夜繽紛 | 香港政府早前推出各項「香港夜繽紛」活動，宣揚香港晚間嘅魅力。為咗響應活動，多個博物館都舉行唔同晚間節目以及延長開放時間，啱晒一家大小食飽飯後帶埋小朋友去參觀。小編為大家集合咗5大博物館夜間活動詳情，想了解有咩博物館精彩節目，就睇埋落去啦！
圖片來源：香港科學館、香港藝術館、香港太空館、M+博物館、大館、Facebook @Dragonfly｜撰文：Icy
夜繽紛 | 博物館夜間活動1 – 香港科學館
相信好多小朋友都鍾意去科學館，既可以學習新事物又有得玩，係小朋友嘅No.1放電之選。而香港科學館日前宣布由9月29日至11月26日，逢星期五、六、日及公眾假期嘅開放時間會延長至晚上10時，夜晚食完飯就可以一家大小去玩喇！
喺延長開放期間，逢星期六晚7時至9時，科學館仲會舉辦「科普遊樂園」活動。小朋友可以透過各個攤位遊戲，進行科學小實驗同製作趣味科學小手工，寓學習於娛樂，提升對於科學嘅好奇心！
【INFO】 香港科學館 地址：香港九龍尖沙咀東部科學館道二號 時間：9月29日至11月26日，逢星期五、六、日及公眾假期 10:00-22:00 「科普遊樂園」活動詳情：按此了解更多 官方網站：香港科學館
夜繽紛 | 博物館夜間活動2 – 香港藝術館
位於尖沙咀海旁嘅香港藝術館，日前亦宣布由9月29日至11月26日，逢星期五、六、日及公眾假期嘅開放時間會延長至晚上10時。而每逢星期六晚上仲會舉辦「浪漫光影遊樂園」快閃電影院，播放連場香港經典愛情電影，無論你一個人定係同心愛嘅人一齊，都可以免費感受浪漫氣氛～
另外大家可以一併參觀「情書——跨越虛白時空的不朽情懷」展覽，以情書為概念，展出29組精選虛白齋藏品，感受蘊藏喺中國書畫中嘅情感。而香港藝術家曾建華亦為呢個展覽創作出大型錄像投影裝置《寒江──在此與那之間》，為大家提供沉浸式藝術體驗，參觀完就順便去維港海旁散步，度過一個甜蜜嘅晚上！
【INFO】 香港藝術館 地址：香港九龍尖沙咀梳士巴利道10號 時間：9月29日至11月26日，逢星期五、六、日及公眾假期 10:00-22:00 「浪漫光影遊樂園」節目詳情：按此了解更多 「情書——跨越虛白時空的不朽情懷」展覽詳情：按此了解更多 官方網站：香港藝術館
夜繽紛 | 博物館夜間活動3 – 香港太空館
為咗積極響應「香港夜繽紛」活動，香港太空館亦會從9月29日至11月26日，逢星期五、六、日及公眾假期延長開放至晚上10時。每逢星期六，太空館更加會化身成「星空遊樂園」，等入場人士可以喺天台免費使用天文望遠鏡，觀賞維港上嘅星光。
另外大家可以喺展覽廳參與遊戲，認識天文知識，或者免費參與其他晚間特別活動。例如11月7日舉辦嘅「天象廳幕後遊」，利用直徑達23米嘅半球型銀幕，配備數碼天象投影系統同音響設備，讓大家了解天象廳節目製作過程，仲有機會體驗配音工作添！
【INFO】 香港太空館 地址：香港九龍尖沙咀梳士巴利道10號 時間：9月29日至11月26日，逢星期五、六、日及公眾假期 10:00-22:00 「星空遊樂園」活動詳情：按此了解更多 「天象廳幕後遊」活動詳情：按此了解更多 官方網站：香港太空館
夜繽紛 | 博物館夜間活動4 – 西九文化區M+博物館
近年來西九文化區成為唔少香港人假日消遣嘅好去處，當中M+博物館逢星期五都會開放至晚上10時。嚟緊10月6日就會舉行「M+夜不同：潮流創造者」活動，透過特別展覽「宋懷桂：藝術先鋒與時尚教母」，讓大家認識宋懷桂為藝術同中國時裝界帶來嘅正面影響。大家可於當晚到G層及B1層參加各項免費活動，例如創意工作坊、講座、二胡音樂表演等等。
而10月6至8日晚上8點半，附近嘅自由空間亦會舉辦「自由爵士音樂節：留白Livehouse」，每晚邀請唔同範疇嘅音樂人同音樂單位進行講座或演出，大家可以坐喺對開草地，一邊淺酌一杯，一邊欣賞免費節目，同親朋好友度過愜意晚上！
【INFO】 西九文化區M+博物館 地址：香港九龍尖沙咀梳士巴利道10號 時間：星期二至四及週末 10:00–18:00/逢星期五 10:00–22:00 「M+夜不同：潮流創造者」活動詳情：按此了解更多 「自由爵士音樂節：留白Livehouse」節目詳情：按此了解更多 官方網站：M+博物館
夜繽紛 | 博物館夜間活動5 – 大館
大館係集古蹟及藝術館於一身嘅古典建築群，除咗讓參觀者了解法院同監獄歷史外，仲匯聚多間特色食店，開張至晚上時間，例如Botanical Garden、Behind Bars、Armoury Terrace、法國巴黎小館、Dragonfly等等，部份更會提供Happy Hour優惠，啱晒一班夜鬼去聚會！
大館會定期舉行特別展覽同節目，就算晚上都可以去參觀，例如攝影展《暫時的夜景和熒幕家鄉》，將外傭嘅手機相片同視頻通話截圖組合成拼貼，了解外傭喺異地打拼嘅生活片段。
【INFO】 大館 地址：香港中環荷李活道10號 時間：星期一至日 08:00–23:00 《暫時的夜景和熒幕家鄉》展覽詳情：按此了解更多 官方網站：大館
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
