講起飲茶「一盅兩件」，燒賣絕對係香港人必點之一！灣仔碼頭點心 系列繼上年推出兩款足料滋味嘅「灌湯小籠包」同埋「手工珍珠雞」。今次再為系列加入港人至愛嘅「鮮蝦燒賣」，只需要簡單加熱，即可以輕鬆享用熱騰騰又有口感嘅燒賣，想幾時歎，由自己話事！如果想知道更多灣仔碼頭點心 內容就快啲碌落內文睇下啦！
圖片來源：灣仔碼頭｜撰文：Hedy
灣仔碼頭點心 系列「鮮蝦燒賣」：
選用真材實料嘅頂級鮮蝦製作，加熱整完之後賣相非常吸引。而且透薄嘅燒賣皮包住鮮嫩雞腿肉餡料，食落口感豐富好煙韌，真係啖啖充滿肉質感，忍唔住都想食多幾粒！而且咁方便快捷，好適合懶人做早餐同埋宵夜嘅小食啊！
（圖片來源：灣仔碼頭）
【INFO】 灣仔碼頭「鮮蝦燒賣」 售價：HK$19.9 每包8隻 / 128克
灣仔碼頭點心 系列「灌湯小籠包」：
鮮嫩豬肉配搭秘製多汁嘅肉餡配方，肉質非常惹味而且湯汁好濃郁又鮮甜，真係估唔到咁出色啊。而且每一粒嘅小籠包都勁飽滿，睇得出好足料，再加上皮薄如紙咁唔易穿，可以好安全咁包裹住滿滿濃郁嘅湯汁，一口一粒啖啖「肉」，真係令人一試難忘！
【INFO】 灣仔碼頭「灌湯小籠包」 售價：HK$19.9 每包6隻 / 150克
灣仔碼頭點心 系列「手工珍珠雞」：
「珍珠雞」為傳統經典點心之一，採用優質荷葉由人手手工包製，加熱咗之後已經聞到陣陣嘅荷葉香氣超級濃郁。而且糯米口感好煙韌，珍珠雞嘅內餡都好足料，包括有咸蛋黃、臘腸、蝦米、冬菇、雞肉等食材，唔怪得之食落去嘅口感層次非常豐富！
【INFO】 灣仔碼頭「手工珍珠雞」 售價：HK$19.9每包2隻 / 150克
灣仔碼頭點心系列由即日起於各大指定超級市場有售，包括惠康超級市場、Market Place by Jasons、百佳超級市場、Taste、Fusion、華潤萬家、U購select、AEON永旺、Apita、UNY、YATA一田、Marae 及HKTVmall，並於3月24日至4月6日期間可憑試食價港幣$14品嚐新品！
全港多區快閃派燒賣
為慶祝新品推出，灣仔碼頭更預告將 於3月24日起一連兩個周五六日，喺全港多區舉行快閃免費派發活動，將派發共10,000包「鮮蝦燒賣」，只要讚好同埋追蹤灣仔碼頭專頁即可換領1份！每日派發數量有限，先到先得，派完即止，請密切留意灣仔碼頭Facebook 發放派發地點及時間的最新資訊！
另外灣仔碼頭更全港招募試食員，誠邀各位化身識食食評家，試食完「鮮蝦燒賣」之後，去到灣仔碼頭Facebook指定貼文留言分享感受，當中將會挑選出最具創意嘅食評，獲選者可以勁食一個月份量嘅燒賣！有關活動詳情及細則，請密切留意灣仔碼頭Facebook的最新資訊！
相關文章：【燒賣關注組 推薦！全港10大高質燒賣 最平$7/7粒！】
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
