報稅懶人包2024 | 各位辛苦返工嘅打工仔又要報稅啦，當收到稅表之後記得要喺一個月內提交，仲苦惱緊點填報稅表嘅大家就要參考以下方法，至少幫你慳$18,000，即睇懶人包啦！
圖片來源： 政府新聞處、網上圖片 | 撰文：Hedy
報稅懶人包2024| 1. 報稅時間
稅務局已經於5月2日發出約244萬份2023至24課稅年度個別人士報稅表，一般嚟講大家都需要喺6月3日或之前遞交報稅表，足足有一個月嘅時間畀大家填寫。如果大家經網上報稅嘅話，就可以再自動延長一個月，只要喺7月2日或之前完成報稅就可以㗎啦。當大家喺7月31日或之前都未收到課稅年度報稅表，而你又超過2023/24年度課稅年度個人基本免稅額$132,000嘅話，就應該要致電1878022向稅務局查詢，又或者親身到稅務局中央詢問組索取報稅表複本。
報稅懶人包2024| 2. 每個人都要報稅？
就算冇收入或者收入低嘅人士，其實都需要報稅，只要收到報稅表，就一定要喺限期入面報稅！如果係Freelancer或者兼職以現金出糧，都需要如實申報！
報稅懶人包2024| 3. 年薪幾多要交稅？
2023/24年度課稅年度個人基本免稅額$132,000，所以只要你嘅個人入息係高過港幣$132,000就要交稅。即使超過以上呢個數，只要扣除免稅額例如供養子女免稅額、供養父母免稅額等，都未必人人需要交稅㗎！
報稅懶人包2024| 4. 免稅額項目
除咗基本免稅額外，政府每年都會提供唔同嘅稅務寬減項目，當中包括子女免税額及供養父母及供養祖父母或外祖父母免税額等等。
| 基本免税額 | $132,000 |
| 已婚人士免税額 | $264,000 |
| 第1名至第9名子女（每名） | $130,000 |
| 每名子女出生嘅課税年度，子女免税額可獲額外增加 |
$130,000 |
| 供養兄弟姊妹免税額 | $37,500 |
| 供養每名父母/祖父母/外祖父母年齡為55歲以上但未滿60歲 | $25,000 |
| 供養每名父母/祖父母/外祖父母年齡為60歲以上 | $50,000 |
| 供養每名父母/祖父母/外祖父母年齡未滿60歲但有資格根據政府傷殘津貼計劃申索津貼 | $50,000 |
| 單親免税額 | $132,000 |
| 傷殘受養人免税額 | $75,000 |
| 傷殘人士免税額 | $75,000 |
報稅懶人包2024| 5. 税項扣除
當計算薪俸税或個人入息課税時，除咗各類免税額之外，大家都可以申索其他嘅税項扣除。
| 個人進修開支 | 上限$100,000 |
| 認可慈善捐款 | 上限35% |
| 長者住宿照顧開支 | 上限$100,000 |
| 強制性公積金計劃 | 上限$18,000 |
| 居所貸款利息 | 上限$100,000 |
| 根據自願醫保計劃保單所繳付嘅合資格保費 | 上限$8,000 |
| 合資格年金保費及可扣税強積金自願性供款 | 上限$60,000 |
| 住宅租金税項扣除 | 上限$100,000 |
報稅懶人包2024| 6. 如何計算薪俸税？
睇咗以上咁多資料，咁究竟點先可以計到自己要交幾多薪俸稅？香港嘅薪俸稅有2種計算方法，包括應課稅入息實額以及入息淨額，以最低款項為準。如果覺得麻煩唔想自己人手計嘅話，善用稅務局嘅稅務計算機輸入返唔同嘅金額，就可以估算到要交嘅稅額。
應課稅入息實額 = 入息總額 – 扣除總額 – 免稅額總額，然後再按累進税率計算應繳税款
| 應課稅入息實額 | 稅率 | 稅額 |
| 首50,000港元 | 2% | $1,000 |
| 其後50,000港元 | 6% | $3,000 |
| 其後50,000港元 | 10% | $5,000 |
| 其後50,000港元 | 14% | $7,000 |
| 餘額 | 17% | / |
入息淨額 = 入息總額 – 扣除總額，再按標準税率（15%）計算應繳税款
報稅懶人包2024| 7. 遲交税單後果
根據稅務局嘅資料，遲交報税表會被罰款，或被檢控。同時未填交報税表人士亦可能會多繳税款，因為評税主任發出嘅估計評税，不會給予該納税人他/她可申報扣減嘅免税額、強積金供款、認可慈善捐款、個人進修開支同居所貸款利息等扣除，所以大家記得要喺一個月限期入面交啦！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
