4個即享7折）：港幣$966 了解全年會籍：https://bit.ly/4aus32s
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
