香港樓價堪稱「貴絕全球」，後生仔想買樓談何容易？不過最近有個油塘新盤出現7年來最低嘅震撼價，想買樓嘅你要好好把握機會。長實（1113）旗下嘅油塘東源街發展項目親海駅II於8月3號公布首張價單，最平嘅單位折實價只係需要290萬元，折實呎價13,810元。長實主席李澤鉅都話呢個樓盤話係超平，快啲睇下文了解更多資料啦。
圖片來源：長江實業發展有限公司｜撰文：Angela
「平爆價」開放式單位290萬起
親海駅II首批提供嘅單位有132伙，戶型包括開放式同埋一至三房。當中開放式單位有22伙、1房單位有43伙、2房單位有52伙、3房單位就有15伙。3房單位最高可以享有19%折扣，而其他戶型就可以透過「愛才即供付款計劃」得到最高折扣18%，買家只要持有正在修讀或者已完成嘅文憑、副學士、學士或者任何領域嘅專才證書，就可以享有上述優惠。親海駅II最平嘅入場單位係2A座1樓K室，屬於開放式單位，實用面積210方呎，價單訂價353.6萬元，以最高18%折扣計算，折實價只需要290萬元，折實實呎13,807元。而呎價最平嘅係兩房單位中嘅2A座1樓B室，實用面積449平方呎，價單訂價736.1萬元，折實售價603.6萬元，折實呎價13,443元。
7年來最平價格
親海駅II位於油塘臨海地區，毗鄰魚類批發市區同熟食市場，距離地鐵站腳程大約需要10分鐘。同區住宅仲有曦臺及海傲灣等。長實執行董事趙國雄接受訪問時形容親海駅II首批價單係「平爆價」，主席李澤鉅亦都話係「相當於7年前的樓價」。對於想買樓嘅你，又係咪一個好選擇呢？
【INFO】 《親海駅II》 官方網站：https://bit.ly/47jTmf2
