2023新鴻基地產香港單車節｜十月馳騁三橋三隧路線！即睇報名截止日期＋費用＋參賽要求

2023新鴻基地產香港單車節｜號召各路單車好手！由香港旅遊發展局主辦嘅「新鴻基地產香港單車節」於10月22日舉行，今年將再次舉辦「國際單車聯盟(UCI)1.1級公路賽」，來自全球嘅單車精英，可於香港鬧市一決高下！另外更有「50公里組」及「30公里組」項目，路線覆蓋難得開放畀單車行走嘅「三橋三隧」，一眾單車愛好者可以一邊馳騁多條主幹道，一邊欣賞香港沿路風景！活動於9月6日開始接受報名，即睇香港單車節三大亮點啦！ 

圖片來源：官方圖片｜撰文：Sharon

今年單車節全日除咗有緊張刺激的賽事外，仲為單車愛好者提供多個騎行活動，一齊睇下活動三大亮點！

亮點一：鬧市公路變身國際賽場

相隔五年，國際單車聯盟(UCI)1.1級公路賽再次喺維港旁舉行，比賽沿尖沙咀梳士巴利道、麼地道、科學館道及紅磡繞道，以繞圈方式進行，每圈長4.3公里。届時會有近百名全球專業單車好手，包括超過10支UCI世界巡迴賽單車隊、職業及洲際車隊參賽，以及香港隊亦會主場迎戰，齊齊爭奪冠軍戰衣、獎金等！

亮點二：「三橋三隧」任意馳騁

除咗有專業級選手競技嘅刺激賽事，作為全港最大型單車活動——「新鴻基地產香港單車節」亦設有唔同程度嘅非競賽項目，包括「50公里組」及「30公里組」給各界單車好手一同參與，今年共有5,200 個名額，歡迎大眾踴躍投入活動。選擇「50公里組」嘅參加者，可在「三橋三隧」——青馬大橋、汀九橋、昂船洲大橋、長青隧道、南灣隧道以及尖山隧道任意馳騁，以全新嘅角度感受香港嘅魅力，欣賞維港景色和城市風貌！選擇「30公里組」嘅參加者會登上昂船洲大橋，途徑環球貿易廣場等地標性景點，沿途欣賞繁華街道與高樓林立並存嘅獨特景緻。

亮點三：維港旁共享親子單車樂

另外，今年單車節同時會舉辦與眾同樂的「家庭單車樂」，大會喺梳士巴利道劃出一段長約1公里嘅路線，供200名參加者參加！6歲以上嘅小朋友都可以同家長一齊喺馬路上踏單車，享受親子時光！

網上報名日期由9月6日起至9月12日，各組別名額有限，先到先得！另外，所有首次參加單車節人士或只曾參與2017年或以前單車節人士 (包括後補名單)，須參加大會安排嘅免費單車技術評核。

時間	首次參加單車節或只曾參與2017年或以前的單車節人士	曾完成過去2018年及2022年兩屆單車節項目或獲中國香港單車總會認可資格的健兒
9月6日 10:00起至9月12日	報名參加「新鴻基地產香港單車節」 網站：https://bit.ly/3R7y6n2 各組別名額有限，先到先得 當超過名額上限後，報名人士則列入後補名單	報名參加「新鴻基地產香港單車節」 網站：https://bit.ly/3R7y6n2  各組別名額有限，先到先得 當超過名額上限後，報名人士則列入後補名單
9月16日、9月17日、9月23日	免費單車技術評核 所有首次參加單車節人士或只曾參與2017年或以前的單車節人士，須先參加免費單車技術評核	核實資格 毋須參加單車技術評核 一經核實資格，即可進行付款，確認報名
9月尾	支付報名費確認名額 大會以電郵通知評核結果 通過評核的合資格健兒按電郵指示付款，確認報名	/
	後補名單 如有空缺，大會將以電郵通知後補名單健兒，確認報名

心動不如行動！各位單車愛好者，立即去報名啦～

報名費詳情：

組別	參與人士	報名費
50公里組	16至70歲	$650/人 (每隊(最多10人):15,000港元)
30公里組	16至70歲	$330/人
家庭單車樂	6至70歲	$100/組
男子、女子公路繞圈賽	16至70歲	$400/人

註：報名費包括選手包及紀念單車服（家庭單車樂的參加者除外）。50公里組及30公里組別參加者完成活動後可獲得完成獎牌及電子證書。

【INFO】
《新鴻基地產香港單車節》
報名日期：9月6日上午10時起至9月12日
報名網址：https://bit.ly/3R7y6n2
*特定人士遞交有效的參加資格證明文件 （如適用）