怒潮 | 由港台三大型男張家輝、王大陸、阮經天所主演嘅《怒潮》將會喺2月22日上映，當中佢哋更會大打出手？即刻睇睇電影有邊6大睇頭！
圖片來源：官方圖片、微博@怒潮 | 撰文：Hedy
怒潮看點1：港台三大型男首次合作
除咗有金馬、金像雙料影帝張家輝以及金馬影帝阮經天進行演技交鋒之外，同時亦有台灣男演員王大陸，集結三大型男，相信無論喺演技上定係畫面上，都絕對可以滿足大家！張家輝將會喺戲入面飾演一位冷血殺手，為咗幫妹妹報仇，佢將會同阮經天所飾演嘅警察同埋王大陸飾演嘅黑幫份子，進行3方對決，場面一定好精彩！
怒潮看點2：以東南亞為背景
《怒潮》以東南亞為背景，更會揭露出當地綁架、人口販賣、器官交易等「暗黑產業鏈」嘅真實狀況。喺電影入面，阮經天飾演嘅警察同埋王大陸飾演嘅黑幫份子「馬文康」，都係呢個共犯結構嘅一份子，兩人將會同張家輝所飾演嘅殺手，有多場激烈打鬥，其尺度之大更被譽為華語電影新巔峰，唔知電影又會揭露啲咩真實故事出嚟呢？
怒潮看點3：馬浴柯第一套自導自演電影
馬浴柯曾經出演過多部電視劇同電影，當中包括《唐人街探案》、《拆彈專家2》以及《掃毒》等。而怒潮係佢第一步自導自演嘅作品，佢表示自己太愛電影，所以想大膽試試做導演。
怒潮看點4：打造韓式暴力美學
喺開拍《怒潮》之前，所有嘅演員都要接受專業嘅武術訓練，所以大家所睇到嘅畫面都係由演員親身上陣！除咗呈現真實嘅打鬥畫面之外，《怒潮》更邀請韓國知名動作指導打造動作場面，喺華語片入面加入韓式暴力美學，令唔少觀眾都有新鮮嘅感覺！
怒潮看點5：劇情簡介
多年嚟暗中從事人體交易等犯罪活動嘅洪泰集團，被神秘人陳安（張家輝飾）突然嘅出現變得惶恐不安。警察麥朗汶（阮經天 飾）及洪泰手下馬文康（王大陸 飾）受各自上司指令展開調查，一時間多方勢力交織其中，新舊秩序洶涌鬥狠，鹿死誰手尚不可知，一場打破黑暗秩序嘅角逐一觸即發。
怒潮看點6：預告片
【INFO】 《怒潮》 上映日期：2月22日 電影場次：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
