中秋好去處2025 | 參考美國太空總署（NASA）數據設計而成，直徑達6米嘅巨型火星裝置登陸香港，啱晒大家喺中秋節打卡～即刻入內文睇地址同詳情！
圖片來源：官方圖片 | 撰文：Hedy
南豐紗廠將會喺9月19日至10月26日期間，推出宇宙首個《下一站：火星》假期計劃！一顆直徑達6米、參考美國太空總署（NASA）數據設計而成嘅巨型火星裝置，即將登陸南豐紗廠，化身火星旅遊局局長Mr. MARS，喺中秋假期為忙碌嘅香港人，呈獻星際休閒無重之旅！
中秋好去處2025 | 巨型火星裝置
巨型火星裝置參考美國太空總署（NASA）航拍火星景觀及數據，按比例設計與製作而成，呈現火星赤紅表面以及星體上嘅高山低谷。裝置上超過60寸嘅LED雙屏眼鏡，象徵會思考嘅行星之眼。同時大家更會喺度見到火星旅遊宣傳短片，以有趣嘅動畫去啟發大家對火星生活嘅想像，Mr.MARS帶大家認識紅色星球。
中秋好去處2025 |「宇宙同源生成器」打卡裝置
大家可以到訪「宇宙同源生成器」嘅互動裝置前面，化身跨外星物種！由唔同顯示器組成嘅「宇宙同源生成器」會將你嘅身體同唔同外星生物組合，每個造型都搭配咗一件地球手信例如種籽、牧童笛、相機等，作為贈予火星同伴嘅小禮物，促進交流。
中秋好去處2025 | 限定紀念品及工作坊
火星旅遊局更推出宇宙限定紀念品，包括火星旅遊局襟章以及Mr.MARS火星造型燈籠，等大家喺中秋之夜點亮星際夢想！南豐紗廠今個中秋推出一系列活動，帶大家了解更多大自然及宇宙能量，當中包括氣場光譜照片體驗，透過氣場及脈輪能量讀取儀，利用生物反饋技術，解析你嘅能量色彩，生成專屬氣場光譜照片。另外亦有夢妮妲天狼星馬雅曆法之旅，由資深身心靈學習引導人夢妮妲帶領，深入馬雅曆法奧秘連接星際智慧，提升意識層次。
【INFO】 《《下一站：火星》假期計劃》 日期：2025年9月19日至2025年10月26日 時間：10:00至22:00 地點：南豐紗廠–地下紗廠坊 《氣場光譜照片體驗》 日期：2025年9月20至21日、27至28日 時間：12:00至19:00 費用：氣場光譜照片 $80；氣場光譜照片以及脈輪能量狀態評估 $120 地點：南豐紗廠–地下紗廠坊 《夢妮妲天狼星馬雅曆法分享會》 日期：2025年9月20至21日 時間：17:00至18:00 費用：$30 地點：南豐紗廠–地下紗廠坊
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
