相信唔少人細細個一定睇美人魚嘅故事，女士甚至會幻想自己可以變成一尾美人魚，喺海洋裡面自由自在咁暢游！各位女士們嘅夢境終於可以成真喇，香港終於可以體驗做美人魚嘅滋味，只需要著住美人魚尾巴，跳落泳池，就可以化身成人魚公主！課程入面仲有專業嘅水底攝影師幫大家瘋狂打卡，捕捉大家喺水入面唔同嘅姿態，就算唔識游水都唔使怕，一樣玩得！
圖片來源：Holimood｜撰文：Sharon
個個都可以做人魚公主 超新鮮水上活動
最近天氣咁炎熱，最適宜參與水上活動嚟消暑，大部分人都會選擇去海灘或者泳池游下水，如果厭太悶，想揾啲新意思玩吓，不妨可以考慮呢個美人魚體驗課程。呢個課程唔分性別、身高、體重，只要你係16歲或以上，就算唔識游水都一樣可以參加！
呢個美人魚體驗課程可以令大家掌握喺水入面嘅基本技能，參加者會著上教練提供嘅魚鱗褲，喺池邊學習擺動魚尾，熟練點操用美人魚尾巴，變成一個真正嘅美人魚。
除咗基本技巧，教練仲會教大家做唔同嘅動作，例如比愛心。美人魚體驗課程由MFI 國際認證嘅人魚教練作教學，大家就可以玩得開心又放心！
學識咗點樣成為美人魚，最重要當然係要影相留念喇！成個過程會有專業嘅水底攝影師幫大家影相同拍片，捕捉最靚嘅一刻，各位美人魚們無論係坐喺池邊定喺水底影相一樣咁靚！有興趣就快啲約埋閨密，今個夏天去試下呢個新體驗喇！
【INFO】
美人魚喚醒體驗課程
上課地點︰將軍澳 (獅子會 青年會將軍澳青年營泳池）或何文田 (何文田 KGV 泳池)
費用︰850港元/3小時（包含專業教練指導、教材、證照、裝備租借、場地費用、魚皮體驗）
詳情：＞立即預約＜
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
