成日去酒店Staycation覺得冇新意，想去露營但又厭麻煩，不如諗諗露營車呢！露營車有齊床鋪、冷暖氣機、獨立洗手間等設備，無論係2個人定6個人都可以入住，仲畀一個機會大家遠離市區，好好放假放鬆！一齊睇下小編有咩推薦啦～
圖片來源：Holimood｜撰文：Sharon
二人之選：JK Club 貝澳小型露營車
適合2人嘅露營車，由東涌坐30分鐘車程就可以到達JK Club營地！露營車內備有床鋪、冷暖氣機、獨立洗手間同冷熱水淋浴等，大家只需要帶少量行李就可以入住～ 營地有養牧羊同小白兔等小動物同自家有機農場，畀大家嚟露營之餘仲可以親親大自然，另外JK Club隔嚟仲有「港版天空之鏡」之稱嘅貝澳沙灘，同好姐妹或者另一半嚟感受外國風嘅露營體驗都係一個唔錯嘅選擇！
另外，大家可以向營地租借燒烤爐，享受BBQ之樂！同時都非常歡迎各位主人帶埋自己嘅愛犬一齊嚟！
露營車內環境～
【INFO】
JK Club 貝澳小型露營車（2人）
費用：HKD1,399（星期一至四）、HKD1,699（星期五、周末、公眾假期及公眾假期前夕）
三人之選：小型露營車連水上活動套票
三人行都唔使怕其中一個會被忽略啦！如果三個人都想去露營，小型露營車連水上活動套票就啱晒大家喇，營地附近嘅沙灘係「全港最長沙灘」之稱嘅下長沙海灘，購買套票後大家仲可以享用營區內多款水上活動設備，包括獨木舟、人體衝浪板、初級軟身滑浪板同直立板等，仲以可以以優惠價租借滑浪風帆 、淺水衝浪板（沙板）同（硬身）高級滑浪板等水上活動用具！除咗水上活動外營區，更有桌球台同遊玩滑梯設施畀大人同小朋友玩～
呢度仲可以帶埋寵物一齊嚟玩，不過要額外收費，每隻/每晚為HKD100，寵物可以瞓喺帳篷及露營車嘅地板上，主人亦必須自備寵物睡墊。
當然唔少得租用炭燒烤設施，仲可以升級精選燒烤晚餐，包括鹽燒厚切牛扒、雞翼、蜜汁豬仔骨、雞肉腸同海鮮類多春魚同青口等都有得食！
【INFO】
小型露營車連水上活動套票收費 (3人)
費用：HKD1,599（星期日至五）、HKD1,999（星期六、公眾假期及公眾假期前夕）
*如有小童入住，請於預訂時備註
四人之選：Park Nature英式露營車
最多可以容納4人，比較適合家庭使用～營地附近係南生圍同香港濕地公園，適合戶外活動，提供足球、羽毛球、彈床及小型水池畀客人使用，咁大家可以一邊露營、一邊感受大自然氣息！另外，營車方面，車內有一個超大化妝鏡同洗手台，乾濕分離淋浴間，仲有酒店式嘅馬桶。客廳都可以改為疏化床使用，瞓多兩個人無難度啊！
場內亦有單車租用，鍾意做運動、踩單車嘅你哋點可以錯過！
詳情：
- 單車租金四小時 $70；全日 $100，超時額外收每小時$10
- 營業時間：上午 9:30 至晚上10:30，需於晚上11時前還車
【INFO】
Park Nature英式露營車（4人）
費用：HKD2,199（星期一至四）、HKD2,699（星期五至日及公眾假期）
六人之選：Park Nature 星際露營車
星際露營車係PARK NATURE 2021年嘅新車，設置２間房，每間房間都有一張KING SIZE雙人床，適合一大班朋友或者家庭嘅露營車！主人房有特大天幕，另一間雙人房都有一個細細嘅天幕，大家就可以喺夜晚瞓喺床上觀賞星空！另外，車內仲配備酒店級嘅洗手間，露營都可以享受最佳嘅體驗啊！
【INFO】
Park Nature 星際露營車（4-6人）
費用：HKD2,699起
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
