香港咁多好地方去，最近又有一連串唔同嘅活動，假日當然要出外走一走啦！小編為大家精選10月至11月 香港好去處2022 推介，除咗大型展覽，仲有期間限定打卡位添！想知道有咩地方啱打卡同值得一去？快啲碌落內文睇更多啦！
圖片來源：官方圖片、klook、kkday｜撰文：Sharon
1. 我係小忌廉40週年前夜祭 – 香港音樂祭2022
為慶祝魔法少女始祖「我係小忌廉」踏入40週年，小忌廉喺朗豪坊舉行全港首個音樂祭，設四大經典打卡位，粉絲們一定唔可以錯過！現場有1:1的小忌廉坐喺月亮華麗登場，仲有霓虹燈牌打卡牆、神秘夢幻鏡房、懷舊電視回播站同紅色表演車多個打卡場景添！同場亦設有期間限定店，推出逾百款「我係小忌廉」會場限定紀念品，當中包括芳香蠟燭，化妝袋、毛巾、紀念餐具、毛公仔等，部分限定單品及變身器造型飾物盒更係獨家預售！
依家只要你係LP CLUB 會員於場內美容商舖消費滿指定金額，更可免費獲贈「我係小忌廉」限量版紀念品！快啲一齊嚟同小忌廉開音樂Party啦！
【INFO】 《我係小忌廉40週年前夜祭 - 香港音樂祭2022》期間限定店@朗豪坊 地址：朗豪坊4樓通天廣場 日期：即日起至10月31日 時間：星期一至五 12:00 - 21:00；星期六、日及公眾假期 11:00 - 22:00
2. 荃灣廣場 x ART-ZOO • 我的快樂盒子 UNBOX HAPPINESS
荃灣區玩樂新地標荃灣廣場PLAY GARDEN嘅彩虹主題戶外公園開幕啦！佔地逾3萬呎，園內嘅「打卡區」不定期設置限定主題裝置，各位爸爸媽咪可以帶埋小朋友嚟放電喇！最近就誠邀新加坡知名藝術創作者Jackson Tan及其團隊「ART-ZOO 藝術動物園」首次猛龍過江登陸香港，由即日起至11月6日呈獻全港首個ART-ZOO 繽紛奇趣打卡樂園【荃灣廣場 x ART-ZOO • 我的快樂盒子 UNBOX HAPPINESS】！
由一眾色彩繽紛嘅動物角色帶大家遊歷7大必影打卡景點，包括20米長「彩虹遊樂「牆」」同5米高「Bruno Bear快樂彩「熊」」等。另外更有一系列限量版ART-ZOO 聯乘精品，只要打卡上載照片到社交平台或成為The Point會員憑積分即可換領！大家都快啲嚟喺呢個充滿色彩繽紛嘅世界啦！
【INFO】 「荃灣廣場 x ART-ZOO • 我的快樂盒子 UNBOX HAPPINESS」 地址：荃灣廣場L5 PLAY GARDEN空中樂園 日期：即日起至11月6日 時間： 10:30 - 22:00
3. M+ 「草間彌生：一九四五年至今」展覽
「草間彌生：一九四五年至今」係著名藝術家草間彌生喺日本以外嘅亞洲地區舉行嘅最大回顧展，為咗M+開幕1周年，今次特別邀請到草間彌生在港開展！展覽將會展出逾200件展品及三組全新作品，並圍繞「無限」、「積累」、「全面連結」、「生物宇宙」、「死亡」同「生命的力量」6個主題，全面地呈現草間藝術生涯嘅各個發展階段。鍾意藝術又想了解更多嘅朋友記得買飛去睇啦！
【INFO】 「草間彌生：一九四五年至今」展覽 地址：M+博物館西展廳、展演空間、地下大堂、光庭及潛空間 日期：2022年11月12日2023年5月14日 票價：正價門票：港幣240元；特惠門票*：港幣150元 *特惠門票適用於全日制學生、7至11歲兒童、60歲或以上長者、 殘疾人士（與一名陪同者）以及綜合社會保障援助受助人。 購票網址：https://bit.ly/3TvZPMd
4. 中環活動空間 – The Grounds
休閒及娛樂活動空間 The Grounds再次回歸啦！The Grounds為大家準備咗一系列豐富體驗同活動，可以坐喺私人花園欣賞電影如《侏羅紀公園》、《哈利波特》系列等，真係另有一番滋味啊！場地提供一系列私人花園選擇，包括原有嘅私人花園 「Classic Pods」將提供四張升級躺椅。而位於較佳視野位置嘅全新「Prime Pods」將會提供BProject嘅沙發型座椅。
另外，The Grounds更提供5組限量「Luxe Pods」，搭配豪華座椅及沙發以打造更寬闊、更奢華的私人花園，賓客仲可以享用香檳美酒或精選葡萄酒一瓶添！想以全場最佳視野嘅角度去睇電影，一定唔可以錯過啊！
有咁多項精彩活動又點少得美食呢！場內有爆谷、玉米餅、漢堡包同正宗越南菜供應，飲品則有雞尾酒、啤酒、咖啡同果汁等，放假一於約埋朋友嚟中環玩啦！
【INFO】 The Grounds 地址：香港摩天輪｜AIA Vitality 公園香港中環民光街33號 開放時間：星期一至五 17:00 - 22:00； 星期六、日12:00 - 17:00及18:00 - 23:00 網站： https://bit.ly/3VvGZqe 門票詳情：https://bit.ly/3D347oR
5. GO Museum – Cyber X 2.0 元宇宙主題全新進化 – 萬聖節特別專場
10月當然唔可以少咗萬聖節啦！為咗增添節日氣氛，藝術館GO Museum化身成為「鬼屋」，故事以Cyber X 遭到Creepy Devil入侵為概念，增添大量陰森恐怖又可愛嘅萬聖節打卡元素！幽靈不時會喺洞內出現，仲有令你起晒雞皮嘅蜘蛛洞！萬聖節期間限定去到10月31日，快啲約齊朋友一齊體驗呢趟超感官旅程啦！
【INFO】 GO Museum - Cyber X 2.0 元宇宙主題全新進化 地點：GO@Peak Galleria山頂廣場L2 201 日期：即日起至10月31日 開放時間：星期一至四 11:00 - 18:30； 星期五至日及公眾假期 11:00 - 20:00 購票網址：https://bit.ly/3S7ByLf
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
