優獸大都會2 | 今個月底將會上映迪士尼超人氣動畫《優獸大都會2》，而香港都有打卡位！阿力Nick與朱迪Judy聯同一班新舊朋友以1:1 人偶造型設計現身同慶，重現電影場景！仲有4.8米高聖誕樹同埋居民證換領等等，即刻入內文睇詳情喇！
圖片來源：官方圖片 | 撰文：Hedy
銅鑼灣時代廣場將會由即日起至2026年1月4日期間，以迪士尼超人氣動畫《優獸大都會2》為主題，為大家打造出《Zootopia 2: Zoo-tastic Celebration》，成個商場由上至下都被動物角色佔據。入口巨型「Welcome to Zootopia 2」標誌燈光閃爍，邀請大家一齊行入「優獸市」！而喺掛滿燈飾嘅「中央車站」，帶大家探索優獸列車，除咗有標準車門之外，仲有特設嘅「小動物專用小門」，超可愛！行入車廂就見到全新角色大蛇基仔Gary及短尾矮袋鼠治療師毛臣臣醫生Dr.Fuzzby，還有牛仔裝束蜥蜴蘇哥Jesús，陪你近距離打卡互動！
優獸大都會2 | 沼澤市場Marsh Market
一離開車站之後對面就會係《優獸大都會2》入面全新登場嘅「沼澤市場Marsh Market」！海象水管工人海哥Russ同哨牙海狸麥狸寶Nibbles已經喺度迎接你！沼澤市場招牌旁嘅復古小屋化身紋身店，大家可於指定日子（2025年11月22日、29日及12月6日、13日、20日、25日、26日、27日、31日）參與「優獸市」最新彩繪活動。Team Times會員於活動當日在2/F客戶服務部即場捐款HK$50或以上予香港公益金，即可換領彩繪體驗一次*，記得去畫上你鍾意嘅角色喇～
優獸大都會2 | 4.8米高聖誕樹
喺市中心嘅巴士站，於閃爍燈飾及可愛波波樹嘅映襯下，見到樹懶阿閃Flash正企喺度等巴士，而朱迪就喺小警車旁巡邏。而隔離仲有一棵4.8米高嘅聖誕樹，聖誕樹上面掛滿角色造型掛飾，樹下就有一堆禮物盒。隔離仲有自拍嘅警官賓治Clawhauser，佢手上嘅手機特設鏡面設計，準備和大家多角度一同自拍打卡！喺地下影完之後，就可以上二樓中庭繼續優獸市之旅。聖誕樹掛滿冬甩與雪條裝飾，繽紛奪目、節日感滿載！一眾優獸市居民聚首一堂，包括女警朱迪、狐狸阿力、樹懶阿閃、新任馬市長Winddancer、羚羊天后嘉西bb、警官賓治、局長保哥Chief Bogo、哨牙海狸麥狸寶等，正興高采烈地進行聖誕購物，為摯愛揀選窩心禮物。
優獸大都會2 | 優獸市居民證
時代廣場化身優獸市嘅節日舞台，帶嚟一連串豐富好玩嘅互動體驗同遊戲。而第一步就一定要攞領取象徵身份嘅「居民證」。只需登記成為時代廣場Team Times會員，並於指定地點捐款 HK$20 或以上予香港公益金，即可換領一張「優獸市居民證」明信片。居民證備有多款尺寸，代表不同大小的動物，任你自由選擇。成功換領之後就可以喺13樓印章處，為你嘅居民證蓋上專屬紀念印章。之後就可以變成明信片，投入地面露天廣場聖誕樹旁嘅郵筒中相應大小嘅投信口，咁就可以免費寄送至本地目的地！
-
頭飾工作坊
作為派對動物嘅你，快快戴上頭飾點亮你嘅節日造型！ Zoo-tastic Celebration喺指定日子舉辦頭飾工作坊，可製作專屬你嘅Zootopia主題頭飾，化身色彩繽紛的兔仔、狐狸、或長頸鹿造型。跟上最新FruShion潮流，於派對上大放異彩！
日期：2025年12月7日、14日、21日、28日
參加方法：於時代廣場eShop購買門票，詳情請留意時代廣場Instagram的公佈。
-
解謎任務：協助朱迪解開謎團
嘉西bb即將登場嘅演唱會備受全城期待，但竟然唔見咗最重要嘅嘢？！由於朱迪正忙於追查基仔嘅事，所以需要大家幫手尋找失物！充滿正義感嘅你記得喺5樓換領專櫃領取任務卡，跟住線索探索時代廣場解開謎題，幫手搵返失蹤物品。完成任務卡上的所有任務後，即可免費換領一份限量禮品。
第一階段日期：2025年11月18日至12月12日
第二階段日期：2025年12月13日至2026年1月4日
換領時間：中午12時至晚上10時
換領地點：銅鑼灣時代廣場5樓換領專櫃
【INFO】
《Disney’s “Zootopia 2: Zoo-tastic Celebration》
日期：即日起至2026年1月4日
時間：10:00至22:00
地點：銅鑼灣時代廣場露天廣場及2樓中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
