Netflix劇集2024 | 新嘅一年大家準備好迎接2024年Netflix將會推出嘅續集未呢，今年將會繼續有6套大熱韓劇嘅續集，當中更包括魷魚遊戲2，即刻睇睇幾時上映啦！
圖片來源：Instagram@netflixkr | 撰文：Hedy
2024年Netflix將會推出6套劇集嘅續集，例如大熱《魷魚遊戲2》、《Sweet Home3》以及《殭屍校園2》等。當中部分嘅劇集已透露上映日期，即刻睇睇新一季嘅內容同時間啦！
Netflix劇集2024 | 1. 《魷魚遊戲2》
由黃東赫導演執導同編劇嘅《魷魚遊戲》，引發熱潮，更喺Netflix上觀看次數最多嘅系列。其續集《魷魚遊戲2》已經確定將會喺今年上映，並開啟一系列嘅「魷魚遊戲宇宙」！大家喺第一季見到嘅李政宰、李炳憲、魏嘏雋同孔劉等熟悉嘅面孔，都會再次登場！當中更有一系列新演員如任時完、姜河那、朴成勳及T.O.P崔勝賢等人出演。呢個豪華嘅陣容好令人期待！
由李政宰所飾演嘅成奇勳，將由第一季嘅黑色頭髮變成紅色頭髮，贏咗獎金嘅佢回歸遊戲竟然喺為咗報仇，甚至要揭開真相？而本來係警察嘅魏嘏雋潛入去做工作人員，究竟會發現到啲咩真相？失蹤嘅哥哥會喺邊？魷魚遊戲2將會喺今年12月上映，趁有時間大家都可以重新再睇多次《魷魚遊戲》，隨時會發現重要劇情提示！
Netflix劇集2024 | 2.《殭屍校園2》
《殭屍校園》改編自朱東根創作嘅人氣網漫《極度恐慌》，講述一間中學開始爆發殭屍病毒，入面嘅學生要逃出學校，否則就會成為感染者之一。續集同樣由朴持厚、尹燦榮、趙怡賢、羅門、劉仁秀、李瑜美等原班人馬主演。
喺第一季嘅結尾入面，只有班長「南拉」被殭屍咬傷後冇任何情況發生，佢體內具備強大抗體，同時又唔會感染其他人！導演亦都曾經喺第二季未開拍前表示：「如果說第一季是人類的生存記，第二季感覺會成為殭屍們的生存記。」相信續集都會係相當精彩刺激！
Netflix劇集2024 | 3.《Sweet Home 3》
《Sweet Home 3》劇集改編自同名網路漫畫，並由宋江、李陣郁、李施昤等人主演。劇集講述由宋江飾演嘅車賢秀，因家人離世後獨自搬到「綠之家」居住。當他因感到絕望而想結束生命嘅時候，卻喺公寓入面遭怪物襲擊，因此只可以同鄰居並肩作戰去對抗怪物，從此展開唔一樣嘅人生。大家期待已久嘅《Sweet Home 3》將會喺今個夏天上映！
第三季將會喺2024年嘅夏天播出，將會延續第二季所留下嘅伏筆。由李到晛飾演嘅李恩赫將會重新復活，並以最強特殊感染者身分從巨大球體孵化出嚟，究竟最後佢嘅重生又代表啲咩呢？
Netflix劇集2024 | 4.《總有一天機智的住院醫生生活》
超高人氣及討論度嘅《機智醫生生活》將會推出番外篇《總有一天會機智的住院醫生生活》，並由申元浩導演同李祐汀任編劇，兩人均共同參與劇集。故事描述大學醫院入面嘅婦產科住院醫生最真實嘅醫院生活，《MOVING 異能》入面嘅女演員高允貞都有份參與，除此之外更有申詩雅、韓藝智、姜有錫、鄭俊元等演員，預計將會喺2024年下半年推出。
Netflix劇集2024 | 5. 《地獄公使2》
《地獄公使》改編自自延尚昊同崔圭石嘅同名網絡漫畫作品《地獄》，某一日地獄使者帶嚟死亡預告，審判人類落地獄。而喺呢個社會亂象入面，一班宗教團隊新真理教順勢崛起，親手懲罰一班違背神聖意志嘅人！
本來由劉亞仁主演嘅《地獄公使》，因被捲入吸毒醜聞，新一季將會由金聖喆頂上，再加上金聖喆、文瑾瑩、金信祿等等主要演員出演，相信會為大家繼續帶來震撼又精彩嘅劇情，《地獄公使2》將會於下半年推出。
Netflix劇集2024 | 6.《熱血司祭2》
《熱血司祭》由金南佶、金成均、李荷妮主演，講述神父和刑警通過老神父死亡事件相遇，開始聯手調查嘅故事，當中更以腐敗、新興宗教、地區福利機構嘅榨取等現實性事件為背景。由2019嘅第一季等到2024年，有望喺今年上映第二季，預計將會喺下半年同觀眾見面！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
