香港 情侶工作坊｜平時拍拖唔係行商場就睇戲有啲悶？有冇諗過可以同另一半去參加本地嘅工作坊呢～有時間去玩吓工作坊，除咗可以陶冶性情外，仲可以培養多一種興趣，見識多啲。今次就為大家精選5個不同種類嘅 情侶工作坊 ，包括陶藝拉坯、霓虹燈、皮革小物、手錶工作坊，同埋戒指金工。過時過節諗唔到買咩禮物，都可以帶埋男女朋友一齊去！就算係同朋友或屋企人去都無問題㗎～
圖片來源：官方圖片｜撰文：Athena
情侶工作坊 1. 陶藝拉坯@HOH STUDIO
講起整陶瓷，大家可能會諗起電影《人鬼情未了》，男主角從後抱住女主角一齊整陶瓷嘅經典畫面，超浪漫！第一次同男女朋友去工作坊，陶藝拉坯都係一個唔錯嘅選擇。親眼望住陶泥經過你哋兩雙手，慢慢拉坯／手捏成為理想嘅形狀，最後成為實用又好睇嘅陶瓷，真係會好有成功感。初次接觸陶藝嘅你，可以選擇兩小時拉柸體驗班，感受一下拉柸嘅樂趣，二人同行仲有優惠！HOH STUDIO嘅上堂時間可以自由選擇，因應學員能力提供短期及長期課程，創作其個人獨有嘅手作陶瓷。大家不妨去透過你哋嘅兩雙巧手，打造出富有溫度嘅禮物啦！
工作坊方案：
【INFO】 HOH STUDIO 地址：九龍觀塘成業工業大廈 HOH Square 1028室 及 HOH Workshop 1414室 營業時間： 星期二至四 15:00 - 22:30 星期五 16:00 - 21:30 星期六至日 12:00 - 18:00 WhatsApp：6461 6433 傳送門：https://www.hohceramicstudio.com/hohworkshop
情侶工作坊 2. 霓虹燈@Myosotis Flower
近年唔少霓虹燈招牌都被要求拆卸，便開始有越嚟越多人關注及珍惜霓虹燈。本地霓虹燈小店Myosotis Flower嘅工作坊，可以自選顏色及文字，製作有獨特意義嘅小巧別緻霓虹燈擺設。快啲約埋男女朋友一齊去，製造屬於你哋嘅個人回憶啦，充滿本地色彩之餘又甜蜜！而且Myosotis Flower嘅店舖內仲有好靚嘅小燈飾同小帳篷，做完仲可以喺嗰度影返張相留念～
除咗霓虹燈工作坊之外，小店仲提供乾花製作工作坊、毛冷畫工作坊及馬賽克工作坊，有興趣嘅話都可以撳入官網睇吓㗎！
工作坊方案：
| 單色輕便款 |
雙色畫板款 |
2色亞加力膠板款 |
迷你蛋糕插牌款 |
|
| 需時 | 2小時 | 2.5小時 | 3小時 | 2小時 |
| 價錢 | $299 (原價$399） | $438 (原價$588，二人完成一個$638) | $478 (原價$599，如兩人共完一件成品$668) | $366 (如加配盆栽 另加$249) |
單色輕便款 （只有燈線 方便拎出街影相)
需時：2小時
價錢：$299 （原價$399）
雙色畫板款 （配30*40/30*20畫板 方便掛牆/收藏)
需時：2.5小時
價格：$438 （原價$588，二人完成一個$638）
2色亞加力膠板款 （配40*30cm/30*20cm膠板）
需時：3小時
價錢：$478（原價$599，如兩人共完一件成品$668）
迷你蛋糕插牌款 （配15*15cm圓形亞加力牌) 只有插牌，唔包盆栽
需時：2小時
價錢：$366 （如加配盆栽 另加$249）
【INFO】
Myosotis Flower
地址：九龍觀塘偉業街221號美德工業大廈B座6樓6B 3室
營業時間：星期一至日 10:00 - 22:00
WhatsApp：6371 8663
傳送門：https://www.myosotisflower.com/
情侶工作坊 3. 皮革小物@Longisland Leather
如果想自製皮革，喺屋企自己整要買齊裝備都唔平㗎，最好就係參加工作坊，有齊全嘅工具，又有專業人士指導就更安全！本地專業皮革工作坊小店Longisland Leather，提供週末小班工作坊，由經驗豐富嘅導師教授，自然更加得心應手。課程提供基本嘅皮革工藝知識，包括皮革材料處理、皮革手工縫製技術，同埋皮革良好保養方法嘅知識。
Longisland Leather提供多個皮革小物課程，包括鎖匙扣、卡片套、短銀包、Airpod 套、證件套等。皮具整好之後就會你同另一半嘅貼身物品，每次用嘅時候自然就會諗起對方啦！週末想留喺室內玩吓嘅話，不妨同情侶一齊去整吓皮革啦！
【INFO】
Longisland Leather
地址：葵興星星中心
WhatsApp：6531 5411
傳送門：https://www.longislandleather.store/zh-hant/
情侶工作坊 4. 手錶工作坊@Watchmake Factory
Watchmake Factory係首個將手錶工作坊帶到香港嘅企業，亦係全球首個機械錶工作坊。全店使用日本製機械機芯，有數以百計金屬浮雕刻度，同時可刻上雙方嘅名字、英文字母及圖案、繪本風花藝及星空設計，選擇種類繁多，保證啱你風格。
Watchmake製錶師會帶領客人一同製作，即使係完全冇手作經驗嘅你都可以輕鬆完成手錶。同伴侶一齊親手製作世上獨一無二嘅手錶，一同珍惜兩個人相處嘅時光，把握當下每一秒，十分浪漫～快啲報名，同伴侶製作一份實用又有心意嘅禮物啦！
除咗可以親臨DIY工作坊，面對面跟製錶師學習點樣製作手錶外，亦可以選擇安在家中，同製錶師以視像教學方式一齊設計手錶，製作完成後Watchmake會寄到你嘅手上，更加方便。
【INFO】
Watch Make Factory
地址：九龍旺角通菜街1A-1L號威達商業大廈13樓4室
營業時間：
星期一至五 14:00 - 22:00
星期六至日 14:00 - 16:00
WhatsApp：6247 7773
傳送門：https://watchmakefactory.com/
情侶工作坊 5. 戒指金工@PLAYBACK CONCEPT
想同另一半擁有一對獨一無二嘅情侶戒指？自己落手整就更加有心思啦！本地金工品牌PLAYBACK CONCEPT提供嘅金工工作坊有多款選擇，包括情侶戒指、婚戒/金戒、求婚鑽戒、情侶手鈪、純錫清酒杯，以及金屬器物，而且每種都有唔同款式可以揀，總有一款啱你風格。
戒指除咗求婚或訂婚之外，亦可作為裝飾品，營造個人風格。情侶戒指或手鈪工作坊，會係專業指導一對二教學。導師會於當日確定其粗幼與尺寸。過程會由一條金屬原料開始，然後由客人親手切割、焊接、打磨、錘敲紋理、刻字、塑形、拋光。客人可於製成品上免費刻字，親手鎚打你嘅專屬字句。最後就可以帶走屬於你哋嘅獨特作品啦！
其他器物工作坊包括純錫清酒杯、純錫鑄碟及黃銅器物，課程主要教授三種技術：鍛敲、鑄造和銅染。就算唔係情侶，都可以帶埋朋友或自己嚟玩吓，接觸金工技藝。
【INFO】 PLAYBACK CONCEPT 門市地址：中環PMQ S212 工作室地址：中環閣麟街18號 營業時間：星期二至日 12:00 - 19:30 WhatsApp：5281 8395 傳送門：https://playbackhk.com
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
