生日真係大晒㗎！因為好多優惠等緊你，而且仲可以同朋友一齊享用。所以要好好利用咁特別嘅一日，去一啲平時少去嘅地方，渡過與別不同嘅一日。本文精選咗15個生日尊享優惠，送你免費蛋糕、雪糕以及泡芙！保證你可以開開心心過一個生日。
圖片來源：官方圖片｜撰文：Cynthia、Hedy
生日優惠2026 | 1. La Famille免費戚風小蛋糕
La Famille每個月都會抽一日推出生日之星優惠，如果幸運嘅你係當日生日，記得去活動網站登記，可以到分店換領戚風小蛋糕一個。
【INFO】
《La Famille》
了解詳情：La Famille網站
生日優惠2026 | 2. 西樹泡芙免費泡芙一個
西樹泡芙特選紐西蘭優質淡忌廉，入口香濃幼滑，成日都想買個當甜品。如果你生日，係機會食喇！生日正日出示有效生日證明同加入WhatsApp群組，即可獲贈特濃泡芙一個。
【INFO】
《西樹泡芙》
了解詳情：西樹泡芙
生日優惠2026 | 3. THE MATCHA TOKYO免費抹茶軟雪糕一客
甜品控留意！日本過江龍抹茶名店THE MATCHA TOKYO都推出生日禮遇，壽星只要出示身份證明文件，就可以免費獲得抹茶軟雪糕一客，過一個甜蜜嘅生日。
【INFO】
《THE MATCHA TOKYO》
了解詳情：THE MATCHA TOKYO
生日優惠2026 | 4. Diptyque 香水 5ml
平時有買開Diptyque香水嘅你絕對唔可以錯過呢個生日優惠，只要經Diptyque官方註冊成為會員，並享有購買紀錄，出示Email就有機會送你Diptyque 香水 5ml，等你可以隨時補噴。
生日優惠2026 | 5. photoism免費$50生日相框一組
各位壽星只要喺生日當日嚟Photoism，完成指定任務，就可以免費拍攝$50生日相框一組，*無人店/主題快閃 /自助拍照亭不參與該活動。
【INFO】 《Photoism》 地址： 旺角 新之城2樓262舖 & 旺角中心2樓S56舖 尖沙咀海港城 誠品書店2樓 尖沙咀彌敦道 [The One] Floor UG2 銅鑼灣世貿中心4樓 L4-15C
生日優惠2026 | 6. 海洋公園免費入場
平日返工咁攰，當然要趁生日放下電。生日正日可以免費進入海洋公園，玩下機動遊戲釋放壓力，不過記得要提前網上預約。
【INFO】
《海洋公園》
地址：香港島香港仔黃竹坑道180號香港海洋公園
生日優惠2026 | 7. 免費搭昂坪360纜車
生日當天可以免費乘搭來回昂坪纜車標準車廂。隨行朋友都可以八折購買最多三張纜車門票，成班朋友一齊欣賞大自然嘅景色。
【INFO】
《昂坪360纜車》
地址：香港大嶼山東涌達東路
生日優惠2026 | 8. DON DON DONKI驚安の殿堂
每次去Donki都買到手軟，生日緊係要再買多啲。下載 Donki 手機 app 登記成為會員，生日壽星可獲贈驚喜禮物一份，當中包括精選產品或者現金優惠券，快啲揀定你嘅心頭好啦。
生日優惠2026 | 9. Starbucks免費飲品/蛋糕
只要登記成為Starbucks綠星會員，生日月份獲享1杯免費中杯裝手調飲品^或1件蛋糕 (獎賞有效期為獲享獎賞後起計1個月)。
生日優惠2026 | 10. McDonald‘s 送新地/中薯條/蘋果批
只要成為麥當勞App會員，喺生日月份當日任何消費送新地/蘋果批/中薯條
生日優惠2026 | 11.The Pier 酒店生日住宿優惠
有房間氣球佈置打卡，一邊飲紅酒，仲有生日小禮物？The Pier酒店一次滿足你三個願望。客人訂房加HK$688就可以享有呢個生日禮遇，如果透過The Pier 官網或前台預訂房間，仲有特惠價HK$488！
【INFO】
《The Pier》
地址：香港西貢白沙灣街9號
生日優惠2026 | 12. 香港半島酒店「你生 • 我賞」生辰住宿
生日當然要吃飽睡飽，奢華咁輕鬆一日獎勵自己。半島酒店「你生 • 我賞」生辰住宿禮遇包括露台餐廳享用雙人自助早餐、半島香檳一瓶。食完野可以用埋$300半島水療禮券，放鬆身心，過一個非常治癒嘅生日。
【INFO】
《香港半島酒店》
地址：香港半島酒店九龍梳士巴利道
生日優惠2026 | 13.富豪酒店
喺生日月份預訂一晚住宿連雙人早餐，會有免費生日蛋糕送，非常貼心。精選禮遇仲包括免費富豪紅酒或白酒一支，同喺富豪軒、Mezzo及V bar & lounge 堂食單點餐牌仲可以享有七折優惠，鍾意食嘢嘅朋友唔可以錯過。
【INFO】
《富豪香港酒店》
地址：銅鑼灣怡和街88號
生日優惠2026 | 14. 都會海逸酒店
海逸酒店生日禮遇都好精緻。首先唔少得房間氣球佈置，方便打卡。仲送你一磅蛋糕同一枝紅酒，有得飲有得食。之後緊係要免費使用室外游泳池、健身室同桑拿，做下運動減肥。攰嘅話唔驚，因為有延遲退房可以休息多陣先走！
【INFO】
《都會海逸酒店》
地址：香港九龍紅磡都會道7號
2025生日優惠 | 15. 香港迪士尼樂園
生日，點可以只係慶祝一日！加入MyDisney HK預訂迪士尼酒店2晚起住宿，喺生日月份入住，可尊享實時房價65折，仲有免費毛巾造形蛋糕同生日卡送俾你打卡，真係一份好特別嘅心意！
【INFO】
《香港迪士尼樂園》
地址：香港新界大嶼山竹篙灣香港迪士尼樂園度假區
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
