反斗奇兵5｜各位Toy Story迷一定要嚟打卡！隨住《反斗奇兵5》喺香港上映之後，今個暑假仲有以《反斗奇兵5》為主題嘅盛大派對——「FOREVER TOYS@海港城」，有齊2米高巨大版胡迪、翠絲以及紅心雕塑，仲有期間限定店！即刻入內文睇詳情喇！
圖片來源：官方圖片 | 撰文：Hedy
海港城將會喺6月19日至8月31日，化身以《反斗奇兵5》為主題嘅盛大派對——「FOREVER TOYS@海港城」！《玩具對科技》遊戲室設於海運大廈露天廣場，入口設有超過2米高嘅巨大版胡迪、翠絲以及紅心雕塑。而AIA反斗好友打卡位則設於港威商場廣東道入口，大家可以同胡迪、翠絲及莉莉平板打卡。只要喺現場完成任務，即可免費換領高達HK$150禮遇。借用神秘道具同裝置合照並上載於個人社交媒體，加上活動指定標籤，更可以換領獨家反斗奇兵限量禮品一份～
反斗奇兵5｜反斗奇兵5期間限定店
全港唯一官方The Forever Toy House反斗奇兵5期間限定店將於海運大廈地下展覽大堂盛大登場。期間限定店匯聚超過30個國際及本地人氣品牌，帶嚟逾800款主題精品，包括珍藏級玩偶、潮流配飾以及生活用品等。現場更有多款首發新品以及會場限定商品。場內更特設Snapio限定主題自拍亭，等大家都可以紀錄低呢個美好時刻～嚟緊仲有一連串嘅迪士尼與彼思主題活動正在籌備中，更多大型主題裝置及互動體驗將陸續進駐海港城，包括海運觀點及海港城美術館等，記得去打卡喇！
【INFO】 《FOREVER TOYS @海港城》 日期：2026年6月19日至8月31日 地點：6月19日起包括海運大廈露天廣場、海運大廈地下展覽大堂、海運大廈地下中庭及港威商場廣東道入口；7月起將陸續新增海運觀點、海港城美術館
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
