最近有銀行推出咗張簽$1.5回贈1里超筍嘅飛行里數信用卡，究竟係邊張？有唔少銀行都推咗好多種飛行里數信用卡，平時買iPhone 、飲飲食食都可以碌卡儲里數，免費兌換機票四圍飛！今次小編就要為大家推介10張儲飛行里數嘅信用卡，總結吓邊張儲里數最快最抵用啦！
圖片來源：官方圖片 ｜撰文：Pauline
里數信用卡推薦｜1．渣打國泰 Mastercard
呢張係渣打銀行同埋國泰航空公司合作推出嘅信用卡，喺食肆同埋網上消費，每簽$4就有1里，再搭配佢個迎新禮遇，簽左$1,000就送5,000里數；簽左$5,000就有15,000里數獎賞；簽左$4萬更可獲得高達60,000里數，6萬里已經夠換4人家庭來回台灣機票啦，所以出卡後幾個月，就可以好快儲到好多里數兌換機票！
【INFO】 《渣打國泰 Mastercard》 年費：HK$2,000 (首年免) 回贈：食肆/網上/海外每$4=1里；其他每$6=1里 優惠：迎新高達60,000里；國泰／HKExpress 機票每$2=1里 申請連結：https://bit.ly/3FnSiKp
里數信用卡推薦｜2．東亞銀行World Mastercard
東亞銀行呢張卡可以自己揀要里數定係現金回贈，如果要里數嘅話，最抵係外幣消費每簽$4就送1里，而本地餐廳消費／指定零售，每簽$5就有1里；全年手機付款額外仲有12%回贈！新卡用家可以享有特別迎新禮遇，例如首兩個月有額外2%現金回贈，又可以自動存入亞洲萬里通戶口！每年年費$1,800，不過首年年費都係可以豁免㗎，由第二年開始都可以嘗試打電話3608 6628申請豁免！
【INFO】 《東亞銀行World Mastercard卡》 年費：HK$1,800 (首年免) 回贈：外幣$4=1里；餐飲$5=1里；手機支付可享12%回贈 優惠：迎新高達40,000里；戲票8折 申請連結：https://bit.ly/3PJefIz
里數信用卡推薦｜3．匯豐EveryMile
呢張卡係一張較新推出嘅信用卡，非常貼合日常需要。佢嘅優勢好明顯，無論係本地定係海外消費，只要每消費$5就可以賺取1里，同東亞嘅World MasterCard不相上下。不過佢真正亮點係於指定商戶消費可以極速累積里數，每消費$2就可以賺取1里。仲可以每年免費入貴賓室6次同埋有旅遊保險。EveryMile卡積分可以兌換現金回贈，或另外十幾個飛行計劃，包括KrisFlyer、英航、澳航等可以選擇。
【INFO】 《匯豐EveryMile卡》 年費：HK$2000 (首年免) 回贈：指定商戶$2=1里；其他$5=1里 優惠：免費貴賓室6次、旅遊保險 申請連結：https://bit.ly/3Q4gqYn
里數信用卡推薦｜4．美國運通Explorer
呢張係美國運通嘅飛行里數卡，本地消費每$5有1里，外幣消費就每$4有1里。呢張卡最好嘅地方係可以享有每年8次免費機場貴賓室服務，同埋免費旅行保險優惠。首年年費都係免晒㗎！而家仲做緊限時優惠，無論新客定舊客都有幾百蚊簽賬回贈優惠。
【INFO】 《美國運通Explorer卡》 年費：HK$1,100 (首年免) 回贈：本地$5=1里；外幣$4=1里；指定商戶$3=1里 優惠：迎新簽賬送HK$500/300回贈、免費貴賓室8次、旅遊保險 申請連結：https://bit.ly/3rAKhhR
里數信用卡推薦｜5．中銀Cheers Card Visa Infinite
呢張係中銀同Visa今年合作推出嘅高端信用卡，分為Visa Infinite同Visa Signature，可以話係咁多張信用卡入面最新嘅一張。用呢張卡可以選擇儲Asia Miles或者現金回贈，餐飲同旅遊消費可享10倍積分，相等於$1.5＝1里；本地消費則係$15＝1里。新卡半年有雙倍回贈。 Visa Infinite每年有2次免費貴賓室優惠同全球尊貴禮遇，首年年費豁免之後為$3,800，如有中銀理財戶口可豁免年費。
【INFO】 《中銀Cheers Card Visa Infinite》 年費:HK$3,800 (首年免) 回贈:餐飲/旅遊HK$1.5=1里；零售HK$15=1里 優惠:貴賓室尊享2次 申請連結：https://bit.ly/3PMqnbA
里數信用卡推薦｜6．星展銀行DBS Black卡
DBS Black卡係畀DBS$作為回贈，然後可再按自己需要兌換成Asia Miles或Avios里數。最吸引就係開卡頭幾個月有過百萬里數獎賞優惠！本地消費可以每$6賺取1里、海外消費更係每$4就有1里！至於年費係$1,800，首年免年費。
【INFO】 《星展銀行DBS Black卡》 年費：HK$1,800 (首年免) 回贈：本地$6=1里；外幣$4=1里 優惠：迎新可高達78,000里 申請連結：https://bit.ly/3RHOomT
里數信用卡推薦｜7．Citi Premier Miles卡
Citi Premier Miles有12個航空公司里數計劃可以揀選，換言之可兌換超過100間航空公司飛行里數。本地消費$6＝1里；外幣$4＝1里；海外及網上外幣簽賬低至每$3即可賺取1里。仲有免費旅遊保險，同埋每年可免費入12次機場貴賓室。年費係$2,000，首年可以豁免，到期之後都可試吓致電客戶服務熱線2860 0333申請豁免年費。
【INFO】 《Citi Premier Miles卡》 年費：HK$2,000 (首年免) 回贈：本地$8=1里；外幣$4=1里 優惠：免費貴賓室12次 申請連結：https://bit.ly/46ERo7R
里數信用卡推薦｜8．大新英航白金卡
呢張卡比較特別，係專門儲英航Executive Club里數Avios。喺本地消費每$6有1 Avios里數；外幣消費就係每$4＝1里。開通信用卡後首兩個月内，本地簽$10,000就有1：1比例回贈；之後每個月首$3,000都有兩倍積分。於英航官網訂機票仲有9折優惠，而且年費$1800仲可以豁免2年。
【INFO】 《大新英航白金卡》 年費：HK$1800 (首2年免) 回贈：本地$6=1 Avios里數；外幣$4=1 Avios 優惠：英航官網訂機票9折 申請連結：https://bit.ly/3PHHfjU
里數信用卡推薦｜9．大新ANA World萬事達卡
鍾意去日本既話呢張卡就啱哂啦！大新銀行同全日空ANA Airlines合作推出大新ANA World萬事達卡，可直接兌換ANA的飛行里數，乘搭ANA航班亦可享有優先辦理登機手續，購票時都可獲額外25%里數獎賞。至於儲里數方面，所有本地及海外簽賬可獲$8=1 里。兌換ANA里數沒有下限,可以一里一里咁兌換，又冇手續費。新客戶更可享高達17,000迎新里數獎賞（相等於ANA來回日本機票一套）及海外簽賬每$4=1里數。
【INFO】 《大新ANA World萬事達卡》 年費：HK$2000 (首年免) 回贈：本地及海外簽賬HK$8 = 1里數 優惠：優先辦理登機手續；乘搭 ANA 航班享額外25%里數 申請連結：https://bit.ly/3thQzDs
里數信用卡推薦｜10．美國運通白金信用卡
申請呢張卡嘅門檻比較高，年費未必可以豁免。不過所有簽賬，包括本地及海外都可以每$5賺1里，積分可用於12個飛行計劃，包括ANA、英航、阿聯航等，兌換飛行里數手續費每次$300。同時都可以享有機場貴賓室服務、旅遊保險及百老匯戲票9折等優惠。現時成功申請即享優惠總值高達HK$2,960，包括4張免費電影戲票、$500 CITY‘SUPER現金券等。首3個每$1簽賬可享5積分，賺取高達600,000美國運通積分足夠兌換$2,000現金券（以30,000積分兌換HK$100現金券計算）。
【INFO】 《美國運通白金信用卡》 年費：HK$200 回贈：本地及海外$5 = 1里數 優惠：貴賓室服務、旅遊保險、戲票9折優惠 申請連結：https://bit.ly/46jcN6y
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
