史迪仔海港城 | 各位史迪仔嘅粉絲必去！海港城與香港迪士尼攜手，舉辦「史迪仔亂入海港城！！！ 」主題活動，商場除咗有5大打卡位之外，仲有全港獨有嘅《史迪仔》期間限定店，想知有咩買，就即刻入內文睇更多啦！
圖片來源：官方圖片、SAUCE編輯部 | 撰文：Hedy
可愛又百厭嘅史迪仔亂入海港城同大家見面，海運大廈露天廣場搖身一變成為充滿熱帶風情嘅夏威夷海灘，當中仲設有3米高超萌史迪仔現身，大家更可以同佢一齊喺維港海傍衝浪！行過隔離仲會見到「乘風破浪嘅史迪仔」，同大家一齊展開嬉水之旅！而喺沙灘末端就有2米高史迪仔頭像沙雕等緊大家一齊打卡～除咗打卡位之外，每個星期六日及公眾假期，大家都可以捐款$20獲得特別版「StitchArrives!!!泡泡棒」一枝！
【INFO】
「史迪仔ALOHA沙灘」
日期：2025年5月1日至6月15日
時間：10:00至22:00
地點：海運大廈露天廣場
史迪仔海港城 | 7米高祈願系列巨型史迪仔WISHER
除咗海運大廈露天廣場之外，海運觀點亦有「URDU WISHER：祈願之旅」再次登陸海港城，7米高祈願系列巨型史迪仔WISHER將首度登場，超可愛！
【INFO】 《URDU WISHER：祈願之旅—史迪仔》 日期：2025年5月1日至6月8日 時間：10:00至22:00 地點：海運觀點
史迪仔海港城 |「HULA衝浪小店」
「HULA衝浪小店」空降港威商場廣東道入口，將夏威夷海灘嘅衝浪小店瞬間搬到鬧市。草屋造型嘅小店佈滿熱帶植物，牆壁掛上搶眼嘅滑浪板，而史迪仔正擺出萌爆歪頭姿勢，懶洋洋地坐喺滑浪板上！
【INFO】 《「HULA衝浪小店」》 日期：2025年5月1日至6月15日 時間：10:00至22:00 地點：港威商場廣東道入口(近G101號舖Giorgio Armani)
史迪仔海港城 | 史迪仔主題期間限定店
鍾意史迪仔嘅粉絲就一定要去以史迪仔為主題嘅期間限定店！當中將會有超過800款主題精品，包括首次公開發售嘅祈願系列史迪仔、《LILO & STITCH》電影限定款URDU 7吋站姿公仔、URDU 迪士尼系列收藏卡2史迪仔、URDU福部屋迪士尼系列招財貓及達摩毛絨掛飾，以及Hot Toys 史迪仔 Live Action Cosbaby等，其中多款更係會場限定產品，粉絲們必入手！另外SNAPIO更獨家帶嚟《史迪仔》主題「高炒」自拍房及即影即有照相站，等大家都可以影時下最流行嘅韓式風格相！
【INFO】 《史迪仔主題期間限定店》 日期：2025年5月1日至6月15日 時間：10:00至20:00 地點：海運大廈展覽大堂
史迪仔海港城 | OHANA手作基地
OHANA手作基地有多項適合小朋友參加嘅活動，當中包括：
- 史迪仔追蹤送禮
只需要追蹤海港城任何一個官方社交帳號，並喺個人社交平台貼文分享「史迪仔亂入海港城！！！」活動相片及標註@HarbourCity，即可得到超可愛史迪仔小遊戲工作紙一張。
- 史迪仔假日手作時光
每逢星期六、日及公眾假期，只需捐款HK$50，大人及小朋友就可參加夏威夷主題DIY工作坊一節，製作兩款充滿夏威夷風情嘅史迪仔主題勞作及配飾。(名額有限，額滿即止）
- 史迪仔週日彩繪體驗
每逢星期日更會有彩繪體驗，只需捐款HK$50或於「史迪仔主題期間限定店」即日消費滿HK$300，就可免費參與一次。
【INFO】 《OHANA手作基地》 日期：即日起至2025年6月15日 時間：12:00至20:00 地點：海運大廈地下中庭
史迪仔海港城 | 史迪仔見面會
除咗打卡位之外，史迪仔更會喺母親節（5月11日）當日舉行見面會，更會到沙雕前同大家近距離互動！海運大廈地下中庭同時設有一系列夏威夷主題工作坊，歡迎大小朋友一起來體驗。活動所得收益扣除部分成本後將撥捐予「願望成真基金」。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
