居家運動 | 又到夏天啦，相信大家喺炎熱嘅天氣下都會去游水或者去沙灘玩～去之前絕對要把握時間操Fit自己Body，只需要每日簡短5分鐘，堅持落去做一定有效果！無論係瘦手臂、腰定係肚都有片畀你輕鬆跟～

圖片來源：/ | 撰文：Hedy

居家運動 | 1. オガトレ（節奏瘦身法）

如果想一開始建立運動嘅習慣，就可以先跟日本YouTuber オガトレ嘅片一齊做，只要配合音樂節奏，做出指定嘅動作，就好似玩緊《太鼓達人》咁。不知不覺間聽住自己鍾意嘅音樂，邊跟住節拍做運動就連Ado、BTS、BLACKPINK等熱門歌曲都有！當中最熱門嘅影片就係跟住YOASOBI歌曲怪物，一齊用3分鐘去瘦手臂，短時間之餘又可以超輕鬆完成，感覺就好似玩緊遊戲咁～

居家運動 | 2. Momomi（大熱腹部運動）

居家運動 | 3. Pamela Reif（高強度全身訓練）

如果有做開運動，相信大家都一定有聽過Pamela呢個人名。無論係啱啱開始減肥嘅你，定係平時有做開運動，想再加強訓練嘅話，都可以就咁搜尋Pamela嘅運動片！你可以選擇自己想訓練嘅部位以及訓練時間，如果想成身望落去更有線條，就可以做啲Full Body Workout，難度都唔惹少㗎！

居家運動 | 4. May Fit （HIIT訓練）

除咗做運動可以令你減肥之外，配搭埋飲食效果先會更顯著！而May本身自己嘅體脂達30%，慢慢透過飲食、健身、運動先瘦返，所以絕對可以教大家最正確嘅瘦身方法，新手可以一開始試試HIIT，唔需要任何裝備，跟住堅持15分鐘就可以燃燒脂肪！

居家運動 | 5. Yuuka Sagawa (矯正體態)

香港人每日長期對電腦，容易出現駝背以及姿勢不良等情況，如果想有效改善背部以及腰間脂肪，就可以跟住Yuuka Sagawa一齊做8分鐘運動。只要背部蕭條變明顯之後，視覺效果就會好似瘦咗5公斤一樣，只要短短2星期就可以見到效果，超推薦大家跟住做。

居家運動 | 6. 힙으뜸（《體能之巔》沈音燈）

韓國人氣健身女神沈音燈，之前曾經參加過Netflix人氣節目《體能之巔：百人大挑戰》，擁有緊緻身形之餘，又有超分明嘅馬甲線簡直就係女生們最羨慕嘅身形！如果想每日維持做運動，就可以一朝早起身跟住沈音燈做8分鐘嘅拉筋運動，除咗可以令自己更精神之外，拉筋亦都有助拉長身型，視覺效果就好似高咗又瘦咗一樣！

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk