「蠟筆小新」同「玉桂狗」fans注意！「蠟筆小新」同「玉桂狗」聯乘推出一系列精品，包括公仔磁鐵盲盒、公仔鎖匙扣、隨行杯同平板電腦袋，每一款都既精緻又實用，想知點先買到就立即睇內文啦～

圖片來源：官方圖片｜撰文：Sharon

蠟筆小新x玉桂狗推出多款產品！（圖片來源：官方圖片）

當中小編心水推介一定係「絨毛公仔吊飾」，玉桂狗同蠟筆小新交換衣服，著上小新嘅紅黃色運動服，非常可愛！而蠟筆小新就戴上玉桂狗嘅招牌大耳朵，身為fans一家要入手～另外，仲有六款公仔磁鐵盲盒，包括睡衣裝玉桂狗、坐喺玉桂狗咖啡杯嘅小新、坐喺小新咖啡杯嘅玉桂狗、身穿鱷魚裝嘅玉桂狗同身穿鱷魚裝嘅小新，盲盒以隨機方式出貨，大家又最想要邊一款呢？

絨毛公仔吊飾（換購價 ₩7900）。（圖片來源：官方圖片）
公仔磁鐵盲盒（換購價 ₩4,000）。（圖片來源：官方圖片）

日常生活嘅實用產品就有「飲管杯」同「平板電腦袋」兩款選擇。「飲管杯」上印有坐喺玉桂狗咖啡杯嘅小新圖案，杯身以淺藍色為主調，超得意！至於「平板電腦袋」以淺黃色為配色，印有玉桂狗同小新一齊畫畫嘅圖案！依家只要喺韓國EDIYA COFFEE購買任何咖啡，即可以換購價買到「蠟筆小新Ｘ玉桂狗」系列精品，去韓國旅行嘅朋友，千祈唔好錯過啊！

平板電腦袋（換購價₩9900）。（圖片來源：官方圖片）
飲管杯（換購價₩15900）。（圖片來源：官方圖片）
【INFO】
《「玉桂狗Ｘ蠟筆小新」聯乘精品系列》
銷售點：韓國EDIYA COFFEE全線分店
「玉桂狗Ｘ蠟筆小新」聯乘精品系列。（圖片來源：官方圖片）

——————————————————

Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk