大埔林村許願節｜新年想去大埔林村樹前拋寶牒許願，又或者係蓮花燈祈福，就一定要留意喇～今年仲有新春市集、美食廣場、音樂表演、花車展覽以及攤位遊戲～即刻入內文睇詳情喇！
圖片來源：Facebook@民政事務總署、香港許願節 | 撰文：Hedy
每年農曆新年期間，相信唔少香港人都會去林村許願樹拋寶牒！而今年嘅香港許願節將會喺2月17日至3月3日於大埔林村許願廣場舉行，免費開放畀大家入場！除咗可以拋寶牒許願以及放祈福蓮花燈之外，仲有發光許願樹以及許願夜市，超啱大家喺今個新年嚟體驗～
大埔林村許願節｜許願夜市市集+「拉頭馬」
適逢今年係馬年，馬會借出兩隻1比1嘅馬匹模型及凱旋門裝置，等大家都可以喺現場體驗「拉頭馬」。同時林村許願廣場更係首次派出表演隊伍，參與年初一嘅「國泰新春國際匯演之夜」，並以「光明與希望」為主題。許願夜市市集設有72個攤位包括美食攤位、乾貨以及攤位遊戲等，而喺初二至初六期間更開放至九點，啱晒一家大細去玩～今年更新增林村好聲音活動，邀請《中年好聲音》嘅歌手包括李金凱、顏志恒、沈宗賢喺現場表演。
【INFO】 《大埔林村許願節2026》 日期：2026年2月17日至3月3日 時間： 2月17日上午9:00至晚上7:00； 2月18日至22日上午9:00至晚上9:00； 2月23日至3月3日上午9:00至晚上7:00 地點：大埔林村許願廣場 交通：大埔墟火車站及太和火車站 乘63R巴士直達
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
