救命呀！生唇瘡又痛又痕真係好辛苦呀！雖然依家日日都可以戴口罩遮住個嘴，但係每當到食飯時間又會好怕整親個傷口，究竟有冇啲方法可以令唇瘡快啲謝咗又唔痛？除咗搽藥膏，偏方又有冇用呢？想知有啲咩方法解決同了解唇瘡成因就快啲碌落去睇內文啦！
圖片來源：網絡圖片｜撰文： Debbie
生唇瘡成因？
好多人都認為嘴唇生瘡是因為熱氣，但其實係受到細菌感染而引致嘅。病毒會潛伏身體入面，當身體免疫力下降，皰疹病毒就會再度活躍而引發唇瘡。除咗呢個原因之外，季節嘅變化亦都會有影響，例如皮膚乾燥，嘴唇爆拆都會令細菌有機可乘！當然過度疲勞、睡眠不足、傷風感冒或者月經週期都會增加生唇瘡嘅機會，所以轉季時如果嘴唇乾燥而甩皮記得唔好搣，如果唔係你就會好似小編咁活喺呢個唇瘡嘅地獄！
生唇瘡會唔會傳染㗎？
唇瘡入面含有具傳染性的皰疹病毒，唇瘡嘅傳染途徑包括用手觸摸患處後再接觸其他身體部位、共用毛巾、剃鬚刀、杯子或餐具，交換使用唇部產品(如唇膏)，錫錫都有機會傳染！所以記得生唇瘡要忍吓口，唔好同另一半有進一步嘅親密行為呀，一旦唔小心傳染俾另一半，我諗佢會嬲死你。
生唇瘡急救大法（一）- 凡士林
如果患唇瘡嘅情況唔太嚴重，可以用凡士林（塗抹時必須用棉花棒），以減輕徵狀及加快痊癒過程。記得要抹乾淨嘴唇先塗抹，小編試過用完之後，刺痛嘅感覺都有減少，如果想抒緩痛楚都可以使用㗎！
生唇瘡急救大法（二）- Acyclovir Stada 唇瘡膏
唇瘡膏含有阿昔洛韋（用於治療單純皰疹病毒感染、水痘、帶狀皰疹等），每日塗於患處，能快速且有效地消滅唇瘡。
Acyclovir Stada 唇瘡膏係唔少人熱推嘅唇瘡膏，屬於強效藥性唇瘡膏。在唇瘡初起，未形成之前塗上它，可快速抑制唇瘡爆發；若唇瘡患處愈來愈嚴重，塗上後大概四至五日左右就可以痊癒！
另一款唇瘡藥膏 – Herpatch口健樂唇瘡啫喱
使用口健樂唇瘡嗜喱後,有效成份 ctive Oxygen Therapy with Zinc經臨床測試幾分鐘後會形成層透明保護膜,避免唇瘡被擦破或再次流血,並且隱藏遮蓋唇瘡傷口,舒緩唇瘡所帶來的不適,加速傷口痊癒。不含水楊酸,適合4歲或以上兒童及成人使用。
生唇瘡急救大法（三）- 傳統偏方漱鹽水
生唇瘡用鹽水漱口好快好？其實用嚟消毒對潰瘍面太過刺激，用鹽水只是因為刺激麻木造成疼痛感缺失，但唔係鹽水真正起到作用，所以建議最好唔要使用呀！
小編好明白大家嘅心情，因為我正正經歷緊生唇瘡嘅痛苦，但只有休息多啲同盡量避免接觸傷口先會快啲好㗎，希望幫到大家啦！
【相關文章】慳錢絕技！靠呢招3年竟慳35萬 月光族必學！教大家買餸慳錢
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
