自從無得出國旅行，大家嘅假日活動不外乎都係行街、睇戲、食飯、打卡，想活動下身體玩得刺激d，其實可以約埋朋友一齊去超巨型戶外歷奇公園挑戰下自己！最近位於大埔林村嘅「香港青年獎勵計劃賽馬會愛丁堡公爵訓練營」經過翻新後重開，場地比過去擴增接近5倍，訓練營更主打10大團體活動，無論係同fd去定帶小朋友去玩都一樣得，有興趣想知道更多活動詳情同收費記得睇到最後啦！
圖片來源：ayp.org.hk｜撰文：Candice
大埔超刺激歷奇公園挑戰自我！10多款玩樂設施等你黎玩
講到訓練營，各位運動健兒又點可以錯過佢哋嘅10大團體訓練活動呢！黎到呢度一定要玩全港首個4人團隊挑戰嘅繩網陣，除左夠曬挑戰性之餘，大家可以係林村嘅風景下，享受高結構繩網陣嘅刺激同樂趣！就算參加者無玩過都唔洗擔心，訓練營會有專業嘅指導幫助大家挑戰自己或協助隊友一起渡過難關～
除左繩網陣之外，訓練營翻新後亦更加左14呎高空繩網、高牆游繩下降、全天候8大關卡繩網、攀石活動、攻防箭、智能定向同廚藝烹飪課程等等，致力以多元化嘅歷奇設備考驗參加者體力同團體合作精神！
大埔新型歷奇訓練！融合AR+STEM元素 帶黎全新高科技體驗活動
唔好以為場地只有傳統嘅體驗活動啊，其實訓練營亦新有多項高科技互動式體驗遊戲，例如係擴增實境AR攀石、HADO AR閃避球等等。可以比大家打破傳統玩法，透過結合光影技術同STEM元素，令參加者好似置身係電競世界入面一樣！
至於住宿方面，訓練營亦有多種房型提供，無論係2個人定一家人黎都可以，房間寬闊又企理，頓時有種翻翻去中學時代入camp嘅青春感！重建後嘅客房數量更是擴建了超過2倍，設2至4人家庭客房，及適合18至26人的團體客房，分成日營及黃昏營，客人亦可以選擇加入早、午、晚餐，期間同樣能租用禮堂等團體活動空間，一家大細或三五知己前來好好遠離煩囂，放鬆心情就最適合不過了。
活動收費以每節半小時至2小時作準，參加人數規定在4至20人不等，部分設施限制在12歲以上人士才能參與，有興趣嘅朋友不妨望望以下收費詳情！
【INFO】
地址： 新界大埔林村坑下莆90號
預定網址 ：按此
電話： (852) 2627 2000
傳真： (852) 2627 0700
辦公時間：09:00-17:00
電郵： campservice@ayp.org.hk
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
