話咁快又就到端午節，但今個月其實仲有個更加重要嘅節日啊！一年一度父親節仲未諗到點同老豆慶祝？唔想爸爸次次覺得有阿媽心無阿爸份，咁就要即刻睇睇小編嘅食玩買推介啦～ 除左名歸又實用嘅禮物之外，今年唔少商場都有大量節日消費優惠！想同daddy過個開心嘅父親節，各位孝順仔女記得睇到最後啦！
圖片來源： apm、ELEMENTS、官方網站、網絡圖片｜撰文：Candice
父親節禮物推介1. Hublot限量版陶瓷腕錶
如果爸爸鍾意名錶嘅話Hublot就啱曬佢啦！最近品牌再同Sang Bleu 紋身工作室合作，推出左3款限量彩色陶瓷腕表Big Bang Sang Bleu II 系列。當中分別有藍色、灰色及白色3種選擇，複雜嘅圖形設計同Hublot自主研發嘅UNICO自動上鍊計時機芯互相配合，從外表到性能都一樣強大又型格。每款Big Bang Sang Bleu II 腕表均限量200隻，鍾意收藏鐘錶嘅爸爸收到絕對會開心！
父親節禮物推介2. Avoit TE-D01d mk2 真無線耳機
除左鐘錶，音響設備都係男人嘅浪漫之一！而家愈來愈多人用藍芽耳機，如果想係父親節為爸爸送上無線耳機，可以考慮Avoit的TE-D01d mk2。呢款耳機由日本音頻職人打造，可實現低失真、高音質嘅聆聽享受，另外佢嘅電池仲可以連續用11小時，岩曬鍾意聽歌又務求方便嘅爸爸們。
父親節禮物推介3. Hydragun 強力按摩槍
爸爸返工做嘢成日搞到周身酸痛？如果daddy係從事體力勞動型嘅工作，又點少得一部好嘅按摩機幫佢舒緩翻肌肉嘅勞累呢！近年按摩槍成為左男士健身界嘅熱門產品，就算平日無運動習慣，其實好多人都會買一部黎「看門口」。Hydragun按摩槍主打輕巧、高性能，仲係深受北美運動員青睞嘅按摩槍～產品利用左衝擊療法黎緩解肌肉酸痛，同時仲可以保持寧靜，如果爸爸平時鍾意做運動打下波嘅話，可以考慮買翻部比佢試試～
父親節禮物推介4. CASETiFY×NBA系列
雖然人大左成日要翻工可能無咩機會陪運動型爸爸一齊打波，但今年父親節一定可以送翻份岩心水嘅禮物比佢～CASETiFY最近再度與NBA合作，推出左多款實用性十足的手機殼、AirPods、無線充電器及手機支架。是次合作採用了NBA全數30支參賽球隊的標誌、吉祥物同顏色，無論爸爸係邊一隊嘅fans，都總有一款會係佢鍾意！另外系列仲有荔枝皮籃球造型手機殼，手感超級像真，真系為籃球迷爸爸而設嘅父親節禮物～
父親節禮物推介5. Clubman 護鬚三重奏套裝
講完從興趣著手嘅禮物，外表上都一樣有嘢可以送！每個男人都需要剃鬚，雖然作為佢嘅心肝寶貝女我地可能未必知道邊款剃鬚刨最好用，但我地都可以為爸爸提供剃鬚後嘅護理～呢套Clubman嘅護鬚三重奏套裝包括2合1鬍鬚/面部保濕護理霜、鬍鬚定型修護膏及鬍鬚滋養油，可以護理鬍鬚同時照顧埋面部保養，貪靚嘅爸爸一定會鍾意！
成日話買禮物比男人好難，買比上左年紀唔追波鞋、唔追figure嘅爸爸就更加難！如果以上幾款禮物都唔岩心水，適逢父親節，ELEMENTS 圓方有唔少潮牌都做緊購物優惠，大家可以趁機會買D新季服飾將爸爸打扮成型男之餘，由即日起至6月27號於商場以電子貨幣買滿$2,000後，仲可以有總值港幣$2,000嘅獎賞回贈添，而家即刻睇睇有咩好買啦～
父親節禮物推介6. BVLGARI 名貴腕錶、戒指、項鏈
潮牌BVLGARI一向係身分嘅象徵，如果實在無想法可以送咩，不如試下以前世情人嘅身分送下戒指、項鏈等型格首飾，爸爸收到後一定覺得冧死人！
父親節禮物推介7. Chopard 限量 L.U.C Flying T Twin 18K 玫瑰金腕錶
名貴腕錶有好多，如果爸爸平時打扮比較classic，經常要西裝、恤衫返工見客，呢款Chopard限量 L.U.C Flying T Twin 18K 玫瑰金腕錶就顯得貴氣性格又有地位啦～簡約由不失莊重嘅設計再配上經典陀飛輪，相信戴上之後無論出席任何場合都可以成為全場焦點！
父親節禮物推介8. Berluti x Bang & Olufsen 限量音響系列
以高級皮革製品起家的法國精品品牌 Berluti 向來高質！今次攜手丹麥頂級音響品牌 Bang & Olufsen 推出限量系列，呢個合作限量款 BeoPlay H95 高端藍牙降噪耳機有極高品質嘅音色、一次充電即可續航38小時。產品頭帶採用左 Berluti 頂級嘅 Venezia 皮革，搭配棕色古法染色效果同壓印標識，小羊皮耳罩墊超級柔軟，另外仲有耳機收納包方便爸爸揹著出街！
父親節禮物推介9. Dior Lock 男裝手袋
衫褲鞋襪一向係男士禮物清單中榜上有名，想送得實用又有格調，呢款Dior Lock嘅男裝手袋就適合不過啦～長方形嘅版型配上經典DIOR花紋，黑色皮革表皮再加上銀色鎖扣，大小仲可以放到小型laptop入去，完全岩曬daddy們翻工用！
推介左咁多父親節禮物，係食方面又點可以馬虎！ELEMENT圓方除左推出購物優惠，就連係演薈廣場內嘅環球食肆亦推出歡樂時段餐飲優惠～大家只要到District 8、Pivo Czech Bar、Stormies、 IZA Izakaya、McSorley’s Brewhouse & Grill、TANGO Argentinian Steak House、魚塘鴨子等餐廳同爸爸慶祝，就可以優惠價惠顧指定飲品同享有免費泊車優惠添！
慶祝父親節都可以去Staycation！觀塘市區更設特色打卡點
除左圓方，觀塘apm亦有新搞作～ 為左慶祝父親節，apm中庭裝飾將會變成「The Power Of Daddy」打卡點，商場加入加入大量Happy & Love 心意字句，比大家一齊去合照留念！大家到時只需要到apm Instagram用節日特設限定版IG濾鏡遊戲影相，仲可以參加埋「爸爸．開心拍住賞」影相比賽，最具創意嘅作品就有機會贏得數碼相機！
另外，「新地購物一站通」亦首創KOL直播室，特別為大家搜羅多個國際品牌嘅潮物，仲會以超級優惠價1折發售！大家如果怕疫情多人，都可以係屋企同爸爸一齊睇住直播開心shopping～ 當中包括各款電子產品、皇牌家電、國際彩妝，例如咖啡機、負離子淨化機、水牙線、PHILIPS直髮夾 、無線耳機、直髮夾等等，大家千祈唔好錯過咁好嘅掃貨機會啊！
不過講到疫情下嘅慶祝方法，又點少得一家人一齊去Staycation呢～馬灣嘅挪亞方舟度假酒店同太陽村莊為左迎接父親節同盛夏假期，將會推出親子套票優惠！既可比大家遠離煩囂，享受舒適度假體驗之餘，仲可以一齊參加親子活動，探索馬灣小島嘅自然面貌～
父親節Staycation推介1. 挪亞方舟度假酒店 – 歡聚慶祝度假計劃優惠
挪亞方舟度假酒店最新推出嘅「歡聚慶祝度假計劃」，除包括係舒適怡人的度假酒店入住一晚，亦可以係青馬大橋下，品嚐美味早餐同豐富晚餐 (4道菜豐盛晚餐或自助晚餐，視乎入住日子而定) ！
另外更包括一系列精彩活動，大家既可以親手製作可愛啤啤熊製造回憶，住客仲會獲贈蛋糕、葡萄汽酒、橙汁、6R紀念照片同精美鋁質氣球等等。以上住宿套票由即日至2021年8月31日都可以入住，想預訂嘅就要快D啦～
套票包括：
- 1晚酒店住宿所選客房類型(分別有雙人/大床客房、適合3至4人的特級豪華客房、四人家庭客房可供選擇)
- 於豐盛閣餐廳免費享用早餐
- 於豐盛閣餐廳免費享用4道菜豐盛晚餐或自助晚餐 (視乎入住日子而定)
- 免費參加啤啤熊之友製作室
- 免費精緻蛋糕乙個、葡萄汽酒乙支、橙汁乙支
- 6R紀念照片乙張及精美鋁質氣球乙個
- 6月至7月中房價： HK$1,608 起；7月中至8月底房價：HK$1,908起 (視乎入住日子、房間類型及入住人數而定)
父親節Staycation推介2. 太陽村莊 – 悠遊小島行住宿套票
馬灣東邊嘅太陽村莊 (Solar Villas)同樣推出「悠遊小島行住宿套票」，渡假村同綠樹懷抱的太陽村莊、馬灣大自然公園、古蹟館 (小芳園)同紅樹林為鄰，住客除左可在隱世度假旅館住宿一晚，仲有唔少戶外特色體驗可以參加！
其中「環島單車樂」就可以俾大朋友一齊踩單車穿梭馬灣舒舒壓，而小朋友亦可到挪亞方舟激玩「童趣飛馳樂」，盡情放電！套票更包括於挪亞方舟豐盛閣餐廳享用海景早餐添！
套票包括：
- 1晚太陽村莊所選客房住宿 (備有雙床/大床客房、温馨家庭房可供選擇)
- 免費於挪亞方舟豐盛閣餐廳享用早餐
- 免費玩挪亞方舟的「童趣飛馳樂」(兩節20 分鐘)，備有小型高卡車、兒童單車及三輪車
- 環島單車樂，租用3小時單車 (適合成人使用，而12至17歲人士須由成年人同行)
- 免費借用雙筒望遠鏡來探索大自然生態
- 免費借用桌上遊戲於房內享用
- 免費借用桌上遊戲於房內
希望大家今年都可以同爸爸過翻嘅開心父親節啦～
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
