坊間愈嚟愈多唔同類型嘅工作坊，想揾啲嘢學吓就有更多嘅選擇，而學押花、乾花嘅工作坊更加係隨處可見，最常見係製作押花嘅飾物。如果想挑戰高難度，唔想淨係整押花飾物咁簡單，大家可以參加呢個以整押花手袋為主題嘅工作坊，製作屬於自己嘅手袋！
圖片來源：Holimood、The Handcrafter Workshop｜撰文：Sharon
專人指導整手袋 初學者都做到！
鮮花容易凋謝，但想留住鮮花最美嘅一刻好多人都會選擇整成乾花，近年來都多咗唔少手作嘅押花亁花飾物。除咗押花飾物、相架，最近更有一個押花手袋工作坊，如果出街唔想同其他人撞袋，可以考慮親身製作一個獨一無二嘅手袋！
課程中會有專業導師示範、指導製作方法同有關技巧，參加者可以學習水晶膠製作方法同學習押花花材配搭技巧。仲有超過50款嘅押花乾花同葉材可以選擇，再加上透明度高嘅水晶滴膠，就可以將咁靚嘅押花製成押花手提袋！工作坊更會教你製作一個完成版嘅押花手提袋，大家就可以根據自己嘅喜好，挑選唔同嘅材料製作啦~
多款透明款嘅押花手袋，真係靚到好似一幅畫一樣咁靚！
如果唔想畀人睇到晒手袋有啲咩物品，怕透明手袋冇咗私隱，大家都可以考慮整實色手袋。除咗用押花用裝飾，仲可以寫上自己嘅英文名添！
上完呢個工作坊就可以將咁靚嘅手袋拎翻屋企，小編見到都覺得好心動啊，有興趣一定要約齊好朋友一齊整啊！
【INFO】
押花手作坊- 手提袋 Class D
費用包含： 專業導師、所有材料及工具、最終製成品
課程時間：約2 – 2.5小時
費用︰450港元
報名方法：【按此報名】
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
