打風交通 | 天文台表示將會喺今晚18:20發出八號熱帶氣旋警告信號，更表示本港風勢將會增強！夜晚如果要返工嘅朋友又可以點搭車？喺8號風球下港鐵同巴士又有咩安排？
圖片來源：官方圖片 | 撰文：Hedy
打風交通 | 港鐵維持有限度服務
超強颱風摩羯嘅中心風力超過時速200公里，而天文台亦預告將會喺今晚18:20發出八號熱帶氣旋警告信號，大家都要儘早返屋企或者留喺室內安全嘅地方。而喺8號烈風或暴風信號下，港鐵將會喺下午3時起逐步加密班次，方便市民返屋企。當隨著暴風接近本港，班次會逐步減少，列車及輕鐵維持有限度服務。而喺信號發出三小時後，港鐵巴士服務停止。若然發出9號烈風或暴風風力增強信號及10號颶風信號下，露天段列車服務將會即時暫停。而隧道段列車將維持有限度服務，不過班次會比較疏，行車時間亦較長。
打風交通 | 港鐵改發較低信號後安排
當改為8號烈風或暴風信號時，由於可能要清理路軌上嘅雜物及復修受損嘅設備，同時亦需要時間調配列車，露天段列車服務會喺安全情況下逐步恢復，初時整體班次可能較疏，而港鐵巴士繼續暫停服務。改為3號強風信號時，港鐵巴士恢復服務，鐵路服務會喺有需要時加密班次。
打風交通 | 城巴加強下午時段巴士服務
因應天文台公佈於下午6時20分改發八號信號，城巴將會加強下午時段嘅巴士服務以方便市民下班，日間服務將一直維持直至八號信號生效後約2至3小時。
打風交通 | 九巴加強服務
九巴將加強服務以方便市民回家，並維持所有路線服務至八號信號生效後最少兩小時。而喺八號烈風或暴風信號生效期間，九巴及龍運以下路線將維持有限度服務，接載乘客來往港鐵站或口岸，而服務視乎天氣或實際路面狀況或會有所調整，乘客需繼續留言九巴及龍運公布。
北區：70K、78A、273A
沙田區：80K、81K、83K、85K、86K、87K、285、287
大埔區：71A、72K、272A
九龍東：3M、7M、16M、23M、213M、216M
將軍澳：296M
葵青及荃灣：31M、34M、36、37M、39M、248M、249M
口岸路線：B1、B9、276B
機場路線：S1、S64
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
