「歡樂天地Whimsy」最大旗艦店登陸灣仔合和商場！新地佔地36,000平方呎，係香港最大嘅歡樂天地分店！場內有多個玩樂設施包括碰碰車、旋轉木馬、保齡球場同歡樂波波池等，仲新加入全港首個超感官VR飛行電單車！即睇內文了解更多！
圖片來源：官方圖片｜撰文：Sharon
「歡樂天地Whimsy」最大旗艦店正式進駐灣仔合和商場，佔地36,000平方呎，多個玩樂設施，包括全港首個超感官「VR飛行電單車」，戴上VR眼鏡，除咗電單車嘅擺動及視覺轉換，仲可以讓你飛越叢林同山谷，展開一場視、聽、嗅、觸感全方位嘅驚險刺激旅程！另外，場內仲有「超時空鐵騎」同可以造出甩尾效果嘅「飄移碰碰車」可以玩，夠晒刺激！
如果唔想玩太刺激嘅機動遊戲，大家可以走進5,000平方呎嘅「奇幻冰雪樂園」，感受零下15度飄雪氛圍，盡情瀡滑梯嬉戲玩樂！小朋友更可以去玩旋轉木馬、小童版保齡球場同歡樂波波池。至於「環幕機動影院」就老少咸宜，可以喺動感以外感受水花、雪花四濺嘅體感享受！
另外，當然唔少得一系列經典遊戲，包括射大牙機、跑馬仔（歡樂競賽）、推銀機、籃球機、歡樂彩虹、歡樂飛環及幸運滾球等，放假一於約朋友嚟合和商場嘅歡樂天地啦～
【INFO】 《「歡樂天地Whimsy」- 灣仔店》 地點：灣仔合和商場 14樓1403 - 1405號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
