「沙頭角」一個充滿神秘嘅地方，被列為禁區近70年，要一張禁區紙、仲要得到沙頭角居民嘅擔保，你先可以進入呢個禁區！但喺今年6月已經沙頭角已經正式開放，依家大家可以透過旅行社報名參加一日遊旅行團，遊覽呢個神秘小區！依家等小編同大家一齊了解沙頭角4大好去處，帶大家嚟個「 沙頭角一日遊 」啦！
圖片來源：香港旅遊發展局、保安局｜撰文：Sharon
沙頭角位於新界北區，接壤深圳市鹽田區，喺1951年被列為邊境禁區，以作為緩衝區阻止非法入境、走私及其他跨境犯罪活動。進出沙頭角就持有禁區紙，一般市民如果要申請，必須有沙頭角居民做擔保！沙頭角係全香港最大嘅碼頭，由沙頭角碼頭，仲可以坐船前往荔枝窩、吉澳等地方。
1. 沙頭角之角
沙頭角之「角」係沙頭角最東嘅角落，有一塊刻上經緯度嘅座標牌同中英街界石展品，海上仲排列由藍色膠桶串連而成嘅浮欄，大家可以喺呢度眺望香港同深圳兩地景色，欣賞一望無際嘅海景～
2. 客家圍村荔枝窩
有300多年歷史嘅荔枝窩係香港最古老嘅客家農村之一，首度開放啟用嘅沙頭角碼頭，大家可以乘搭渡輪前往荔枝窩！喺呢度除咗可以欣賞風水林同紅樹林、感受大自然嘅寧靜，仲可以了解同遊覽客家村嘅文化。
3. 鴨洲
由沙頭角碼頭出發可以前往鴨洲，因為形狀同鴨子好相似，所以命名為「鴨洲」。鴨洲同深圳鹽田只有一水相隔，呢個隱世海島中「鴨眼」係島上非常受歡迎嘅打卡景點，如果冇喺「鴨眼」影相留念，就唔算嚟過鴨洲喇！
鴨洲嘅景色超靚，簡直令人心擴神怡啊！
4. 吉澳
吉澳係香港最北嘅島嶼，吉澳居民以漁業同務農為生，最為人熟悉一定係「天后宮」。另外，吉澳大街仲有小店同餐廳，大家可以喺呢度品嚐最地道嘅客家菜，如客家炆豬肉、傳統手打墨魚丸、蒜蓉粉絲蒸扇貝、雞屎藤茶粿、糯米糍等！
開放首階段，如果想前往沙頭角嘅朋友，必須參加旅行社嘅本地旅行團前往沙頭角指定區域，旅行社會為遊客安排禁區紙。至於「中英街」仍然係禁區，暫未開放畀市民前往～
【INFO】
沙頭角禁區本地遊
交通：上水站乘搭55K專線小巴，於總站下車；或藍田站乘搭277A巴士。（旅行社會代遊客安排交通）
相關文章：【北角一日遊】必食雞蛋仔+靚靚CAFE+電車+日落打卡點
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
