NITORI香港 ｜日本人氣家品店NITORI今日正式開幕，首間香港分店設喺九龍灣Megabox。作為旗艦店，NITORI提供超過5,500件日系家品、傢俬畀大家選購，鍾意日系家品嘅朋友記得唔好錯過！唔知點揀好？小編率先去到現場為大家視察環境，仲推介以下11款必買家品同傢俬，大家有興趣嘅話就快啲去買啦！
圖片來源：官方圖片、SAUCE編輯部｜撰文：Jan
| （廣告時間） |
來自北海道嘅家品店NITORI香港首間旗艦店位於九龍灣MegaBox，今日（21日） 正式開幕。小編立刻為大家精選咗11款必買日系家品、傢俬，即刻睇吓有冇你嘅心水產品啦！
NITORI香港必買家品｜1. 超輕量餐具
NITORI有一系列日本產嘅超輕量餐具，包括匙羹、小杯、小盤同大盤，另外亦有酒杯同清酒壺，清洗儲存夠方便，清新色彩為餐桌增添唔少日系氣息阿。
NITORI香港必買家品｜2. 餐檯組合
呢款實木製作嘅餐檯組合包含餐檯、兩張餐椅和長凳，有唔同大地色系選擇，容易配搭，盡顯日系家庭風格。餐檯加上岩板台面，耐磨防劃同耐高溫，令檯面唔容易被破壞或變形，更加採用咗容易清潔嘅材質，完美還原日系家居。
NITORI香港必買家品｜3. 茶几
茶几以深啡色作主調，附有儲物格的設計方便收藏雜物，令客廳更簡潔整齊。
NITORI香港必買家品｜4. 梳化床
呢款設計時尚嘅梳化床提供四種顏色（紅色、黑色、象牙白色和啡色）選擇，客人可按需要轉換成梳化、床或貴妃榻使用，十分慳位。有客人需要留宿嘅話就最方便啦。
NITORI香港必買家品｜5. 單人收納床
單人收納床有白色、淺啡色同中啡色三種選擇。床下設有六門收納櫃，而床頭亦可擺放鬧鐘等小物。
NITORI香港必買家品｜6. 涼感寢具
NITORI亦有近年日本家庭常見嘅涼感寢具，包括冷感枕墊、冷感床墊同冷感薄被，價錢實惠。
NITORI香港必買家品｜7. 防滑床用托盤
鍾意攤係床嘅朋友，就可以買呢個木系床用托盤，托盤特別加上防滑設計，無論喺床上工作，還是一邊食零食一邊煲劇，都唔駛擔心整污糟啦！
NITORI香港必買家品｜8. 抱枕 － 西瓜款、肉包款
NITORI推出多款清新可愛嘅抱枕，得意之餘手感仲好柔軟，點可以唔買阿。
NITORI香港必買家品｜9. 門背掛鈎
呢款掛鈎無需轉孔，利用門後空間收納一流。
NITORI香港必買家品｜10. 吊掛收納架
租屋不可以破壞牆壁，但又唔夠收納空間？吊掛收納架提供大面積收納空間，架上可擺放雜物或掛衫，下方則可以擺放書枱，啱晒租屋一族擺放喺香港蝸居嘅細小空間中。
NITORI香港必買家品｜11. 伸縮瓶刷
伸縮瓶刷可方便喺唔同容器中使用，海綿容易起泡，清潔水樽就更加方便啦！
顧客亦可即場免費申請NITORI積分卡，成為會員後每次消費都能輕鬆賺取積分，每100分即當作HK$1使用。另外，除咗店內各種生活好物，NITORI網上商店亦同步上線，更多傢俬家品即將陸續上架。NITORI還提供配送服務，詳情可與店內職員查詢。
NITORI香港開幕優惠
由9月22日（星期五）開幕日起到10月9日（星期一），NITORI仲會推出盛大開業優惠，全場購物每滿HK$200即減HK$20，任何消費贈送黑猫扇子一把，購物滿HK$100更會送上限量版訂製款時尚購物袋（贈品數量有限送完即止）。
【Info】 NITORI 九龍灣店 地址：九龍灣宏照道38號 MegaBox L6 開幕日期：2023年9月22日 網上商店：<按此>
