故宮博物館展覽 | 放假嘅時候又多一個好去處啦！故宮推出新展覽，以紋樣為主題，帶大家參觀全新沉浸式數字體驗展！即刻入內文睇詳情啦。
圖片來源：官方圖片 | 撰文：Hedy
香港故宮文化博物館推出全新展覽「『紋』以載道——故宮博物院沉浸式數字體驗展」，首個以故宮藏品紋樣為主題嘅多媒體專題展覽，用最新嘅科技同數碼技術，展現故宮古建築、陶瓷、家具、織繡上形式多樣且寓意豐富嘅紋樣藝術！
故宮博物館展覽 | 7大主題區
當大家行入故宮，都會見到無論喺宮殿建築嘅屋簷、牆面以及門窗上，都隨處可見精巧嘅紋樣圖案。而今次嘅展覽就係透過科技以及光影，帶大家沉浸式體驗7大主題區，享受被唔同紋樣包圍嘅感覺！
主題區 | 1. 流光溢彩
沉浸式體驗瓷器紋飾中飛龍騰雲、纏枝花開、海浪起伏等！紋樣會隨著你嘅腳步同動作產生變化～
主題區 | 2. 紋法自然
大家只要行近唔同嘅盆栽又或者係陶瓷文物，輕揮動手臂，感受古人「觀物取象」嘅造紋智慧。
主題區 | 3. 巧思成紋
通過互動觸法600件故宮文物中嘅同類紋飾珍寶，了解更多故宮文物！
主題區 | 4. 錦繡紋章
喺紗幕面前，織繡類文物嘅圖案喺數位光影中重生為動態畫卷。每一格都詮釋著「圖必有意，意必吉祥」嘅東方美學。
主題區 | 5. 紋彩藻飾
大家仲可以喺入面觀賞到太和殿、千秋亭等建築嘅藻井紋樣與現代科技結合，化作旋轉星圖！
主題區 | 6. 紋窗弄影
漫步喺故宮紅牆廊道入面，一齊感受四季光影同建築美學！
主題區 | 7. 古紋新生
觀眾更可以喺展區嘅互動屏幕上面創作出專屬嘅紋樣！
【INFO】 《「『紋』以載道——故宮博物院沉浸式數字體驗展」》 日期：即日起至2025年10月13日 時間：星期一、三、四及日：上午10:00至下午6:00； 星期五、六及公眾假期：上午10:00至晚上8:00； 星期二 (公眾假期除外) 地點：香港故宮文化博物館展廳7 票價：展廳1–7：港幣$90（彈性時段門票） / 港幣$70（指定時段門票） 立即購票：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
