全港首間AI主題室內兒童遊樂場「Ganarova星際特工 AI 訓練營」喺荔枝角Aeon正式開幕！Ganarova係一間集AI科技、兒童教育及娛樂於一身嘅室內兒童遊樂場，喺呢度可以激活小朋友嘅世界探知精神！場內設有6大挑戰區域，參加者將化身「星際小特工」喺各互動遊戲區域內參與各種任務，非常刺激！即睇內文了解詳情！

圖片來源：官方圖片｜撰文：Sharon 

Ganarova AI 遊樂場內設6大挑戰區域，包括「4D 虛擬星際激戰區」、「宇宙能量訓練營」、「人工智能裝備庫」、「太空無重力世界」、「AI 星際競技場」及「數碼奇幻星球」。

「Ganarova星際特工 AI 訓練營」。（圖片來源：官方圖片）

喺「4D 虛擬星際激戰區」小朋友可以透過虛擬實境技術認識太陽系嘅行星，再同隊友合力拍打投影怪獸，解救太陽系；得分愈高，反映參加者嘅反應能力愈強！想提升身體靈敏度嘅你，可以玩「宇宙能量訓練營」，配戴手帶感應器，齊齊進入訓練營進行尋寶遊戲！

「宇宙能量訓練營」。（圖片來源：官方圖片）
透過 AI生成主題，根據小朋友年齡及能力回答世界常識問題，以提升智力值。（圖片來源：官方圖片）
一邊彈跳一邊拍打牆上嘅感應燈，提升靈巧值！（圖片來源：官方圖片）
「人工智能裝備庫」。（圖片來源：官方圖片）
「太空無重力世界」。（圖片來源：官方圖片）

如果想體驗成為太空人嘅滋味，可以嚟到「太空無重力世界」，星際小特工可透過跳彈床體驗太空嘅失重環境，一邊彈跳一邊拍打牆上嘅感應燈，提升靈巧值，絕對係放電之選！另外，當然唔少得大型波波池及投影滑梯畀大家玩啦！呢個weekened，各位父母快啲小朋友嚟放電啦～

大人同小朋友都玩得！（圖片來源：官方圖片）
投影滑梯。（圖片來源：官方圖片）
小朋友最愛嘅波波池！（圖片來源：官方圖片）
「數碼奇幻星球」
【INFO】
《Ganarova 星際特工 AI 訓練營」》
地點：九龍深盛路 8 號碧海藍天 AEON 荔枝角店1樓
場次：11:00、12:45、14:30、16:15 及 18:00（每日5場，每場1小時15分鐘）
票價：
星期一至五：$158（包一位3至12歲小童及一位成人入場，連一對防滑襪）
星期六、日及公眾假期：$188（包一位3至12歲小童及一位成人入場，連一對防滑襪）
額外成人入場門票：$80
門票預訂：https://bit.ly/408TjB3 
（圖片來源：官方圖片）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk