櫻桃小丸子｜相信櫻桃小丸子絕對係大家細個必睇嘅卡通之一，而適逢5月8日係小丸子生日，香港將會舉辦櫻桃小丸子生日派對，有壽星造型小丸子現身同大家合照同簽名，仲有超多打卡位！即刻入內文睇詳情喇！
圖片來源：官方圖片 | 撰文：Hedy
5月8日係小丸子生日！今年5月8日至10日將會喺尖沙咀 The ONE 露天廣場舉行大型生日派對。除咗入口設有2.5米高壽星造型小丸子吹氣裝置打卡位之外，仲有一連串嘅繽紛可愛主題打卡位以及一眾主要角色立牌包括野口同學、小渚同學、小玉同學、花輪同學、杉山同學及大野同學，免費畀大家入場打卡。如果想近距離同壽星女小丸子合照嘅話，只需要喺The ONE UG1嘅櫻桃小丸子快閃店即日消費滿$200，就可以換領生日派對VIP入場券一場，數量有限，換完即止。
【INFO】 《櫻桃小丸子生日派對打卡裝置 》 日期：2026年5月8日至5月10日 地點：尖沙咀The ONE 露天廣場 《櫻桃小丸子生日派對限定活動》 日期：2026年5月8日 時間：18:30至19:00 地點：尖沙咀The ONE 露天廣場 參加方法：於櫻桃小丸子快閃店即日消費滿HK$200換取生日派對VIP入場券一張
櫻桃小丸子生日｜日本人氣舞蹈天團 AVANTGARDEY
為咗慶祝小丸子生日，野口同學特別準備咗驚喜。除咗搵嚟日本人氣舞蹈天團AVANTGARDEY，精心編排全新熱舞《野口KUKUKU》，之外。就連生日當日更有其中2位人氣成員Aimu與Kohana喺現場擔任表演嘉賓，同野口同學一齊跳舞助陣！
櫻桃小丸子生日｜小丸子生日見面會
就算大家錯過咗5月8號嘅生日派對都唔緊要，5月9日以及5月10日都設有「小丸子生日見面會」，只要喺快閃店即日作任何消費，即可換領見面會入場券一張，咁就可以喺每日指定時間下午2時至3時與壽星造型嘅小丸子見面及擊掌打卡。
【INFO】 《櫻桃小丸子生日見面會 》 日期：2026年5月9日至5月10日 時間：14:00至15:00 地點：尖沙咀The ONE 露天廣場 參加方法：於櫻桃小丸子快閃店即日作任何消費，可換取見面會入場券一張。
櫻桃小丸子生日｜櫻桃小丸子快閃店
召喚所有鍾意櫻桃小丸子嘅朋友！櫻桃小丸子快閃店 推出近30款生日系列商品，包括包括以Tiffany Blue為主色調的針織小物袋、斜揹小袋、手挽袋、Cap帽、原子筆、貼紙、耳環、餐具、掛飾及襟章盲盒等。
【INFO】 《櫻桃小丸子快閃店 》 日期：2026年5月8日起率先發售 開放時間：11:30至21:00 地點：尖沙咀The ONE UG1
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
