LinaBell x Paul & Joe | 唔知大家又認唔認識喺Duffy與好友入面嘅新朋友LinaBell呢？LinaBell係可愛嘅小狐狸，深受大人同小朋友喜愛。最近東京迪士尼海洋樂園將會推出同Paul & Joe所製造嘅LinaBell商品，即刻睇下有咩新產品！
圖片來源：官方網站 | 撰文：Hedy
東京迪士尼今次同法國巴黎時尚品牌Paul & Joe聯名，推出一系列以LinaBell為主題嘅商品，當中包括環保袋、銀包、袋、毛巾以及手提袋等等。今次推出嘅產品將會以粉紫色為主調，再配合LinaBell好乖咁睇書嘅圖案，簡直係超得意～除咗加入PAUL&JOE經典花花圖案之外，喺LinaBell嘅圖案上面都有唔同顏色嘅花，色彩繽紛！
LinaBell產品1. 環保袋
小編就最推薦LinaBell嘅粉絲們一定要入手呢款環保袋，夠輕巧之餘，用完更可以折翻做正方形，方便攜帶。再加上入面嘅容量都夠大，出去Shopping買嘢必備。溫柔嘅紫色再加上花花圖案，令人感受到春天繁花盛開嘅美好～
【INFO】
LinaBell環保袋
價錢：¥3,600（約港幣$183）
LinaBell產品2. 銀包
如果平時收納唔少信用卡或卡片嘅大家，呢款LinaBell銀包絕對適合大家。銀包設有分層設計，除咗可以畀你放硬幣之餘，又可以收納信用卡以及紙幣等，容量比一般卡包大。除咗銀包實用之餘，更會附送LinaBell嘅吊飾，超可愛，就咁掛喺袋都冇問題！
【INFO】
LinaBell銀包
價錢：¥3,600（約港幣$183）
LinaBell產品3. 手提袋
日常出街或者落街嘅時候，都可以用呢款LinaBell手提袋，除咗粉色設計可以滿足少女心之外，容量亦都夠大，無論係裝飯盒以及水樽等相信都冇問題～而袋後面同入面嘅設計都有Paul & Joe經典花花圖案，咁就唔怕設計單調！
【INFO】
LinaBell手提袋
價錢：¥5,000（約港幣$254）
LinaBell產品4. Tote Bag
如果嫌手提袋容納唔夠大，就可以用同一個設計嘅Tote Bag，可以裝到電腦以及iPad等等嘅物品。帶呢個袋出街自然心情都會好啲，同時袋上面亦已經附有LinaBell吊飾，簡單得嚟又美觀！
【INFO】
LinaBell Tote Bag
價錢：¥8,600（約港幣$436）
LinaBell產品5. 化妝包
如果本身鍾意LinaBell，同時又係紫色控嘅朋友，相信一見到呢款化妝包就已經被吸引。淡紫色嘅配搭再加上大容量嘅設計，無論係裝化妝品、日常小物以及文具等都適用，絕對要入手！
【INFO】
Linabell化妝包
價錢：¥4,400（約港幣$224）
LinaBell產品6. 斜孭袋
LinaBell粉絲絕對需要買呢款斜孭袋，粉白色嘅設計令人容易配搭，同時不會過於搶眼。斜孭袋仲可以自己調較長短，由75cm到最長嘅131cm。無論係買比自己定係買畀小朋友都好推介！
【INFO】
LinaBell化妝包
價錢：¥8,600（約港幣$437）
LinaBell產品7. 毛巾
夏天最需要一條毛巾抹汗，無論係鍾意粉紅色定係紫色嘅大家，都可以分別入手呢條迷你嘅毛巾，就算擺落褲袋都好方便！具觀賞性之餘又實用，唔知大家買完之後會唔會唔捨得用呢～
【INFO】
LinaBell毛巾（粉色/紫色）
價錢：¥1,500（約港幣$77）
發售地點
想入手以上商品嘅朋友，就要留意產品將會喺5月23日先開始發售，產品亦都會喺東京迪士尼海洋入面嘅史高治百貨公司發售！
【INFO】 東京迪士尼海洋 發售日期：2024年5月23日（星期四） 地址：千葉縣浦安市舞濱1-1
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
