都市人日常生活壓力咁大，好多人都鍾意放工去按摩，放鬆一下身心。沙田區內的按摩店選擇唔多，但最近有一間新開業嘅森林系按摩店「森沐」開張，特設40多項服務，包括招牌佛陀式頭療、熱石按摩、淋巴引流排毒等，最抵只需$262就可以按足75分鐘。小編率先去體驗，即刻睇吓小編嘅詳細報告啦！
圖片來源：SAUCE編輯部、森沐｜ 撰文：Angela
簡約森系主題 治癒身心
位於沙田石門的森沐，總店於京瑞廣場開業未夠一年時間已經深受區內人歡迎。今次喺安麗街開設嘅旗艦店比總店更大，面積過萬呎，裝潢以安定清新嘅森林作主題，以木色及綠色作為主調。而且店內充滿令人放鬆嘅香薰氣味，感覺就好似去咗渡假一樣，非常寧靜和諧。全店共35間按摩房，包括有雙人房、單人房、三人房及女賓專用的3間Spa房等，唔同組合人數都可以享受到獨立空間。
店內更特設2間孕婦房，設孕婦專門療程，幫助孕婦放鬆及安胎。亦有兒童玩樂區，方便媽媽們想鬆一鬆嘅時候，可以帶埋小朋友一齊嚟，夠晒貼心。
森沐 逾40特色項目 技師按摩精準到位
森沐有超過40項按摩美容養生項目，有齊足部按摩、中式穴位推拿、日式香薰按摩、淋巴引流排毒、電磁叉排酸按摩、熱石按摩、獨家中藥浴足等，任君選擇。小編為大家精選以下4項特色療程，亦率先體驗，為大家詳細報告！
招牌療程1：佛陀式頭療（60分鐘）體驗價$398
佛陀式頭療係森沐招牌療程之一，採用原始印度做法。技師先以「聞香」作為療程第一步，即是讓客人聞香薰，再以羽毛輕掃面部，以達到放鬆心情嘅目的。再將按摩油滴於眉心間至向後流到頭頂，然後透過梳、點、按、搓、捏等手法，刺激頭部128個以上重要穴位。同一般髮型屋洗頭唔同，頭療技師接受過專業按摩訓練，按頭不是以指甲或者指尖，而是以指腹按摩頭部穴位。按摩油亦可以選擇無味、薑味或薄荷味，除咗香氣不一樣，亦適合不同體質或需要人士。整個過程讓人非常放鬆，一不小心就會瞓著。
招牌療程2：痛症治療 體驗價$588
森沐有痛症復位師駐場，專為患有常見嘅都市痛症例如肩周炎、肩頸痛、關節痛、筋膜炎、腰間盤突出、坐骨神經痛、四肢無力等客人進行痛症治療。痛症復位師擁有20年以上經驗，客人可以免費預約咨詢，檢查完之後痛症復位師就會提供改善方案，並且安排治療開始時間，同埋及預計痛症治療所需時間，事後亦會為客人提供治療期間嘅注意事項及建議。
招牌療程3：三身三世SPA（180分鐘）首次體驗價$1,680
「三身三世SPA」係結合多種按摩技巧同步驟，喺180分鐘內從頭到腳全面放鬆身心，盡情享受和部位按摩嘅療程。客人會喺特設SPA房入面體驗3次浸浴，並會由技師做法式推油推背或日式鹽石按摩等項目，最後奉上一份茶點，為整個療程畫上完美句號。SPA房內更設有投影裝置，喺長達3小時嘅療程中，客人可以選擇睇電影解悶，認真舒服！
招牌療程4： 冬日限定 超級梳乎三／四／五重奏（體驗價$988、$1,288、$1,488）
如果想透徹地放鬆身心，小編就推薦大家可以揀冬日限定嘅「超級梳乎三／四／五重奏」。優惠由即日起至2024年2月5日，每天限定25位，先約先得。森沐提供11項項目，畀客人任揀三、四或五項療程，點視揀、揀幾多項都可以由你自由組合！以下11項療程，最長可以畀你嘆足5小時：
1.正宗頭肩頸按摩（60分鐘）
2.森沐足部理療（60分鐘）
3.貴婦面部SPA（70分鐘）
4.古法淋巴引流排毒（60分鐘）
5.高級香薰推油（60分鐘）
6.日晶式採耳（40分鐘）
7.安第斯山熱石按摩（50分鐘）
8.中式點穴按摩（60分鐘）
9.日式嫁接濃密款（60分鐘）
10.美甲高階單色（60分鐘）
11.佛陀式頭療（60分鐘）
小編揀咗足部理療及熱石按摩。技師經驗豐富，落手按幾下就知道身體邊啲部位最緊繃。過程中亦會問客人邊度比較攰，可以多按幾下。技師按摩嘅位置十分精準，唔止按中最疲累嘅部位，而且唔係用死力，係用柔力按中酸痛處，感覺好爽快舒暢。加上暖烘烘嘅熱石同精油，散發溫暖嘅香氣，真係非常放鬆。
至於足部理療，技師會先讓客人浸腳，再按摩小腳、足部、腳底。按摩過程技師都用溫柔嘅力度，唔會痛但會按到各個穴位。如果你因為工作而要需要長期站立，腿部肌肉經常酸痛，呢個足部理療就好適合你！
試業優惠全單88折
即日至1月5日新張試業期間，森沐設有試業優惠，全單可享88折，最抵$262就可以享受75分鐘專業按摩！試業期之後亦有早鳥夜貓優惠，於2024年1月6日起，逢星期一至五上午9點至下午2點，及晚上8點至11點，即享全單9折優惠。另設常駐優惠，逢星期一至五全日，按摩項目單人兩個項目享92折；三個項目起可享88折。
【INFO】 森沐A l’aise SPA 旗艦店 地址：香港新界石門安麗街11號地下3號及5號鋪 預約電話：9210 0231 營業時間：星期一至日 9:00 - 23:00 前往方式：港鐵石門站C出口步行3分鐘 石門總店 地址：石門京瑞廣場2期地下G28-29號舖 預約電話：9213 0100 營業時間：星期一至日 9:00 - 23:00 前往方式：港鐵石門站C出口1分鐘直達 官方Facebook：https://bit.ly/41swWWj
