【 港鐵優惠 】為慶祝機場快綫25周年，港鐵推出多項慶祝優惠同活動！當中最吸引一定係港鐵送出75,000張機場快綫單程車票，大家可於MTR Mobile參加「搶免費機場快綫車票」嘅網上活動！另外仲有港鐵車站商店電子優惠券送畀大家，想知道點先拎到就要繼續睇內文喇！
圖片來源：官方圖片｜撰文：Sharon
活動一：搶75,000張免費機場快綫車票
港鐵送出 75,000 張機場快綫單程車票，於7月11日、18日及25日，MTR Mobile 登記用戶可參加「搶免費機場快綫車票」嘅網上活動。活動當日中午12點起，大家可以透過MTR Mobile內的「我的優惠」，以先到先得形式領取免費機場快綫電子優惠券（價值高達$110）！每日送出25,000張免費單程車票，總值高達HK$825萬！優惠碼將會加入到「我的獎賞」內「禮品>有效」頁面，只要透過MTR Mobile或港鐵網站輸入優惠碼，即可免費換領機場快綫成人或小童單程票一張，可以喺香港站、九龍站或青衣站出發，車票須於換領日起92天內使用，啱晒準備離港去乘搭機場快綫嘅你！記得Call齊身邊嘅朋友齊齊搶飛！
活動二：搶25,000張HK$10港鐵車站商店電子優惠券
港鐵車站商店送出25,000張HK$10港鐵車站商店電子優惠券！MTR Mobile 登記用戶於8月1日可可參加「搶HK$10港鐵車站商店電子優惠券」嘅網上活動。活動當日中午12點起，過MTR Mobile內的「我的優惠」，以先到先得形式領取電子優惠券！電子優惠券適用於機場快綫及東涌綫內的指定車站商店，購物滿HK$50即享減HK$10優惠！成功領取電子優惠券後24 小時內，將加入到MTR Mobile賬戶「我的獎賞」 內嘅「禮品>有效」頁面，只要打開電子優惠券，並掃描商戶提供嘅專屬二維碼，即可享優惠！
活動三：機場快綫25周年主題列車
為慶祝機場快綫25周年，由即日起至12月31日特設主題列車，列車上有可愛嘅機鐵仔及周年慶祝圖案，歡迎大家打卡啊！
香港站開出的班次*時間表：
06:10, 06:40, 07:20, 07:50, 08:30, 09:00, 09:40, 10:10, 10:50, 11:20,
12:00, 12:30, 13:10, 13:40, 14:20, 14:50, 15:30, 16:00, 16:40, 17:10
活動四：派限量版紀念襟章
7月14日、7月28日及8月11日機鐵仔將快閃現身機場快綫九龍站、 青衣站及香港站，大派25周年限量版紀念襟章！每個車站派發嘅襟章都唔同，數量有限， 送完即止！你哋都快啲嚟儲齊一套啦！
活動五：購買機鐵仔毛公仔
由即日起大家可以喺港鐵網上商店購買「機鐵仔毛公仔」，售價為HK$128。MTR Mobile登記用戶更可由即日起至7月17日，登入MTR Mobile港鐵網上商店，更可以優惠價HK$115購買機鐵仔毛公仔及賺取MTR分添！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
