新年市集2025 | 又準備到農曆新年，大家又準備好行唔同嘅年宵市場同新年市集未呢？小編已經幫大家整合咗18大新年市集，更有試當真、JFFT等YouTuber以及本地人氣插畫家擺設年宵攤檔，粉絲們必去！
圖片來源：官方圖片 | 撰文：Hedy
年宵市集2025 | 1. 蛇王到！新年市集 —— 朗豪坊
朗豪坊今年同《白紙市集》以及《Cheap Century》打造出「蛇王到！新年市集」！仲有由本地插畫角色「大麻成」將會化身為4米高、神通廣大嘅「蛇王」，邀請大家前來朝拜祈福！1月份每個週末都將會有40幾位本地人氣手作品牌舉行限定市集，大家都可以由9樓行到12樓～當中1月24日至28日更加開新春年宵市集，仲有試當真、JFFT及人氣KOL柿柿Chichi等設置年宵攤檔，同粉絲們有最近距離開互動！
【INFO】 《【白紙市集 x Cheap century - 蛇王到！】年宵市集》 日期：2025年1月24日至1月28日 時間：1月24至28日 12:00至21:00；1月28日 12:00至22:00 地點：朗豪坊7樓、9至12樓
年宵市集2025 | 2. 噼哩啪啦新春市集 —— 利園
新年都想過得不一樣？利園將為大家帶嚟玩味十足嘅「噼哩啪啦新春Party 」活動，融合「走鬼檔」、「打麻雀」、「行市集」及「睇運程」等不同地道新年習俗！年初一至年初三仲有「利園Street Game 」、「走鬼檔競速大賽」及「百人游乾水麻雀挑戰賽」，有興趣嘅朋友就要提前報名先，更有機會贏取價值$3,000豐富獎品，仲有特備節目100毛「初三赤口辯論」熱鬧歡賀新年，大家仲可以見到謝影雪、楊雅婷、楊霈霖及蘇樺偉等本港著名運動員一同「走鬼」，而東方昇、專家Dickson、利君牙及叻叻亦會同大家進行一場激烈討論。一連五日嘅市集除咗有多個零售及美食攤位，更有求籤遊戲及即場睇相體驗，利園區更特別於年初一至三安排Hip Hop醒獅、LED舞龍及人氣街頭樂隊等破格賀年表演，一系列精彩節目陪你迎春接福！
【INFO】
日期：2025年1月27至31日（年廿八至年初三）
時間：1月27及28日：下午２時至９時（只有白沙道市集部分開放）；1月29日至31日：下午２時至７時
地點：香港銅鑼灣白沙道及啓超道
立即報名：https://bit.ly/4gJGL91
年宵市集2025 | 3. LIFE MART —— 饒宗頤文化館
LIFE MART大型年宵市集將會喺饒宗頤文化館舉行，場地更係寵物友善，大家都可以帶埋寵物一起入去行吓～市集將有逾百多攤戶外及室內本地文創及設計品牌、人氣 KOL及插畫師品牌攤檔，仲有鍾意Mr n Mrs Moon嘅朋友絕對唔可以錯過，館內設置咗沉浸式佈置～
【INFO】 《LIFE MART 大型年宵市集2025 @ 饒宗頤文化館》 日期：2025年1月24日至28日 時間：13:00 - 21:00（1月28日將延長開放時間至24:00） 地點：饒宗頤文化館全館
年宵市集2025 | 4. 魚躍福來開運市集 —— 屯門市廣場
想喺商場行吓室內市集，就可以嚟屯門市廣場大型室內年宵市集「魚躍福來開運市集」行吓啦，有齊唔同嘅年貨以及年花比大家揀，搜羅逾40個品牌！當中必搶森林麵包首發獨家限定杜拜開心果朱古力列產品、whoop小確幸招牌蝴蝶酥以及民豐麵粉廠全新合桃酥口味糯米糍等，新年買定送畀親朋戚友～同場亦有唔少打卡位，中央廣場化身催運寶池，六條長達五米嘅巨型開運金魚傲遊半空中，配合540吋大電視屏幕上金魚於寶池中優雅躍動，寓意金玉匯聚、繁榮昌盛！
【INFO】 《魚躍福來開運市集》 日期：即日起至2025年2月2日 時間：11:00至21:00 地點：屯門市廣場1樓中央廣場
年宵市集2025 | 5. 白紙年宵百貨2025 —— D2 Place ONE
白紙年宵百貨2025匯集咗唔同手作及插畫家之外，包括謝曬皮Tse Sai Pei、Mr. LLH、DDED、東尼電機、Johnee Lau、Oh…little sweet、Cheeky Cheeky 厚面子等等，亦有唔同嘅KOL及YouTuber，一定好熱鬧～
【INFO】 《白紙年宵百貨2025》 日期：2025年1月25日至1月28日 時間：1月25至27日 14:00至21:00；1月28日 15:00至00:15 （最後入場時間23:00） 地點：荔枝角D2 Place ONE 2/F THE SPACE及 7/F THE UPPER STAGE
年宵市集2025 | 6. 富士喵 x 中環街市：福貓滿滿年宵市集 —— 中環街市
喺今個新春，中環街市有可愛滿分嘅富士喵陪大家迎接蛇年！由即日起至2月9日，富士喵「小冬」和「小滿」將現身「福貓滿滿年宵市集」，為大家招福招財！市集匯聚咗近30個本地人氣小店攤檔，當中包括均香餅家及豐喜餅家等，絕對喺度搵到新年送禮之選～
【INFO】 《富士喵 x 中環街市：福貓滿滿年宵市集》 日期：即日起至2025年2月9日 時間：12:00至20:00 地點：中環街市二樓24小時行人通道
年宵市集2025 | 7. 港式年宵市集 —— Mikiki
新年絕對要搜羅年貨及賀年禮品，由即日起至2025年1月28日期間，Mikiki將會舉辦「港式年宵市集」，有逾30個人氣品牌參展，包括元朗老字號品牌其奧花生糖、牛師傅牛軋糖、美而廉及天寶海味等，售賣應節賀年食品、禮盒、蔘茸海味、美酒及精選生活用品等！喺指定日子仲會推出$1換購罐裝鮑魚優惠，記得去搶啦～
【INFO】 《「菠蘿油妹妹 x 阿讚貓」 港式年宵市集》 日期：即日起至2025年1月28日 時間：11:00至21:00 地點：Mikiki地下中庭A區
年宵市集2025 | 8. 蛇年旺旺手作市集 —— AIRSIDE
由即日起至2025年2月2月，「蛇年旺旺手作市集」為大家獻上年宵及寵物主題原創手作，為大家羅致農曆新年、新春、節日、寵物與動物主題嘅多款原創手作。當然亦唔少得各式新春蛇年造型寵物生活雜貨，亦有新春氣氛的花藝擺設、布藝飾品、植物盆栽、烘焙糕餅、花茶、咖啡、肥皂香水及鈎織皮革等，為家居換上新春佈置！
【INFO】 《AIRSIDE SOHO MARKET 蛇年旺旺手作市集》 日期：即日起至2025年2月2日 時間：12:00至20:00 地點：啟德AIRSIDEG008號舖、4/F購物走廊
年宵市集2025 | 9. 《熊遊新春》新春年宵市集 —— HomeSquare
《熊遊新春》新春年宵市集以手工藝品、家居擺設以及生活用品為主，鍾意熊貓嘅大家更係唔可以錯過！呢度有唔少以熊貓同竹位主題嘅物品～每款都超可愛，擺喺屋企做裝飾都冇問題～
【INFO】 《熊遊新春》新春年宵市集 日期：2025年1月25及26日 時間：12:00至19:00 地點：HomeSquare L2 & L3
年宵市集2025 | 10. 白紙市集 X Jasontommy 新春「圍」系生活市集 —— 圍方
白紙市集將會喺圍方舉辦新春圍系生活市集，今次更邀請本地插畫師Jason Tommy擔任主視覺設計，將大圍區特色景點古蹟美食放入海報入面，當中仲有特色紀念品以及大圍地圖指南，等大家都可以認識大圍區多啲！市集每星期聚集超過二十個品牌，主要展示本地特色同新年主題產品，包括各式小食、手作、咖啡、甜品、新年應節品同毛孩用品！
【INFO】 《白紙市集 X Jasontommy - 新春「圍」系生活市集》 日期：2025年1月24日至2月2日 時間：12:00至20:00；1月29日至12:00至22:00 地點：大圍車公廟路18號 圍方L4活動空間
年宵市集2025 | 11. 金龍迎福．新春市集 —— 荃新天地
荃新天地為大家搜羅各式新春應節產品，逾20檔LOCOLOCO新春市集攤檔售賣賀年產品，當中包括手作賀年裝飾、賀年花藝以及賀年食品禮盒等。同場亦可以玩荔園6大經典攤位遊戲，當中包括「開心掟階磚」、「喜氣擲鐵罐」、「財源套滿樽」、「如意神射手」、「福到肥肥人」以及「迎新Duck意」。
【INFO】 《荃新天地 X 荔園 新春呈獻LOCOLOCO新春市集》 日期：即日起至2025年2月16日 時間：12:00至20:00 地點：荃新天地1期中庭
年宵市集2025 | 12. GO Shine! 新春市集 —— 西沙Go Park
「GO Shine!新春市集」匯聚多間本地優質嘅烘焙食品、手作飾物、寵物衣飾等，包括BOTANIC UNION 發售賀年桃花樹、主打天然無添加的甜點小店甜然 Dessertarian、本地寵物食品品牌cloud studio及香港手工蠟燭品牌拾捨Sup.ft等等。大家可以喺桃花環繞下辦年貨，選購獨特手作及享受美饌！
【INFO】 《「GO Shine!新春市集」》 日期：2025年1月25日至1月28日 時間：12:00至19:00 地點：西沙GO PARK中央廣場
年宵市集2025 | 13. Pinkoi「新春好好買」新年市集 —— iSQUARE
Pinkoi將會舉辦首個新年市集，現場有超過30個香港同台灣品牌參加，當中包括香港本地插畫品牌 cheeky cheeky 厚面子、dodolulu 聯同台灣人氣插畫品牌 Shock MAMA 等。同場仲有 Pinkoi x Miffy 2025 蛇年限量揮春作首次線下發售！
【INFO】 《Pinkoi「新春好好買」新年市集》 日期：2025年1月25日至1月26日 時間：12:30至19:30 地點：尖沙咀 iSQUARE 國際廣場 3/F 中庭
年宵市集2025 | 14. Marketoo x 新都會廣場 新春手作市集2025 —— 葵芳
Marketoo x 新都會廣場新春手作市集2025，有近50間本地設計、手作，部分品牌更設計咗唔同嘅新春主題產品，每逢星期六、日都會有Busking表演，相當熱鬧！同場亦有限定毛孩領養區，鍾意動物嘅你絕對唔好錯過～
【INFO】 《Marketoo x 新都會廣場 新春手作市集2025》 日期 : 2025年1月25至28日 時間: 11:00至21:00 （1月28日將延長開放至22:00） 地址：新都會廣場三樓露天廣場
年宵市集2025 | 15. SOHO MARKET 招財貓年宵市場 —— 旺角上海街
【INFO】
《SOHO MARKET招財貓年宵市場》
日期：2025年1月25至26日
時間：12:00至20:00
地點：旺角上海街618號地下活動空間
年宵市集2025 | 16. apm新春年宵市集
未辦年貨嘅大家可以去apm入手！無論係精美賀年禮盒、傳統定新派應節美食、到至潮創意利是封通通都有，包括手作花生酥、鮑魚蘿蔔糕、夢幻彩虹麻糬以及招牌釀造蜂蜜酒等。今年年宵規模更擴至大堂高層，記得行晒咁多檔啦！
【INFO】 《apm新春年宵市集》 日期：即日起至2025年1月28日 時間：12:00至23:00 （年廿九開放至凌晨12時） 地點：apm大堂層及大堂高層
年宵市集2025 | 17.「和」你進富年宵市集—— 北角和富
迎接蛇年好勢頭，北角WORFU為大家準備好「和」你進富年宵市集！今次市集攤檔類型包括賀年飾品及手做食品、古法線面服務、花藝、本地特色食品飲品、寵物用品、手作飾品、編織品、手工肥皂、護膚品、蠟燭、家品等等。
【INFO】 《「和」你進富年宵市集》 日期：2025年1月25至26日 時間：12:00至20:00 地點：和富WORFU G/F 中庭
年宵市集2025 | 18. YM² X Market Fairish X 糯米糍賞花。新春好市
市集將雲集不同以花藝及新春為主題嘅攤位，有近40個以「花藝」、「花之手作」、「花之食品」為主題嘅文創品銷售攤位，亦有植物彩繪作品展覽卡位。
【INFO】
《YM² X Market Fairish X 糯米糍 賞花。新春好市》
日期：2025年1月23至1月28日
時間：12:00至22:00
地點：觀塘YM² 裕民坊L1 中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
