MINISO X Chiikawa | MINISO繼續同Chiikawa聯名推出第三彈驚喜，除咗有公仔之外，仲有掛飾、拖鞋以及水杯等新產品，各位粉絲要準備定銀包啦！即刻睇睇新產品邊度有得買！
圖片來源：MINISO | 撰文：Hedy
MINISO同Chiikawa聯名推出新產品，可愛嘅小八、Chiikawa、兔兔、海獺師傅、栗子饅頭以及小桃鼠著上五顏六色嘅睡衣，而且摸落去質地超毛茸茸，冬天攬住一定超舒服！冬天天氣凍絕對唔少得一對幫你保暖嘅家居拖鞋，有齊小八、Chiikawa以及兔兔3款，可愛得嚟又實用，過一個暖笠笠嘅冬天！日日都飲好多水嘅你，絕對要買埋保溫杯連飲筒，仲有埋飲管蓋喺上面，襯埋專屬配件同顏色，超得意。
MINISO X Chiikawa | 小編推薦chiikawa行李箱
除咗第三彈推出嘅以上驚喜之外，唔知大家之前又有冇買到chiikawa嘅行李箱同手提箱呢，大概港幣437就買到20吋嘅行李箱，去旅行帶住佢都絕對開心啲！而手提箱更有小八、Chiikawa以及兔兔3個款式，無論係放化妝品定係隨身小物都超適合，仲可以套埋落行李箱上面，超方便，大概港幣$110就買到！
MINISO X Chiikawa | 邊度有得買？
如果大家想最快入手新產品，就可以喺9月13日，喺以下10間旗艦快閃店搶先開售，記得去之前要先預約，否則隨時白行一趟！而9月20日開始就會喺所有渠道正式上架！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
