踏入10月，好多電影同劇集喺Netflix新上架，真係引爆戲迷嘅期待！太多好睇唔知睇邊套？今次小編整理咗最新上架嘅Netflix電影同劇集並精選咗10套推介畀大家，懸疑電影、甜蜜韓劇樣樣都有，幫助有「選擇困難症」嘅你揀啱心水影片慢慢睇！
圖片來源：Netflix｜撰文：Cynthia
Netflix10月新片推介｜1. 我的女神室友斗娜 (Doona!)
終於等到「國民初戀」裴秀智回歸了！Netflix 原創浪漫韓劇《我的女神室友斗娜》由裴秀智與梁世宗主演，《愛的迫降》李政孝導演執導，並改編自NAVER網漫《愛上姐姐的理由》，陣容可謂強大。故事講述一名平凡嘅男大學生李元峻（梁世宗飾）， 在合租屋偶遇一位退隱嘅KPOP偶像（裴秀智飾），共譜姐弟戀曲。呢對CP感覺清新，必定令你睇到臉紅心跳！
【INFO】 《我的女神室友斗娜 Doona! 》 主演：裴秀智、梁世宗 上架日期：10月20日 題材：浪漫
Netflix10月新片推介｜2. 芭蕾復仇曲 (Ballerina)
繼《黑暗榮耀》後，另一個復仇計畫《芭蕾復仇曲》再度上線！電影講述由玉珠（全鐘瑞飾）為摯友敏熙展開一段美麗卻無情的復仇，甚至賭上性命。玉珠是保鑣出身，擅長護身術、劍術、槍支和自行車等各種技能。全鐘瑞飾演體能要求如此高嘅角色，打破以往形象，相信大家對佢嘅演出都充滿期待！
【INFO】 《芭蕾復仇曲 Ballerina》 主演：全鐘瑞、金志勳、朴有琳 上架日期：10月6日 題材：犯罪電影、冒險動作片
Netflix10月新片推介｜3. 沉默騙局 (Pain Hustlers)
大家努力工作，無非都想令自已同身邊嘅人過上好日子，而電影《沉默騙局》中嘅麗莎（Emily Blunt飾）一樣有呢個目標。麗莎為咗女兒生活更好，喺一家破產的藥品公司工作，帶領公司逐漸走向成功，卻毫不知情地捲入犯罪陰謀之中。想知道最後麗莎嘅人生會變成點，記得10月27日準時睇啦！
【INFO】 《沉默騙局 Pain Hustlers》 主演：Chris Evans、Emily Blunt、Catherine O'Hara 上架日期：10月27日 題材：陰謀、驚悚
Netflix10月新片推介｜4. 怪盜羅蘋（第三季） (Lupin Part 3)
法國凱薩獎影帝歐馬希（Omar Sy）再度登場！佢飾演嘅亞森迪歐（Assane Diop）決心為父親報仇，第三季故事中躲避追捕，四處躲藏，決定離開法國。然而，某人意外歸來，捲入更多恩怨情仇。第一季跟第二季故事都算精彩，快些溫習前兩季內容，準備迎接第三季的到來！
【INFO】 《怪盜羅蘋（第三季） Lupin Part 3》 主演：Omar Sy 上架日期：10月5日 題材：劇情片、懸疑推理
Netflix10月新片推介｜5. A Deadly Invitation
Olivia Uriarte（Maribel Verdú飾）與第五任丈夫離婚後，情緒崩潰，決定向同父異母嘅妹妹Agatha同舊朋友發出一份神秘邀請函，邀請佢哋喺遊艇上共度一個週末，但其實別有目的。小編特別好奇，背後真正嘅動機係咩？
【INFO】 《A Deadly Invitation》 主演：Maribel Verdú、Stephanie Cayo、Manolo Cardona 上架日期：10月6日 題材：墨西哥、喜劇片、懸疑推理片
Netflix10月新片推介｜6. 死亡修女 (Sister Death)
萬聖節來臨，大膽嘅你當然要挑戰Netflix驚悚之作《死亡修女》！電影講述見習修女納西莎（阿麗亞·貝德瑪 飾）擁有超能力，來到一所曾是修道院的女校教書，挖出修道院最駭人嘅秘密，解開學校內部人物嘅種種謎團。今個萬聖節，呢套恐怖片會否嚇到你叫破喉嚨呢？
【INFO】 《死亡修女 Sister Death》 主演：阿麗亞·貝德瑪，Maru Valdivielso，路易莎·梅瑞拉斯 上架日期：10月27日 題材：西班牙，恐怖片
Netflix10月新片推介｜7. 碧咸傳 (Beckham)
碧咸應該沒有人沒聽過吧？總看到他球場上的英姿，卻很少人清楚他真正的面貌，紀錄片系列《碧咸傳》分為四集，呈現足壇巨星大衛·碧咸 (David Beckham)如何在足球、愛情、家庭中取得平衡的幕後故事。紀錄片更大爆教練費格遜用鞋打傷碧咸眼睛嘅故事，聽落都好juicy！有興趣想了解呢位足球明星生活嘅朋友，記得去睇啦！
【INFO】 《碧咸傳 Beckham》 上架日期：10月4日 題材：紀錄片
Netflix10月新片推介｜8. 老派老豆 (Old Dads)
小朋友經常覺得老豆咩都識。相反，電影《老派老豆》中三位老豆就發現自己咩都唔識！喺世界快速變遷嘅時代，三位中年老爸面對千禧世代嘅CEO同幼稚園校長，感到難以適應以及跟唔上時代步伐。究竟佢哋處於呢個環境下有咩得著呢？想睇到老派同新世代嘅時代衝突，千萬唔好錯過！
【INFO】 《老派老豆 Old Dads》 主演：比爾·伯爾、巴比·卡納佛、博金·伍德賓 上架日期：10月20日 題材：喜劇片、獨立電影、美國電影
Netflix10月新片推介｜9. 冥王 (Pluto)
長崎尚志說道：「無論站在戰線的哪一邊，兩方都一樣受苦受難，而和平始終是唯一的解答。」《Pluto》由名著《20 世紀少年》作者浦澤直樹創作，改編手塚治虫《原子小金剛：地上最大機器人篇》，實屬必看經典作品。劇情敘述機器人警探蓋吉特負責調查，卻未發現任何人類犯罪嘅蛛絲馬跡，並發現全心全意想毀滅世界嘅敵人。小編身為浦澤老師嘅忠粉，我相信《Pluto》會掀起動畫界熱潮！
【INFO】 《冥王 Pluto》 主演：藤真秀、日笠陽子、鈴木實里 上架日期：10月26日 題材：科幻與奇幻動漫、懸疑驚悚動漫、動漫影集
Netflix10月新片推介｜10. 天堂生存戰 (Surviving Paradise)
《天堂生存戰》係實境節目，將12位參加者置放逐荒野，要求佢哋於極其困苦喺嘅環境中求生。如果某名參加者能好好利用策略，就可以住進別墅，以「局內人」身份享受炎夏，並有機會爭取改變生活嘅巨額獎金。究竟邊位參賽者能成功獲得10萬美元大獎金？記得10月20日Netflix準時收看！
【INFO】 《天堂生存戰 Surviving Paradise》 主演：Jessimae Peluso 上架日期：10月20日 題材：競賽實境節目、實境節目
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
