巴黎奧運靚女 | 大家除咗要繼續為香港運動員加油之外，巴黎奧運都有唔少兼具實力同顏值嘅靚女值得大家認識，更有被外媒評為「最性感運動員」嘅選手？即刻睇睇今屆奧運有邊啲美女運動員！
圖片來源：vofvadi、ZehraGüneşi、alicasmdi、siobhanhaughey01、vmwkong、kurtagichena、avishag_semberg | 撰文：Hedy
巴黎奧運女選手 | 1. 江旻憓
「微笑劍后」江旻憓喺巴黎奧運會女子重劍奪得金牌，出色嘅實力相信大家都有目共睹，然而江旻憓接受賽後訪問時嘅反差萌，相當可愛。再加上江旻憓文武雙全，身高又達178cm，有實力又有顏值，絕對係香港人心中嘅女神！
在 Instagram 查看這則貼文
巴黎奧運女選手 | 2. 何詩蓓
除咗「微笑劍后」江旻憓之外，大家都絕對要記得香港游泳運動員何詩蓓， 今年亦喺巴黎奧運女子200米自由泳奪得銅牌，連續兩屆奧運都有獎牌，絕對係香港人嘅驕傲！大家亦都要繼續何詩蓓出戰100米自由泳！
在 Instagram 查看這則貼文
巴黎奧運女選手 | 3. Alica Schmidt
被外媒評為「全球最性感田徑運動員」嘅德國選手Alica Schmidt，除咗有逆天長腿之外更有女生們最羨慕嘅腹肌，簡直就係超令人注目嘅金髮美女，唔講更會以為佢係Model！佢將會出戰4 x 400 接力，有興趣嘅朋友就要留意比賽時間啦～
在 Instagram 查看這則貼文
巴黎奧運女選手 | 4. Valentina Acosta Giraldo
嚟自哥倫比亞嘅Valentina Acosta Giraldo絕對係最美射箭手，以甜美笑容俘虜咗唔少觀眾嘅心，再加上招牌嘅濃眉大眼，相信都係唔少男仔鍾意嘅類型！但原來當時佢係因為Hunger Games入面嘅主角「凱妮絲」先開始學習射箭，到而家更可以出戰奧運，相當厲害！
在 Instagram 查看這則貼文
巴黎奧運女選手 | 5. Zehra Güneş
身高有成197cmZehra Güneş，再加上標誌嘅五官同高大嘅身型，令佢係比賽嘅時候相當突出。佢亦係土耳其女排嘅主力之一，實力相當頂尖，笑起上嚟嘅時候相當有魅力～
View this post on Instagram
巴黎奧運女選手 | 6. Hena Kurtagić
19歲嘅塞爾維亞排球手Hena Kurtagić出戰奧運，身高更有成195米，高挑嘅身材再加上搞怪嘅表情，令人覺得佢好可愛！每次打波嘅時候都係笑容滿載，睇佢打波絕對係一種享受！
在 Instagram 查看這則貼文
巴黎奧運女選手 | 7. Avishag Semberg (Instagram:avishag_semberg)
紮起高馬尾，帶畀人清爽感覺嘅以色列跆拳道選手Avishag Semberg，喺上屆東京奧運以19歲奪得女子跆拳道49公斤級銅牌，而今年就繼續出戰巴黎奧運，憑著170嘅身高，同埋可愛動人嘅外表都引起唔少人關注！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
