NeNe Chicken炸雞放題 | 快啲約埋朋友一齊去食炸雞啦！韓國炸雞品牌NeNe Chicken推出$129炸雞放題，任食炸雞之外仲可以任飲汽水60分鐘。而多人同行更會送迷你豬手/芝士火鍋又或者係玫瑰薯仔排骨湯，即刻入內文睇詳細優惠啦！
圖片來源：官方圖片 | 撰文：Hedy
韓國炸雞品牌NeNe Chicken為慶祝旺角分店開業9周年，特意推出炸雞放題，每逢星期一及星期三供應！當中低至$129就可以享用60分鐘炸雞放題（味道只限招牌/韓式甜辣/蒜香醬油），再加汽水放題！另外亦有90分鐘任食10款口味炸雞、雞翼及汽水放題，仲有埋9款精選韓式小食，包括魚糕串、辣炒年糕、玫瑰醬炒年糕、炸醬麵、雞蛋卷、芝士粟米、玫瑰醬配炸餃子、初雪薯條以及炸蝦飯卷，價錢都只係$149，超抵價！
NeNe Chicken炸雞放題 | 多人同行優惠
有興趣嘅朋友就記得要叫多啲人一齊去啦，NeNe Chicken更推出多人同行優惠，3人即送迷你豬手或芝士火鍋，而4人就送玫瑰薯仔排骨湯，再加埋任食炸雞放題，一定夠晒飽啦～炸雞放題更係全日供應，暫時都未知優惠幾時完結，大家記得趁早去食啦～
【INFO】 《NeNe Chicken炸雞放題》 價錢： $129 60分鐘炸雞放題（味道只限招牌/韓式甜辣/蒜香醬油) +汽水放題 $149 90分鐘炸雞/雞翼/汽水放題+9款精選韓式小食 營業時間：星期一至日 12:00 - 21:45 地址：旺角亞皆老街8號朗豪坊11樓30號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
