港鐵優惠 | 小朋友又準備開始放暑假啦，相信各位爸爸媽媽都已經準備帶佢哋一齊去旅行，又或者計劃好去深圳親子遊，依家小朋友更可以免費搭港鐵經羅湖或落馬洲站往來香港，只需要簡單三步就做到，即刻睇睇教學啦！
圖片來源：官方圖片 | 撰文：Hedy
為咗迎接暑假出遊旺季，港鐵推出優惠，由即日起至9月1日，3至11歲嘅小朋友都可以免費搭乘搭往返機場，就連搭港鐵往來羅湖或落馬洲都係免費㗎，出行就自然更加方便啦～仲有機會可以乘搭多啦A夢主題列車，將各個特別版多啦A夢打卡！
暑假出遊更慳車費！
暑假嘅時候帶埋小朋友近近地去深圳玩，都係一個唔錯嘅選擇。再加上小朋友更可以憑有效小童八達通，免費往來羅湖或落馬洲，車費都慳唔少啦！無論係去深圳Shopping，定帶小朋友去動物園或者水上樂園玩都可以令佢哋有一個充實嘅暑假！
如果大家已經計劃好深圳親子遊，出發之前就記得要喺每次入閘搭車前，憑有效小童八達通到港鐵站內非付費區嘅數碼服務站或自助換領機，幫小朋友攞咗優惠先！只需要跟住以下3步，就可以免費往來羅湖或落馬洲：
1. 於首頁點擊「過境車程優惠」
2. 到「小童免費往來羅湖或落馬洲站」頁面後，點擊「領取」
3. 將小童八達通放喺閱讀器上，直至出現成功領取頁面
使用免費車程之後，家長都可以再喺推廣期內再去數碼服務站或自助換領機換領優惠，已換領嘅優惠必須喺同日領取後嘅下一車程使用！
【INFO】 《領取小童免費過境車程優惠》 推廣日期：即日起至2024年9月1日期間 優惠對象：3至11歲之小童八達通持有人 領取優惠地點：港鐵站內非付費區嘅數碼服務站或自助換領機
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
