自從疫情開始，相信大家都少左好多機會去戲院睇戲，早前有36年歷史嘅UA院線更因此全線結業，消息一出，頓時令一眾香港人大喊：又少咁個集體回憶啦！而最近新世界發展行政總裁兼CULTURE FOR TOMORROW創辦人就決定要為電影業出一分力，係北角皇都戲院復修動工前，特別舉辦名為《尋找你我他的皇都》嘅歷史體驗活動，重新演繹當年幕幕經典場境 ，好好咁保留香港電影文化～ 各位有興趣嘅藝文青，而家即刻黎睇睇詳情啦！
圖片來源：官方網站｜撰文：candice
逾60年一級歷史建築 展出過百樣懷舊物品 重現50年代皇都戲院舞台
自從新世界發展去年成功取得擁有 68年歷史的皇都戲院大廈業權後，就一直努力復修前戲院的部分，當中包括天台俗稱「飛拱」的桁架建築。
為左保育皇都戲院，集團早在 3 年前就開始搜集與皇都相關嘅舊物，而是次活動將會展出 50 年代用作簡介上演電影的戲橋、多款不同舊戲票，包括超等位、堂座、午夜場、戲院員工制服、英皇道電車站明信片、舊北角鳥瞰圖等等。除此之外，大家去到仲可以回顧皇都戲院大廈樓書，以及由香港電影海報大師阮大勇繪畫的 70 年代電影海報，要數最罕有一定係1978 年已故國際巨星李小龍遺作《死亡遊戲》嘅電影海報及節錄！
大家一踏入皇都戲院商場，場內的懷舊佈景就會令你彷彿置身 50 年代皇都戲院的華麗舞台！從售票處接過一張舊式戲票後，體驗之旅就此展開。由璇宮戲院、「小上海」到皇都戲院，由國際級表演到中西首輪電影，皇都戲院的前世今生都被記錄於呢場活動之中。
從外牆的舊電影海報燈箱、「小上海」展館、到璇宮戲院的經典表演舞台、仿製的大型桁架模型，再配合特別投影裝置、燈光同音樂效果，每一位到場嘅參加者都好似走左入時光隧道，再次同皇都戲院一齊經歷時代變遷，體驗歷年來嘅香港電影文化。
皇都戲院好戲尚未完場 融入年輕藝術家作品增設特色打卡位
今次體驗活動以全新手法重現舊香港，舉辦方特意邀請到新一代年青藝術家參與，為戲院外牆增添特色畫作！
當中包括 90 後電影海報畫家「無紙用」林嘉恒，佢以數碼化技術配合年輕人的幽默觸覺， 結合皇都歷史和文化元素，於皇都商場外牆繪畫了一幅「全院滿座」的海報。以懷舊畫風呈現電影經典角色的獨特韻味，有趣生鬼得來又可以比大眾停低打卡！
另外連續三年榮膺全港書法公開賽冠軍的年青書法家陳家浚(Sam)亦有份參與！係商場內鐵閘上，大家會搵到佢灑脫豪邁嘅書法作品。今次嘅創作融入左 50 至 60 年代與電影相關的設計風格，同時亦將經典書法融入細節當中，真系超獨特又有格調。
除左藝術畫作，場內仲有一間50年代風格的髮型屋佈景，比大家一齊懷緬過去。
由於是次活動開放時段有限，並須實施人流管制，想參觀「尋找你我他的皇都 」活動的話，大家需要成為Culture for Tomorrow會員，再電郵至info@culturefortomorrow.org表達興趣並提交香港身分証號碼首四位數字。經揀選後獲邀的會員將收到附有指定入埸日期及時間的電郵。若未能到場參觀或未獲揀選的話，可留意4月中起亦設有網上虛擬導賞。
【INFO】
66年前的皇都戲院
「尋找你我他的皇都」
日期： 即日起至4月30日
時間：上午10時至下午7時
地點：北角皇都戲院商場 （英皇道279號，電廠街交界）
相關文章：
【香港都有！】頭文字D藤原豆腐店 神還原漫畫場景 秒變車迷打卡新熱點
