電磁爐推薦 | 越嚟越多人用電磁爐，無論係家居廚房嘅嵌入式/座檯電磁爐，定係方便使用、收藏嘅單頭款，近年嚟都好受歡迎。市面上咁多款，到底邊款好用？邊款高性價比、買得過？編輯下文將為你推介7款電磁爐，其中4款係座檯/嵌入式電磁爐，另外3款係單頭電磁爐，等你入手前都可以因應自己需要參考一下！
電磁爐推薦 | 1. 樂思 EC-2923 750毫米 雙頭2合1電能煮食爐
英國樂思 Garwoods 嘅 EC-2923 750毫米雙頭2合1電能煮食爐，絕對係各位嘅電磁爐入門首選。你可以選擇嵌入式或座檯式，而最正嘅係佢一爐有齊電磁加電陶設計，等你用一個價錢就可以享受到兩款爐頭，啱晒選擇困難症嘅朋友仔。
佢採用優質耐熱陶瓷玻璃面板，以及德國進口EGO發熱爐盤，最高加熱功率可以達到2800W（電磁爐部份）及2300W（電陶爐部份）。加上佢嘅靈活底盤設計，適合全港大部份氣體煮食爐之尺寸，仲有預校時間功能，就算係入廚初哥用都會得心應手！
【INFO】
樂思 EC-2923 750毫米 雙頭2合1電能煮食爐
價錢：HK$4,880
購買點：https://bitly.ws/WoDM
電磁爐推薦 | 2. 惠而浦 ACM320/BA 70厘米 兩頭電磁爐
作為家庭電器大牌子嘅惠而浦 WHIRLPOOL，相信大家都唔陌生。佢嘅 ACM320/BA 70厘米兩頭電磁爐，採用德國 SCHOTT CERAN® 玻璃，以及輕觸式控制面板。而且你可以因應自己嘅需要，選擇嵌入式或座檯式安裝，夠晒靈活。
佢總共有9種火力選擇，而且總火力最高可達4400W，喺市面上比較少見。如果你想要部夠大火力、夠鑊氣嘅電磁爐，揀佢就啱晒喇！
【INFO】 惠而浦 ACM320/BA 70厘米 兩頭電磁爐 價錢：HK$5,990 購買點：https://bitly.ws/WoE8
電磁爐推薦 | 3. 西門子 EH8P5261HK 78厘米 嵌入式雙頭電磁爐
德國嘅西門子 Siemens 係近年來唔少人嘅家電品牌之選，而佢嘅 EH8P5261HK 2800W 78厘米嵌入式雙頭電磁爐，更加係本年度超高人氣嘅電磁爐型號，因為佢主打嘅創新感應技術，可以令烹飪速度更快、更清潔、更安全！
呢款電磁爐有17段精確火力調控，可以輕鬆地以 touchSlider 輕觸式滑動操控火力。而且配備用於強力電磁爐嘅渦輪增壓：火力推進功能，令加熱或烹飪大量食物時節約高達35%嘅時間，快得嚟依然不失鑊氣，最適合鍾意快靚正嘅香港人，仲有自動關閉烹調區嘅功能，只要喺計時器預先選定烹煮時間，結束後就會自動、安全地停止烹調。
【INFO】 西門子 EH8P5261HK 78厘米 嵌入式雙頭電磁爐 價錢：HK$5,890 購買點：https://bitly.ws/WoEt
電磁爐推薦 | 4. 樂聲 KY-E227E 74厘米 嵌入/座檯式IH雙頭電磁爐
講起家電選擇，點會少咗樂聲 Panasonic？樂聲 KY-E227E 74厘米嵌入/座檯式IH雙頭電磁爐係日本製造，無論係嵌入式或座檯式都用到。具備快速加熱、快速煲水功能；加上採用 ECONAVI 智慧節能技術，可以自動隨著烹調狀況調節合適火力，高效省電節能，非常適合忙碌嘅香港人。
佢仲有一個好特別嘅功能，就係煎炸及油炸烹調程式喇。以設定嘅溫度準確加熱，而且佢會自動維持油溫！鍾意喺屋企自己炸嘢食嘅朋友仔，就算冇明火爐或炸爐，用呢個電磁爐都一樣炸到水準之作喇！
【INFO】
樂聲 KY-E227E 74厘米 嵌入/座檯式IH雙頭電磁爐
價錢：HK$8,380
購買點：https://bitly.ws/WoEB
電磁爐推薦 | 5. IKEA Tillreda 電磁爐
如果想方便啲，諗住買返個單頭電磁爐，編輯就推介 IKEA 嘅 Tillreda 喇。IKEA 嘅出名一向價錢都比較相宜，電磁爐都唔例外，只係$350就買到一部，絕對係高性價比首選！呢款更加係消委會2023嘅推介，因為佢嘅耗電率係最低。而且能夠喺4分鐘內加熱一公升水，以單頭電磁爐嚟講，加熱速度已經算好快！
雖然 IKEA Tillreda 細細部，但火力最高都去到 2000W，最適合小廚房㗎喇。爐身仲好貼心咁具備收納電綫挂鈎，方便大家喺唔用嘅時候收納，絕對係方便、實用、平價之選呀！
【INFO】
IKEA Tillreda 電磁爐
價錢：HK$349.9
購買點：https://bitly.ws/WoEH
電磁爐推薦 | 6. IRIS OHYAMA Ricopa IH 電磁爐
對電磁爐外觀有要求嘅女士們，就可以留意吓 IRIS OHYAMA Ricopa IH 電磁爐喇。佢同樣係單頭爐，但比較特別嘅係佢採用圓形面板設計，而且選用咗充滿少女心嘅粉色系，包括象牙白色、湖水藍色、櫻花粉色，係市面上比較少見。
除咗外形上較特別之外，佢喺功能上都唔輸蝕㗎。佢内部配有 IH 線圈，可以快速及均衡地加熱，啱晒喺屋企打邊爐！仲可以配埋佢原裝嘅3L鍋子一齊用，顏色一樣咁靚之餘，仲特別採用咗陶瓷材質，食物唔會黏底，甚至用少量嘅油進行翻炒、燒煮都得！
【INFO】
IRIS OHYAMA Ricopa IH 電磁爐
價錢：HK$998
購買點：https://bitly.ws/WoEQ
電磁爐推薦 | 7. 特福 IH7208 2100W 電磁爐
如果你想揀返大牌子嘅單頭電磁爐，想要信心保證的話，以下呢個可能啱你！特福 TEFAL IH7208 2100W 電磁爐同樣地係個高CP值嘅選擇。佢有10段火力調節，最高輸出功率為 2000W-2190W，而易潔陶瓷版面更可以用到直徑由12cm到24cm嘅平底鍋，夠晒方便。
加上佢一爐有齊水煮、蒸煮、煲湯、煎炸、爆炒、火鍋等功能，仲可以選用高火力模式，滿足你不同嘅煮食需要！
【INFO】特福 IH7208 2100W 電磁爐
價錢：HK$528
購買點：https://bitly.ws/WoF7
